එසැණ පුවත්

පක්ෂ නායක රැස්වීමෙි දී තීරණ හතරක් ගනියි

පක්ෂ නායක රැස්වීමේදී ප්‍රධාන තීරණ හතරකට එළඹි බව සමගි ජනබලවේගයේ පාලිමේන්තු මන්ත්‍රී ආචාර්ය හර්ෂ ද සිල්වා මහතා ට්විටර් පණිවිඩයක් නිකුත් කරමින් සඳහන් කරයි.

09 July 2022

පාර්ලිමේන්තුව ඉදිරිපිටත් විරෝධයක්

ජනාධිපතිවරයා සහ අගමැතිවරයා ඉවත් ඉවත්වන ලෙසට බල කරමින් පාර්ලිමේන්තුව ඉදිරිපිට ද මේ වෙන විට විරෝධතාවයක් ආරම්භ කර ඇත .

09 July 2022

පක්ෂනායක තීරණ කතානායක ජනපතිට දන්වයි

පක්ෂ නායක රැස්වීමේදී ගත් තීරණ කතානායකවරයා ජනාධිපතිවරයාට දැනුම් දී ඇතැයි පාර්ලිමේන්තු ආරංචි මාර්ගවලින් පවසයි.

09 July 2022

රෑ බතත් ජනපති මැදුරේ සැකසේ

කොටුව ජනාධිපති මන්දිරය අත්පත් කරගත් අරගලකරුවන් ජනාධිපති මන්දිරයේ පිහිනුම් තටාකයේ පිහිනා ජල ක්‍රීඩා කිරීමෙන් අනතුරුව දැන් රෑ බත උයන්නට සූදානම් වන අයුරු අන්තර්ජලයේ ඡායාරූප හුවමාරු වෙයි.

09 July 2022

අගමැතිගෙන් ප්‍රකාශයක්

මුළු රට ම ආවරණය කරමින් ඉන්ධන බෙදා හැරීම මේ සතියේදී යළි ආරම්භ කිරීමට නියමිත අතර ලෝක ආහාර වැඩසටහන් අධ්‍යක්ෂවරයා ද මේ සතියේ දිවයිනට පැමිණීමට නියමිතව ඇතැයි ද එම කටයුතු බාධාවකින් තොරව ඉදිරියට ගෙන යාම සඳහා සර්ව පාක්ෂික රජයකට බලය දීමට සූදානම් බව අග්‍රාමාත්‍ය රනිල් වික්‍රමසිංහ මහතා පවසයි.

09 July 2022

අරගලයෙන් තුවාල ලැබූ 55ක් රෝහලට

විරෝධතාව සඳහා කොළඹට පැමිණ සිටියදී විවිධ අනතුරුවලට ලක්වූ පුද්ගලයන් 55 දෙනකු කොළඹ ජාතික රෝහලට ඇතුළත් කර ඇති බව රෝහල් ආරංචිමාර්ග කියයි.

09 July 2022

ඉල්ලා අස්වී සර්ව පාක්ෂික රජයකට බලය දෙන්න සූදානම්

අග්‍රාමාත්‍ය ධූරයෙන් ඉල්ලා අස්වී සර්ව පාක්ෂික රජයකට බලය ලබාදීමට තමන් සූදානම් බව අග්‍රාමාත්‍ය රනිල් වික්‍රමසිංහ මහතා පක්ෂ නායකයින්ට ප්‍රකාශ කර තිබෙන බව අග්‍රාමාත්‍ය කාර්යාලය කියයි.

09 July 2022

ශ්‍රීලනිපයේ මතය මෛත්‍රී කියයි

ජනාධිපතිවරයා සහ අගමැතිවරයා වහා සිය තනතුරුවලින් ඉල්ලා අස්විය යුතු බව හිටපු ජනාධිපති මෛත්‍රීපාල සිරිසේන මහතා පවසයි.

