IMG-LOGO

2025 ජුලි මස 19 වන සෙනසුරාදා


කුරුණෑගල දරුවන් අපයෝජනය කළ ගුරා මාරු

(පුෂ්පකුමාර ජයරත්න)

කුරුණෑගල මිශ්‍ර පාසලක ගුරුවරයකු එහි හය වසරේ සිසුවියන් පිරිසක අ⁣පයෝජනය කරන ලදැයි කියන සිද්ධිය සම්බන්ධයෙන් ජාතික ළමාරක්ෂක අධිකාරිය පැවැත්වූ විමර්ශනයේ දී සැකකාර ගුරුවරයා අතින් එම සිසුවියන් පිරිස අපයෝජනයට ලක්ව ඇති බවට තොරතුරු අනාවරණය වී ඇතැයි ආරංචිමාර්ග සඳහන් කළේය.

පාසලේ ආදි සිසුන් සහ මවුපියන් සිද්ධිය සම්බන්ධයෙන් සාධාරණ විමර්ශනයක් කරන ලෙස කුරුණෑගල දිස්ත්‍රික් ලේකම් ආර්.එම්.ආර්. රත්නායක මහතාගෙන් කළ ඉල්ලීමක් අනුව කුරුණෑගල දිස්ත්‍රික් ලේකම්වරයාගේ උපදෙස් අනුව ජාතික ළමාරක්ෂක අධිකාරියේ කුරුණෑගල දිස්ත්‍රික් කාර්යාලය මෙම විමර්ශනය පැවැත්වීය.

මේ සිද්ධියවී ඇතැයි පැවැසෙන්නේ පසුගිය වසරේ නොවැම්බර් මාසයේ දී ය.

මෙම අපයෝජන සිද්ධිය සම්බන්ධයෙන් කරන ලද පැමිණිලි සම්බන්ධයෙන් නිසි විමර්ශනයක් සිදු නොවූ බවට මවුපියෝ පිරිසක් කුරුණෑගල දිස්ත්‍රික් ලේකම්වරයාට මෙයට පෙර පැමිණිලි කර සිටියහ.

ඒ අනුව ජාතික ළමාරක්ෂක අධිකාරියේ කුරුණෑගල දිස්ත්‍රික් මනෝ සමාජයීය නිලධාරිනී කාංචනා සුබසිංහ, දිස්ත්‍රික් ළමා ආරක්ෂණ නිලධාරිනියන් වන චමීරා රාමනායක සහ ලක්මිණි ධර්මදාස යන මහත්මීහු මෙම විමර්ශනය කළහ.

විමර්ශන කණ්ඩායම අපයෝජනයට ලක්වූ බව කියන සිසුවියන්ගෙන්, ඔවුන්ගේ මවුපියන්ගෙන්, පාසලේ විදුහල්පතිවරයාගෙන් සහ වයඹ පළාත් අධ්‍යාපන අධ්‍යක්ෂ මුදිතා ජයතිලක මහත්මියගෙන් ද ප්‍රකාශ සටහන් කරගෙන තිබිණ.

සැකකාර ගුරුවරයා අවස්ථා කීපයකදීම පාසල් කාල වේලාවේදී සිසුවියන් සිවුදෙනා අපයෝජනයට ලක් කර ඇති බව පැහැදිලිව ම අනාවරණයවී ඇතැයි විමර්ශන වාර්තාවේ දැක්වේ.

මෙම ගුරුවරයා සේවය කරමින් සිටින පාසලේ රාජකාරි සඳහා වාර්තා කර නැති බව ද ඔහු සිටින තැනක් හෝ සොයා ගැනීමට නොහැකිවී ඇති බවද වාර්තා වේ.

නොදන්වා සේවයට නොපැමිණීම හේතුවෙන් සැකකාර ගුරුවරයාගේ සේවය අත්හිටුවා ඇති අතර, පාසලේ විදුහල්පතිවරයා ද මෙම ගුරුවරයා සම්බන්ධයෙන් වාර්තාවක් කුරුණෑගල කලාප අධ්‍යාපන කාර්යාලයට බාරදී ඇතැයි වාර්තා වේ.

අවිවාහක 56 වැනි වියෙහි පසුවන මෙම ගුරුවරයාට එරෙහිව මීට පෙර වැල්ලව ප්‍රදේශයේ පාසලකින් ද මෙවැනිම අපයෝජන චෝදනාවක් එල්ලවී තිබූ බවට කියති.

එම චෝදනාව සම්බන්ධයෙන් ද ඔහුට එරෙහිව මෙතෙක් ක්‍රියාමාර්ගයක් ගෙන නැතැයි ආරංචි මාර්ග සඳහන් කළේය.

 



අදහස් (1)

කුරුණෑගල දරුවන් අපයෝජනය කළ ගුරා මාරු

දිමුත් Monday, 26 February 2024 03:28 PM

මීට පෙරත් චෝදනා එල්ල වුණු මේ ගැන නැවත සේවයට යොදවපු කෙනා ගැනත් විමර්ශනයක් කර ක්‍රියාමාර්ගයක් ගත යුතුයි...

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 405 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 565 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 233 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site