එසැණ පුවත්

විපක්ෂ නායක අධිකරණ භූමියට

විපක්ෂ නායක සජිත් ප්‍රේමදාස මහතා හිටපු ජනාධිපති රනිල් වික්‍රමසිංහ මහතාගේ නඩුව විභාගයට ගැනෙන කොටුව මහේස්ත්‍රාත් අධිකරණ සංකීර්ණයට දැන් පැමිණියේය.

26 August 2025

කොළඹ අවට අලුත්ම තත්වය

රක්ෂිත බන්ධනාගාරගත කර සිටින හිටපු ජනපති රනිල්වික්‍රමසිංහ මහතා අද (26) දහවල් අධිකරණයට ඉදිරිපත් කිරීමට නියමිත බැවින් මේ වන විට අධිකරණ භූමිය අවට ආරක්ෂාව තර කර තිබේ.

26 August 2025

තව පෝලිමක් ළඟ ළඟම එනවා

රනිල් අත්අඩංගුවට ගැනීම එකක් පමණක් බවත් තව පෝලිමක් ළඟ ළඟම එන බවත් නියෝජ්‍ය අමාත්‍ය නාමල් කරුණාරත්න මහතා පැවසීය

26 August 2025

ශෂින්ද්‍ර යළි රිමාන්ඩ්

කිරිඉබ්බන්වැව ශ්‍රී ලංකා පොදු ජන පෙරමුණ දේශපාලන කාර්යාලය අරගල කරුවන් විසින් 2022 දී ගිනිබත් කිරීමෙන් සිදුවූ හානියට රුපියල් 8850000.00ක වන්දි මුදලක් රජයේ නිලධාරීන්ට බලපෑම් කර ලබා ගනිමින් රාජ්‍ය දේපළ සාපරාදී සාවද්‍ය පරිහරණය කරන ලදැයි කියන හිටපු රාජ්‍ය අමාත්‍ය ශෂීන්ද්‍ර රාජපක්ෂ මහතා ලබන 29 දින දක්වා යළි රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් අසංග එස් බෝදරගම මහතා අද නියෝග කළේය.

26 August 2025

ඇලෝසියස්ගෙන් සල්ලි ගත්තු අයටත් වැඩ වරදි

ඇලෝසියස්ගෙන් සල්ලි ගත්තු අයටත් නීතිය ක්‍රියාත්මක කරන බව ප්‍රවාහන වරාය නාවික හා සිවිල් ගුවන් සේවා අමාත්‍ය බිමල් රත්නායක මහතා පැවසීය

26 August 2025

කොටුව මහේස්ත්‍රාත් උසාවිය අවට දැඩි රැකවල්

හිටපු ජනාධිපති රනිල් වික්‍රමසිංහ මහතා සම්බන්ධයෙන් වන නඩුව විභාගයට ගැනෙන අද කොටුව මහේස්ත්‍රාත් උසාවිය අවට දැඩි ආරක්ෂක රැකවල් යොදා තිබෙන අයුරු දැක ගත හැකි විය.

26 August 2025

නඩුව අවසන් වනතුරු ශෂින්ද්‍ර රිමාන්ඩ් කරන්නැයි අල්ලස් කොමිසම ඉල්ලයි

කිරිඉබ්බන්වැව ශ්‍රී ලංකා පොදු ජන පෙරමුණ දේශපාලන කාර්යාලය අරගල කරුවන් විසින් 2022 දී ගිනිබත් කිරීමෙන් සිදුවූ හානියට රුපියල් 8850000.00ක වන්දි මුදලක් රජයේ නිලධාරීන්ට බලපෑම් කර ලබා ගනිමින් රාජ්‍ය දේපළ සාපරාදී සාවද්‍ය පරිහරණය කරන ලදැයි රක්ෂිත බන්ධනාගාර ගත හිටපු රාජ්‍ය අමාත්‍ය ශෂීන්ද්‍ර රාජපක්ෂ මහතා නඩුව විභාග කර අවසාන වන තෙක් රක්ෂිත බන්ධනාගාර ගත කරන්නැයි කොළඹ ප්‍රධාන මහේස්ත්‍රාත් අසංග එස් බෝදරගම මහතා ඉදිරියේ කරුණු දැක්වූ අල්ලස් කොමිසම අද ඉල්ලා

26 August 2025

සජිත් සිව්වන දිනටත් රනිල් බලන්න යයි

රිමාන්ඩ් බන්ධනාගාරගත කිරීමෙන් පසු කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලබන හිටපු ජනාධිපති රනිල් වික්‍රමසිංහ මහතාගේ සුව දුක් බලන්නට විපක්ෂ නායක සජිත් ප්‍රේමදාස මහතා අදත් (26)ගියේය.