09 July 2022

ජනපති - අගමැති ඉල්ලා අස්විය යුතුයි

ජනාධිපති සහ අග්‍රාමාත්‍යවරයා වහා ඉල්ලා අස් විය යුතු බවට පක්ෂ නායක රැස්වීමේදී තීරණය කර තිබේ.

09 July 2022

අන්තර්කාලීන ආණ්ඩුවක් පිහිටවනු

ජනපති අගමැති-අගමැති ඉවත්වීමෙන් පසුව ජනතා අරගලයේ අපේක්ෂාවලට අනුව අන්තර්කාලීන ආණ්ඩුවක් පිහිටවිය යුතු බව අරගලකරුවෝ ජනාධිපති මන්දිරයේ පැවති මාධ්‍ය හමුවේ දී පැවැසූහ.

09 July 2022

මෙරට අරගලය ජාත්‍යාන්තර මාධ්‍ය ඇසින්

ශ්‍රී ලංකාවේ පැවැත්වෙන දැවැන්ත විරෝධතාව සම්බන්ධයෙන් ජාත්‍යන්තර මාධ්‍ය දැඩි අවධානයක් යොමු කළේය. ලෝකයේ සෑම රටකම පාහේ ප්‍රධාන මාධ්‍ය ආයතන ඒ අතර විය.

09 July 2022

පොහොට්ටුවේ පිරිසක් තනතුරින් යන්නැයි ජනපතිට කියයි

රටේ පවතින තත්වය සැලකිල්ලට ගෙන වහාම ජනපති ධුරයෙන් ඉවත්වන ලෙස ශ්‍රී ලංකා පොදුජන පෙරමුණේ මන්ත්‍රීවරු පිරිසක් ජනාධිපති වරයාට ලිපියක් යොමු කරමින් ඉල්ලීමක් කරති.

09 July 2022

පක්ෂ නායක රැස්විමට සමගි බල වේගය නෑ

අගමැති රනිල් වික්‍රමසිංහ මහතා විසින් කැඳවා ඇති එම පක්ෂ නායක රැස්වීමට සමගි ජන බලවේගය සහභාගි නොවන බව, විපක්ෂ නායක සජිත් ප්‍රේමදාස නිවේදනයක් නිකුත් කරමින් පැවසීය.

09 July 2022

ජනපති නිල නිවස අරගලකරුවන්ගේ සැණකෙළි භූමියක් වෙයි

කොළඹ ජනාධිපති නිල නිවසට ඇතුළු වූ අරගලකරුවන් එහි නාන තටාකයට බැස දිය කෙළින අයුරු ද නිල නිවසේ වහලයට නැඟ සැරිසරන අයුරු ද දැකගත හැකිය.

09 July 2022

රාජිතටත් ප්‍රහාරයක්

පාර්ලිමේන්තු මන්ත්‍රී රාජිත සේනාරත්න මහතා අරගලකරුවන් ගේ ප්‍රහාරයකට ලක් වී ඇතැයි වාර්තා වෙයි.

09 July 2022

ප්‍රභූන් පිරිසක් නැව් දෙකකට නඟිති

ශ්‍රී ලංකා නාවික හමුදාවට අයත් සිදුරළ සහ ගජබා නෞකා දෙකෙන් ප්‍රභූ පිරිසක් කොළඹ වරායෙන් පිටත් ව යන අයුරු සමාජමාධ්‍යවල වීඩියෝවක් සංසරණය වෙයි.

09 July 2022

සජිත් රෝහල්ගත කරයි

විපක්ෂ නායක සජිත් ප්‍රේමදාස මහතා සාමාන්‍ය රෝගී තත්වයක් නිසා රෝහල් ගත කර ඇතැයි සජබ ආරංචි මාර්ග සඳහන් කරයි.

09 July 2022

අලුත උපන් දරුවන් රැගෙන යන්න පොලිසියේ උපකාරය

අලුත උපන් නිවුන් දරුවාන් දෙදෙනකු සමඟ මහා මඟ සිටි මවක පියකු කලවාන පොලිසිය මැදිහත්වීම මත පෞද්ගලික ලොරි රථයක සිය නිවස කරා යැවීමට කටයුතු කරනු ලැබුණි.

