එසැණ පුවත්

ශ්‍රී ලාංකික කාන්තාවන් ක්වේටයේ රෝහල්වල අසරණව

ක්වේට් හි රෝහල් ගතව සිටින ශ්‍රී ලාංකික කාන්තාවන් දෙදෙනෙකු සේවය කළ නිවෙස්වලින් ආපසු භාර නොගැනීම නිසා මාස 10 තිස්සේ කසූර් නගරයේ සභා ටීබී දෙරන් රෝහලේ රැඳී සිටිති. මේ අතර සභා ටී බී දෙරන් රෝහලේ තවත් ශ්‍රී ලාංකිකයන් සිටින බවත් දැඩිසත්කාර ඒකකයේ සිටි කාන්තාවක් මිය ගිය බවත්, කොළඹ පදිංචිකාරියක වන තවත් කාන්තාවක් මේ වනවිටි දැඩි සත්කාර ඒකකයේ සිටින බවත් ඔවුන් බලන්න්ට කිසිවෙකු නොඑන බවත් කීවාය.

22 November 2020

පුත්තලමේ පාසල් විවෘත කිරිමට විරෝධය

මේ වන විට පුත්තලම දිසාව තුළ කොරෝනා වසංගත තත්ත්වයේ දෙවෙනි රැල්ල විශාල වශයෙන් වාර්තාවන බව සෞඛ්‍ය අංශ විසින් පෙන්වා දී තිබිය දි දිසාවේ රජයේ පාසල් යළි හෙට ( 23 දා ) සිට විවෘත කිරිම දරුවන් ගුරුවරුන් හා අනධ්‍යයන කාර්ය මණ්ඩලයන්හි ජිවිත අනතුරේ හෙළි මක් විය හැකි නිසා සෞඛ්‍ය තත්ත්වය යහපත් වන තෙක් මෙම පාසල් යලි විවෘත කිරිමට විරෝධය පල කරන බව ලංකා විදුහල්පති සංගමයේ ප්‍රධාන ලේකම් පියසිරි ප්‍රනාන්දු මහතා මාධ්‍ය නිවේදනයක් නිකුත් කරමින් කියා සිටියි.

22 November 2020

අටලුගමට පොලිස් මුරකාපොලු 10 ක්

බණ්ඩාරගම අටුලුගම ග්‍රාම සේවා වසම අටක් හුදකලා කිරීමත් සමගම එම ග්‍රාම සේවා වසම් ආවරණය වන පරිදි යුද හමුදා සහ පොලිස් නිලධාරීන්ගෙන් සමන්විත පොලිස් මුර කපොලු 10 ක් ස්ථාපිත කළ බව පානදුර කොට්ඨාස භාර පොලිස් අධිකාරී සංජය ඉරසිංහ මහතා පැවසීය.

22 November 2020

රාමඤ්ඤ නිකායේ නව මහානායක නාහිමි මකුලෑවේ විමල නාහිමි

ශ්‍රී ලංකා රාමඤ්ඤ මහා නිකායේ වැඩ බලන මහානායක මාහිමි ධූරයට මීරිගම මිනිඔලූව විද්‍යාවාස පිරිවෙන් විහාරාධිපති මකුලෑවේ විමල නාහිමිපානන් තේරී පත්වූ බව එම නිකායේ මහා ලේඛකාධිකාරි අත්තංගනේ සාසනරතන නාහිමියෝ එම නිකායේ විශේෂ කාරක සංඝ සභා රැස්වීමේදී ප‍්‍රකාශයට පත් කරනු ලැබූහ.

22 November 2020

කොළඹ-ගම්පහ-කළුතර පෙදෙස් කිහිපයක හෙට අගුලු අරී

කොළඹ, ගම්පහ සහ කළුතර දිස්ත්‍රික්කවල හුදෙකලා කර ඇති පොලිස් වසම් කිහිපයක් හෙට(23) අලුයම 5.00 සිට අගුලු ඉවත් කරන බව කොරෝනා පැතිරීම වැළැක්වීමේ ජාතික ක්‍රියාන්විත මධ්‍යස්ධානය දැනුම් දෙයි.

22 November 2020

අද දිනයේදී කොරෝනා මරණ 9 ක්

කොරෝනා ආසාදිත තවත් පුද්ගලයන් නම දෙනකු අද (21) දිනය තුළදී මිය ගොස් ඇතැයි සෞඛ්‍ය සේවා අධ්‍යක්ෂ ජනරාල්වරයා තහවුරු කරයි.