26 August 2025

ත්‍රිපෝෂ සමාගම නීතියට පිටින් දීමනා ගෙවලා

ත්‍රිපෝෂ සමාගම නිසි අනුමැතියකින් තොරව සේවකයන්ට 2023 වර්ෂයේදී එක්කෝටි විසි හය ලක්ෂයකට වැඩි දිරි දීමනා ගෙවා ඇතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන්වේ.

26 August 2025

සාමය කඩවන කිසිදු වැඩකට අනුබල දෙන්න එපා

කිසි විටෙකත් සාමය කඩවන අකාරයෙන් කිසිඳු ක්‍රියා මාර්ගයක් නොගන්නා ලෙස එක්සත් ජාතික පක්ෂ නියෝජ්‍ය නායක රුවන් විජයවර්ධන මහතා නිවේදනයක් නිකුත් කරමින් ඉල්ලා සිටී.

26 August 2025

ව්‍යාජ තෑගි ඔප්පු හදා දේපොළ පවරාගත් දොස්තර පුතා සහ තාත්තා අත්අඩංගුවට

ව්‍යාජ තෑගි ඔප්පු 19 ක් සකස්කර අන් සතු දේපළ අත්පත් කර ගත් බව කියන වෛද්‍යවරයෙකු සහ ඔහුගේ පියා ඊයේ (25) අත්අඩංගුවට ගත් බව අපරාධ පරීක්ෂණ දෙපාර්තමේන්තුව පවසයි.

26 August 2025

එජාපය මල්වතු -අස්ගිරි මහ නාහිමිවරුන් හමුවෙයි

එක්සත් ජාතික පක්ෂ නියෝජ්‍ය නායක රුවන් විජයවර්ධන මහතා ඇතුළු පක්ෂ නායකයෝ පිරිසක් මහනුවරදී තිබ්ටුවාවේ ශ්‍රී සිද්ධාර්ථ සුමංගල මල්වතු මහ නා හිමි සහ වරකාගොඩ ශ්‍රී ඤාණරතන අස්ගිරි මහ නාහිමි අද(26) බැහැ දුටුවේය.

26 August 2025

පුංචි ආණ්ඩුවලට බර වාහන

පළාත් පාලන ආයතනවලට බර වාහන අලුතින් මිලදී ගැනීමට රජය තීරණය කර ඇත.

26 August 2025

තියුණු ආයුධයකින් පහරදී මරලා

මඩොල්සිම බෝගහකුඹුර වෙල්යායේදී අද( 26) අලුයම තිස් නවය හැවිරිදි පුද්ගලයෙකු තියුණු ආයුධයකින් කපා කොටා ඝාතනය කොට ඇතැයි මඩොල් සිම පොලිසිය පැවසීය.

26 August 2025

රිය අනතුරකින් අයෙක් මරුට

කොට්ටාව පිළියන්දල 342 බස් මාර්ගයේ මත්තේගොඩ සල්ගස් හන්දිය අසලදී මෝටර් රථයක් ඉස්සර කිරීමට ගිය යතුරු පැදියක් පෞද්ගලික ප්‍රවාහන බස් රථයක මුහුණට මුහුණ ගැටී පැදිකරු ජීවිතක්ෂයට පත්ව ඇතැයි මත්තෙගොඩ පොලිසිය පවසයි.

26 August 2025

සරසවි කඩ ඉම් ලකුණු නිකුත් කරයි

2024 වර්ෂයේ අ.පො.ස. (උසස් පෙළ) විභාගයේ විශ්වවිද්‍යාල කඩඉම් ලකුණු විශ්වවිද්‍යාල ප්‍රතිපාදන කොමිෂන් සභාව විසින් නිකුත් කර තිබේ.