09 July 2022

ජනාධිපති ලේකම් කාර්යාලයටත් පිරිස ඇතුළු වෙයි

ගාලු මෝදර පිහිටි ජනාධිපති ලේකම් කාර්යාලයට මීට සුළු මොහොතකට පෙර අරගලකරුවන් ඇතුළු වී ඇත..

09 July 2022

අගමැති පක්ෂ නායක රැස්වීමක් කැඳවයි

පවතින තත්ත්වය පිළිබඳව සාකච්ඡා කර කඩිනම් විසඳුමකට පැමිණීම සඳහා අග්‍රාමාත්‍ය රනිල් වික්‍රමසිංහ මහතා හදිසි පක්ෂ නායක රැස්වීමක් කැඳවා තිබේ.

09 July 2022

අරගලකරුවන් 31ක් රෝහලට

අරගලයට ලක්ව සිටියදී විවිධ අනතුරුවලට ලක්ව තුවාල ලැබූ පුද්ගලයන් 31 කොළඹ ජාතික රෝහලට ඇතුළත් කර ඇති බව රෝහල් ආරංචි මාර්ග කියයි.

09 July 2022

අරගලකරුවෝ ජනාධිපති මන්දිරයට ඇතුළු වෙති

චැතැම් වීදිය ඔස්සේ ජනාධිපති මන්දිරය දක්වා ගමන් ගත් පිරිස මේ අවස්ථාවේ ජනාධිපති මන්දිරයට ඇතුළුව ඇත.

09 July 2022

ආරක්ෂක අංශ සාමාජිකයෝ දෙකක් අරගලයට එක් වෙති

කොටුව බැංකු ආරක්ෂාවට යොදවා සිටි පොලිස් විශේෂ කාර්ය බලකා භටයකු මීට සුළු මොහොතකට පෙර අරගලකරුවන් සමග එක් වී ඇතැයි වාර්තා වෙයි.

09 July 2022

ගාලු මුවදොර තුවාල ලැබූ 14ක් රෝහලට

කොළඹ ගාලු මෝදර ආශ්‍රිත පැවැත්වෙන විරෝධතාවලට සහභාගීවූ පුද්ගලයන් 12 දෙනකු ඇතුළු 14 දෙනකු තුවාල ලබා මේ වන විට කොළඹ ජාතික රෝහල වෙත ඇතුළත් කර ඇතැයි එහි ජ්‍යෙෂ්ඨ ප්‍රකාශිකාවක් පැවසුවාය.

09 July 2022

පොහොර නැව එයි

ඉන්දීය රජය විසින් දුන් යූරියා පොහොර නැව අද පෙරවරු 11.00ට කොළඹ වරායට ළඟා විය

09 July 2022

ජනඅරගලයට සහාය දක්වා රටපුර විරෝධතා

පවතින ආණ්ඩුවට කොළඹ කොටුවේ පැවැත්වෙන ජන අරගලයට සහය දකවමින් රටපුරා විවිධ නගරවල විරෝ්ධතා පැවැත්වේ.

09 July 2022

ගාලු කොටු පවුර මත දැවන්ත විරෝධයක්

ඕස්ට්‍රේලියාව සහ ශ්‍රී ලංකාව අතර පැවැත්වෙන දෙවන ටෙස්ට් ක්‍රිකට් තරගය අතරතුර අරගලකරුවන් විශාල පිරිසක් ගාලු කොටුව මත දැවන්ත විරෝධතාවක නිතරව සිටිති.

09 July 2022

විරෝධතාකරුවන්ට කඳුළු ගෑස්

ජනාධිපතිවරයා ඇතුළු ආණ්ඩුවට ඉවත් වන ලෙස බලකරමින් දැන් පැවැත්වෙන විරෝධතාවයට කොළඹ චැතැම් වීදියේදී පොලිසිය කඳුළු ගෑස්සහ ජල ප්‍රහාරයක් එල්ල කළේය.

09 July 2022