21 November 2020

මිනු‍වන්ගොඩ - පෑලියගොඩ ‍‍කොරෝනා පොකුර 16,000 ඉක්මවයි

මිනුවන්ගොඩ සහ පෑලියගොඩ කොරෝනා පොකුරට අද (21) පස්වරු 10.40 වනවිට තවත් ආසාදිතයන් 230 දෙනෙකු එක් වී තිබේ. එම පිරිසත් සමග අද දිනය තුළදී හඳුනාගත් සමස්ත ආසාදිතයන් සංඛ්‍යාව 487 ක් දක්වා ඉහළ ගියේය.

21 November 2020

හිටපු ඇමැති පුතා අත්අඩංගුවට

කොළඹ 7 කුරුඳුවත්ත දිසා විනිසුරුවරයෙකුගේ නිවසේ ආරක්ෂාවට සිටි පොලිස් කොස්තාපල්වරයෙකුට බැණ තර්ජනය කිරීමේ සිද්ධියකට හිටපු අමාත්‍යවරයෙකුගේ පුත්‍රයෙකු අද (21) අත්අඩංගුවට ගත් බව කුරුඳුවත්ත පොලිසිය කියයි.

21 November 2020

මහ බැංකුවේ සේවකයකුට කොරෝනා

ශ්‍රී ලංකා මහ බැංකුවේ සේවකයකුට නව කොරෝනා වයිරසය ආසාදනය වී ඇති බවත් ඔහු මේ වනවිට වෛද්‍ය ප්‍රතිකාර ලබන බවත් එම බැංකුව නිවේදනයක් නිකුත් කරමින් සඳහන් කරයි.

21 November 2020

අරලගංවිල පොලිසිය වසාදමයි

අරලගංවිල පොලිසියේ රාජකාරි කරන උප පොලිස් පරීක්‍ෂකවරයෙකුට කොරෝනා වයිරසය ආසාදනය වීමෙන් පසු එම පොලිසියේ සේවය කරන 136 දෙනෙකුගේ පී.සී.ආර්. පරීක්‍ෂණ සිදුකළ බවත් එම වාර්තා ලැබෙන තෙක් අරලගංවිල පොලිසිය තාවකාලිකව වසා දැමීමට පියවර ගත් බව පොලොන්නරුව ප්‍රාදේශීය සෞඛ්‍ය සේවා අධ්‍යක්‍ෂ, වෛද්‍ය ඩබ්ලිව්.කේ.ඩබ්ලිව්.එස්. කුමාරවංශ මහතා (21) ප්‍රකාශ කළේය.

21 November 2020

එජාප ප්‍රතිසංවිධාන කටයුතු අනුරාධපුරයෙන්

එජාප පාක්ෂිකයන්ගේ විශ්වාසය දිනා ගෙන පක්ෂයේ අභිමානයද ආරක්ෂා කර ගනිමින් පක්ෂයේ ජයග්‍රහණය වෙනුවෙන් කැප වෙන බව එජාප නියෝජ්‍ය නායක රුවන් විජයවර්ධන මහතා අනුරාධපුරයේදි පැවසීය.

21 November 2020

අයවැය දෙවැනි වර කියවීම වැඩි ඡන්ද 99 කින් සම්මතයි

අයවැය දෙවැනි වර කියවීම වැඩි ඡන්ද 99කින් අද(21) පාර්ලිමේන්තුවේදී සම්මත විය.

21 November 2020

ගජේන්ද්‍රකුමාර්ගේ කතාවට පාර්ලිමේන්තුවේ විරෝධය

ශ්‍රී ලංකා රජය දෙමළ ජනයාට නොසලකන බවත් යුද අපරාධ කළ බවත් කියමින් ඕල් සිලෝන් ටැමිල් කොංග්‍රසයේ ගජේන්ද්‍රකුමාර් පොන්නම්බලම් මන්ත්‍රීවරයා අද(21) පාර්ලිමේන්තුවේදී සිදුකළ කථාවට පක්ෂ විපක්ෂ මන්ත්‍රීවරු දැඩි විරෝධය පළ කිරීමත් සමග සභාව උණුසුම් ස්වභාවයක් ගත්තේය.

