නාවික කොමදෝරු දෙකක් කුඩු සමග මාට්ටු

(මනෝප්‍රිය ගුණසේකර)

අයිස් සහ හෙරොයින් මත්ද්‍රව්‍ය තොගයක් සමඟ නාවික හමුදා ලුතිනන් කමාන්ඩර්වරු දෙදෙනෙකු ඇතුළු සිව්දෙනෙකු මුල්ලේරියාව පොලිසිය විසින් අද (19) රාත්‍රීයේදී අත්අඩංගුවට ලත් බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතීඥ නිහාල් තල්දූව මහතා පැවසීය.

මුල්ලේරියාව පොලිසියට ලැබුණු තොරතුරකට අනුව අංගොඩ මුල්ලේරියාව ප්‍රදේශයේ කළ වැටලීමකදී පුද්ගලයින් සිව්දෙනෙකු අත්අඩංගුවට ගෙන පරීක්‍ෂා කිරීමේදී ඔවුන් සන්තකයේ තිබී හෙරොයින් සහ අයිස් මත්ද්‍රව්‍ය ග්රෑම් 510ක් සොයා ගෙන ඇතැයි වාර්තාවේ.

අත්අඩංගුවට ගත් පුද්ගලයින් සම්බන්ධයෙන් සොයා බැලීමේදී ඔවුන්ගෙන් දෙදෙනෙකු නාවික හමුදා ලුතිනන් කමාන්ඩර්වරු වශයෙන් හඳුනාගත් බවද පොලිස් ආරංචි මාර්ග සඳහන් කරයි.

අදහස් (11)

නාවික කොමදෝරු දෙකක් කුඩු සමග මාට්ටු

Prabha Friday, 19 April 2024 10:27 PM

මුහුදෙන් අල්ලාගත්තු ඒවාගෙන් එයාලාගේ කොටස වෙන්න ඇති...

: 0 1

Perera Saturday, 20 April 2024 03:18 AM

ඕවා මොනවද? පොලිසියේ ලොක්කත් අපරාධකාරයෙක් කියලා තීන්දු කරලා තියෙන්නේ...

: 0 1

Siva guganesh Saturday, 20 April 2024 07:52 AM

රොටි පුච්චන්න ගෙනියන ගමන්ද?

: 0 1

dupul Saturday, 20 April 2024 08:03 AM

ප්‍රාඩෝ, බීඑම්ඩබ්ලිව් වල ඉගිල්ලෙනකොට අපි හිතන්නේ එයාලා ජෙනුයින් පුරවැසියෝ කියලා. බලනකොට එක්කෝ කුඩු කාරයෙක්, පගාකාරයෙක් නැතිනම් ලංකාවට කුණු කන්ටේනර් ගෙන්නපු කෙනෙක්...!

: 0 1

Lal Saturday, 20 April 2024 09:57 AM

යකඩ මල්ලට ගුල්ලෝ ගහලා නම් හාල් මල්ල නොබලාම විසි කරපිය කිව්වේ...

: 0 1

minoli Saturday, 20 April 2024 11:03 AM

ඔවුන්ටම ඒවා කවන්න තුන් වේලටම... බිරිඳ, දරුවෝ ඉන්නවා නම් ඔවුන්වත් ගෙනැල්ලා අයිස්, හෙරොයින් කවන්න. එතකොට ඕක මර්ධනය කරන්න පුළුවන්. රටේම ඉන්න මිනිස්සුන්ට මොවුන් ඕවා කවලා තමයි ඒ අය සැප විඳින්නේ. ඔය අයගේ දෙමව්පියන්ටත් කවන්න...

: 0 1

Ruwan Saturday, 20 April 2024 02:48 PM

කොමදෝරු කමාන්ඩර්, ලුතිනන් කමාන්ඩර් එකිනෙකට වෙනස් නිලයන් වේ...

: 0 5

Lalla Saturday, 20 April 2024 11:06 PM

හමුදාවලට වැඩ නෑ. අනීතික වැඩ වැඩියි ඒකයි.... යුද්ධයක් නැති කාලෙකට මෙතරම් හමුදාවක් නඩත්තු කරන්න අපි වගේ දුර්වල ආර්ථිකයකට බෑ නේද? නිලධාරී උෂ්ණය පිරුණු ලොක්කෝ වාහන ගෙවල්වල වැඩට නීත්‍යානුකූලව සහ අනීතික අතුරිනුත් යොදනවා. හමුදාව අඩුකර වෙනත් රැකියාවලට යන්න උනන්දු කරවීම වටිනවා නේද?

: 0 1

නිහාල් Saturday, 20 April 2024 11:23 PM

රට වටේ මුහුද තිබිලත් කුඩු කිලෝ ගණන් රටට එන හැටි දැන් තේරෙනවා...

: 0 1

Kariyawasam Sunday, 21 April 2024 06:30 AM

දෙකක්ද, දෙන්නෙක් ද?

: 0 1

de silva Sunday, 21 April 2024 08:06 AM

දැන් නාවික හමුදා නිලධාරිනුත් මේ වැඩේට බැහැලා වගේ සමහරු කියනවා... කුඩු ජාවාරම් කාරයෝ, පාතාලයෝ, සුදු වෑන්වල අරින්න ඕනේ කියලා... නමුත් නීතිය අතට ගැනීම අනුමත කරන්න බැහැ. මුලින්ම මරණ දඬුවම් නියමවෙලා හිරේ ඉඳන්... කුඩු ජාවාරම් මෙහෙයවන මහා පරිමාණ කුඩු මුදලාලිලාට අධිකරණයෙන් නියම වූ මරණ දඬුවම ක්‍රියාත්මක කරන්න ඕනේ... එතකොට මිනිස්සු බයවෙනවා... වැරැදි වැඩ වලට සම්බන්ධ වෙන්න. එහෙම බැරි වුණොත් වෙන ක්‍රියාමාර්ග ගන්න වෙනවා.

: 0 1