26 August 2025

බොරලැස්ගමුව වෙඩික්කරු අල්ලයි

බොරලැස්ගමුව මාලනීබුලත් සිංහල මාවතේදී තරුණයකු වෙඩි තබා ඝාතනය කර තවත් පුද්ගලයෙකුට බරපතල තුවාල සිදු කළ වෙඩික්කරු නාවින්න ප්‍රදේශයේදී අත්අඩංගුවට ගත් බව පොලිස් විශේෂ කාර්ය බළකාය කියයි.

26 August 2025

වෙඩි තියන්න ඇවිත් පිස්තෝලයත් නැතිව පැන යයි

මාතර වෙරළ පාරේ පිහිටි අවන්හලකින් කොත්තුවක් මිලදී ගැනීමේ මුවාවෙන් ඇතුළු වු නාදුනන පුද්ගලයෙකු ඊයේ (25)රාත්‍රි 11.45 ට පමණ එහි සිටි ව්‍යාපාරිකයාට වෙඩි තැබීමට දැරූ උත්සාහය ඔහු සමඟ පොර බදා ගිනි අවිය උදුරා ගැනීම නිසා අසාර්ථක වී ඇති බව මාතර මූලස්ථාන පොලීසිය පවසයි.

26 August 2025

දිලීප පිරිස්ට ඩුබායි පාතාලයෙන් තර්ජන

ඩුබායි රාජ්‍යයේ සැඟව සිටින සංවිධානාත්මක අපරාධකරුවන් පිරිසක් විසින් අතිරේක සොලිසිටර් ජනරාල් ජනාධිපති නීතීඥ දිලීප පීරීස් මහතාගේ ජීවීතයට හානියක් කිරීමට සැළසුම් සකස් කරන බවට ලැබුණු බුද්ධි තොරතුරකට අනුව ඔහුගේ ජීවීත ආරක්‍ෂාව සඳහා විශේෂ පොලිස් කණ්ඩායමක් යෙදවීමට පියවර ගෙන ඇතැයි වාර්තාවේ.

25 August 2025

විදෙස් ආයෝජනවල ලොකු වර්ධනයක්

මෙම වසරේ පළමු මාස 7 තුළදී මෙරටට ඇමෙරිකානු ඩොලර් මිලියන 607 ක් සෘජු විදෙස් ආයෝජන මෙරටට ලැබී තිබෙන බවත් පසුගිය වසරේ පළමු මාස 7 ට සාපේක්ෂව මෙම වසරේ පළමු මාස 7දී මෙරටට ලැබුණු සෘජු විදෙස් ආයෝජන ප්‍රමාණය දෙගුණයකටත් වඩා වැඩි ප්‍රමාණයකින් වර්ධනය වී තිබෙන බවත් ශ්‍රී ලංකා ආයෝජන මණ්ඩලයේ සභාපති අර්ජුන හේරත් මහතා ප්‍රකාශ කළේය.

25 August 2025

සෙලෙන්ස්කි - අනුරට ස්තුතිය පුද කරයි

යුක්රේනයේ පෙරේදා(24) යෙදී තිබූ 34 වැනි නිදහස් දින සැමරුමට සුබ පැතුම් එක් කිරීම සම්බන්ධයෙන් ශ්‍රී ලංකා ජනාධිපති අනුර කුමාර දිසානායක මහතාට ස්තුතිවන්ත වන බව යුක්රේන ජනාධිපති ව්ලොදිමීර් සෙලෙන්ස්කි සිය ට්විටර් ගිණුමේ සටහනක් තබමින් ප්‍රකාශ කළේය.

25 August 2025

රනිල් බලන්න ඉල්ලූ ලොක්කන් 200කට දොර වැසේ

කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලබන හිටපු ජනාධිපති රනිල් වික්‍රමසිංහ මහතා බැලීමට දේශපාලනඥයන් ඇතුළු ප්‍රභූවරුන් දෙසීයකට අාසන්න පිරිසක් බන්ධනාගාර ප්‍රධානීන්ගෙන් සහ රෝහල් ප්‍රධානීන්ගෙන් වරින් වර කර ඇති ඉල්ලීම් ප්‍රතික්ෂේප කර ඇතැයි වාර්තාවේ.