21 November 2020

විපක්ෂයට ප්‍රශ්න ඇසීම සීමා කිරීමෙන් පාර්ලිමේන්තුව උණුසුම් වෙයි

විපක්ෂයට ප්‍රශ්න ඇසීමේ අවස්ථාව සීමා කිරීම හේතුවෙන් අද(21) පාර්ලිමේන්තුව ආරම්භයේදීම උණුසුම් තත්ත්වයක් ඇතිවිය. කොවිඩ් 19 වෛරසය මැඩපවත්වන එන්නත සම්බන්ධයෙන් ප්‍රශ්නයක් විපක්ෂය ඉදිරිපත් කිරීමට ගිය අවස්ථාවේ මෙම තත්ත්වය ඇතිවූ අතර ප්‍රශ්න 8ක් පමණක් ඇසීමට සීමා කර තිබීම පිළිබඳ විපක්ෂ මන්ත්‍රීවරු දිගින් දිගටම විමසා සිටි‍ අතර සභා නායක දිනේෂ් ගුණවර්ධන මහතා කියා සිටියේ කථානායකවරයාගේ තීන්දුවට ගරු කළ යුතු බවත් එය අවසන් තීන්දුව බවත්ය.

21 November 2020

අටුළුගම අගුලු දමයි

බණ්ඩාරගම සෞඛ්‍ය වෛද්‍ය බල ප්‍රදේශයට අයත් අටුලුගම ප්‍රදේශයෙන් එකවර කොරෝනා වෛරසය ආසාධිත රෝගීන් 17 දෙනෙකු හමුවීමත් සමඟම එම ප්‍රදේශයේ මීට සුළු මොහොතකට පෙර හුදෙකලා කිරීමට පියවර ගත් බව බණ්ඩාරගම සෞඛ්‍ය වෛද්‍ය නිලධාරි කාර්යාලය කියයි.

21 November 2020

නාපානේ නාහිමියන් වෙනුවෙන් නිශ්ශබ්දතාව පළකිරීම කතානායකවරයා ප්‍රතික්ෂේප කරයි

අයවැය විවාදය අද (21) දිනට ආරම්භ කරමින් පාර්ලිමේන්තුවේ කටයුතු ආරම්භයේදී විපක්ෂ නායක සජිත් ප්‍රේමදාස මහතා ඉල්ලා සිටියේ අපවත්වී වදාළ නාපානේ පෙමසිරි රාමඤ්ඤ නිකායේ මහ නාහිමියන් වෙනුවෙන් විනාඩියක නිශ්ශබ්දතාවයක් ආරක්ෂා කරන ලෙසයි. නමුත් කථානායක මහින්ද යාපා අබේවර්ධන මහතා එය ප්‍රතික්ෂේප කරමින් කියා සිටියේ ඒ සඳහා වෙනම යෝජනාවක් සම්මත කළ යුතු බවයි.

21 November 2020

නොරෝච්චෝලෙන් යලි විදුලිය

නඩත්තු කටයුතු වෙනුවෙන් නවතා තිබු නොරෝච්චෝල ලක් විජය බලාගාරයෙන් නැවත ජාතික පද්ධතියට විදුලිය ලබා දිම ඊයේ (20) රාත්‍රියේ සිට ආරම්භ වූ බව විදුලිබල මණ්ඩල මාධ්‍ය ප්‍රකාශක සුලක්ෂණ ජයවර්ධන මහතා පැවසීය.

21 November 2020

හලාවත පොදු මාළු වෙළඳපල වසා දමයි

කොරෝනා වසංගතයේ දෙවෙනි රැල්ලෙන් හලාවත ජනතාව බේරා ගැනීමේ අරමුණින් අද (21) උදෑසන සිට සතියක කාලයකට හලාවත පොදු මාළු වෙළඳපල වසා දැමේ.

21 November 2020

74 වැනි කොරෝනා මරණය වාර්තා වෙයි

කොරෝනා ආසාදිත තවත් පුද්ගලයකු අද (20) දිනයේදී මිය ගොස් ඇතැයි සෞඛ්‍ය සේවා අධ්‍යක්ෂ ජනරාල්වරයා තහවුරු කරයි. මෙම මරණයත් සමඟ ශ්‍රී ලංකාවෙන් මේ වන විට වාර්තා වන සමස්ත කොරෝනා මරණ සංඛ්‍යාව 73 කි.

20 November 2020

අද දිනයේ කොරෝනා ආසාදිතයන් සංඛ්‍යාව 435 ක් දක්වා ඉහළට

මිනුවන්ගොඩ සහ පෑලියගොඩ කොරෝනා පොකුරට අද (20) පස්වරු 22.15 වනවිට තවත් ආසාදිතයන් 215 දෙනෙකු එක් වී තිබේ. එම පිරිසත් සමග අද දිනය තුළදී හඳුනාගත් සමස්ත ආසාදිතයන් සංඛ්‍යාව 435 ක් දක්වා ඉහළ ගියේය.