25 August 2025

මැතිසබේ හිංසන හොයන කමිටුවට නිලධාරිනියගෙන් අදත් ප්‍රකාශයක්

පාර්ලිමේන්තුවේ තොරතුරු පද්ධති සහ කළමනාකරණ දෙපාර්තමේන්තුවේ ඇතැම් සේවිකාවන්ට හිංසන සහ අඩන්තේට්ටම් කරන ලදැයි කියන සිද්ධිය සම්බන්ධයෙන් කරුණු සොයා බැලීමට පත් කෙරුණු විශ්‍රාමික මහාධිකරණ විනිසුරු සුජාතා අලහප්පෙරුම මහත්මියගේ ප්‍රධානත්වයෙන් යුතු කමිටුව අද දෙවෙනි දිනයටත් පාර්ලිමේන්තු පරිශ්‍රයේදී රැස්විය.

25 August 2025

රාජපක්‍ෂලා ගැනත් පරීක්‍ෂණ කරනවා

රනිල් විකක්‍රමසිංහ පමණක් නොව රාජපක්‍ෂ සියලු දෙනාට අදාලව පරීක්‍ෂණ බවත් එම පරීක්‍ෂණවලට කිසිඳු තාරාතිරමක් නොමැති අතර නීතියට අනුව අනිවාර්යෙන්ම කටයුතු කරන බවත් ප්‍රවාහන, මහාමාර්ග, වරාය සහ සිවිල් ගුවන්සේවා අමාත්‍ය බිමල් රත්නායක මහතා අද (25) පැවසීය.

25 August 2025

රනිල්ට සහායට ගාල්ලේ විරෝධයක්

රිමාන්ඩ් බන්ධනාගාර ගත කර සිටින හිටපු ජනාධිපති රනිල් වික්‍රමසිංහ මහතාට සහාය පළ කර ගාල්ල බස් නැවතුම් පොළ ඉදිරිපිට අද සවස උද්ඝෝෂණයක් පැවැත්විණි.

25 August 2025

ඩී.අයි.ජී.උදිත රිමාන්ඩ්

බිරිඳ ඇතුළු සැකකරුවන් අට දෙනකුට අනුරාධපුර ශ්‍රාවස්තිපුර තිඹිරිකඩවල ප්‍රදේශයේ ගල්තලාවක් මත පිහිටි දේවාලයක් ඇතුළත නිදන් වස්තු ලබා ගැනීමේ අරමුණින් අනවසරයෙන් කැනීම් කිරීමට ආධාර අනුබලදීමේ චෝදනාවට අපරාධ පරීක්ෂණ දෙපාර්තමේන්තුව මඟින් සැකපිට අත්අඩංගුවට ගෙන අධිකරණය හමුවට ඉදිරිපත් කළ කොළඹ දිසාව භාර නියෝජ්‍ය පොලිස්පති උදිත් ලියනගේ සැප්තැම්බර් 01 දක්වා රිමාන්ඩ් බාරයේ තබන්නැයි අනුරාධපුර ප්‍රධාන මහේත්‍රාත් නාලක සංජීව ජයසූරි මහතා අද නියෝග කළේය.

25 August 2025

අල්ලස් ගත් කාති විනිසුරු - බිරිඳ රිමාන්ඩ්

පස් දරු පියෙකුගෙන් රුපියල් 2300 අල්ලසක් ලබාගත් බව කියන කල්මුණේ මරදමඩු කාති විනිසුරු හා බිරිඳ ලබන 8 දින දක්වා රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත අසංග එස් බෝදරගම මහතා අද (25) නියෝග කළේය.

25 August 2025

රනිල් වෙනුවෙන් විපක්ෂ නායකයින් එක්වෙයි

රනිල් වික්‍රමසිංහ මහතා අත්අඩංගුවට ගැනීම හුදෙකලා සිදුවීමක් නොව ප්‍රජාතන්ත්‍රවාදී දේශපාලනය සඳහා ප්‍රබල අභියෝගයක් යැයි විපක්ෂ නායක සජිත් ප්‍රේමදාස මහතා විපක්ෂයේ දේශපාලන පක්ෂ නායකයන් හමුවේ අද(25) කොළඹදී පැවසීය.

25 August 2025