20 November 2020

කෝටි 100 ක කුඩු අල්ලයි

රුපියල් කෝටි සියයකට අධික වටිනාකමකින් යුත් හොරෙයින් මත්කුඩු තොගයක් සමග පුද්ගලයන් තිදෙනෙක් අද (20) වැලිගම, මෝදර ප්‍රදේශයේදී පොලිස් විශේෂ කාර්ය බළකා විශේෂ මෙහෙයුම් අංශය මගින් අත්අඩංගුවට ගෙන ඇතැයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවසීය.

20 November 2020

වාසුදේව - ෆොන්සේකා කොවිඞ් එන්නතට ගැටෙති

ශ්‍රී ලංකාවට මේ අවස්ථාවේ ‘කොවිඞ් 19’ මර්දන එන්නත ගෙන්වීමේ අවශ්‍යතාවක් නොමැති බවට වාසුදේව නානායක්කාර අමාත්‍යවරයා පාර්ලිමේන්තුවේදී කළ ප්‍රකාශයට එරෙහිව සරත් ෆොන්සේකා මන්ත්‍රීවරයා අදහස් දැක්වීමට යෑමෙන් අද (20) පාර්ලිමේන්තුව විනාඩි හයක පමණ කාලයක් උණුසුම් තත්ත්වයක් ගත්තේය.

20 November 2020

කංසා වවලා ණය බරින් මිදෙමු

ශ්‍රී ලංකාව තුළ ඖෂධයක් ලෙස කංසා වගාකර අපනයන ආදායමින් ණය බරින් නිදහස් වන ලෙස රජයට යෝජනා කරන බව සමඟි ජනබලවේගයේ මන්ත්‍රීනි ඩයනා ගමගේ මහත්මිය අද (20) පාර්ලිමේන්තුවේදී පැවසුවාය. ඩයනා ගමගේ මහත්මිය මේ වන විට රජයට සහය පළකරන මන්ත්‍රීවරුයක් ලෙස පිළිගැනේ.

20 November 2020

මද්‍රාසා පාසල්වල උගන්වන විදේශිකයන් ගැන මම හොයා බලනවා

මද්‍රාසා පාසල්වල උගැන්වීමට වීසා ඉල්ලමින් විදේශයන්හි සිට ශ්‍රී ලංකාවට පැමිණෙන අයවලුන් පිළිබඳව දැඩිව අධීක්ෂණය කළ යුතු බව අධ්‍යාපන අමාත්‍ය මහාචාර්ය ජී. එල්. පීරිස් මහතා අද (20) පැවසීය.

20 November 2020

මිනුවන්ගොඩ - පෑලියගොඩ පොකුරට අද 220 ක්

මිනුවන්ගොඩ සහ පෑලියගොඩ කොරෝනා පොකුරට අද (20) පස්වරු 6.30 වන විට කොරෝනා ආසාදිතයන් 220 දෙනෙකු එක් වී ඇතැයි රජයේ ප්‍රවෘත්ති දෙපාර්තමේන්තුව පවසයි.

20 November 2020

පාර්ලිමේන්තුවට ආ බස් රියක් පොකුණට වැටෙයි

අද සවස පාර්ලිමේන්තුව අවසන් වීමෙන් පසු පාර්ලිමේන්තු කාර්ය මණ්ලය රැගෙන යාමට පැමිණි ලංගම බස්රියක් පාර්ලිමේන්තුව ඉදිරිපිට පොකුණට වැටී තිබේ.

20 November 2020

ආචාර්ය රංග කලංසූරිය ලොව හොඳම 5 අතරට

කැනඩාව සහ එක්සත් රාජධානිය ප්‍රථම වරට පිරිනැමූ මාධ්‍ය නිදහස සඳහා වන සම්මානයේ නිර්දේශිත නාම පහ අතරට එක්වීමට ආචාර්ය රංග කලන්සූරිය මහතා සමත්විය.

20 November 2020

දුරගමන් සේවා බස් සති අන්තයේදි සාමන්‍ය පරිදි වැඩ

දුර ගමන් සේවා බස් රථ සති අන්තයේ හෙට(21) සහ අනිද්දා(22) දිනයේ සාමාන්‍ය පරිදි ධාවනයට එක් කෙරෙන බව ලංකා ගමනාගමන මණ්ඩලයේ නියෝජ්‍ය සාමාන්‍යධිකාරී ධාවන එච්. පණ්ඩුක මහතා ලංකාදීපයට පැවැසීය.

20 November 2020