(රොමේෂ් මධුෂංඛ)

යාපනය විශ්ව විද්‍යාලයේ වවුනියාව මණ්ඩපයේ කළමනාකරණ පීඨයට දින නියමයක් නොමැතිව නිවාඩු ලබා දීමෙන් පසුව එම පීඨයට අයත් සිසුන් නේවාසිකාගාරයන්ගෙන් ඉවත් නොවීමත් සමඟ ඇතිවූ ගැටලුව විසඳීමට අද (25) පියවර ගෙන තිබේ. 

පසුගිය 23 වැනි දා වව්නියාව මණ්ඩපයේ කළමනාකරණ පීඨයේ නේවාසිකාගාරය තුළදී පාලනාධිකාරය සමඟ එහි සිසුන් ඇතිවූ නොසන්සුන්තාවයක් මත එම පීඨයට නැවත දැනුම්දෙන තුරු නිවාඩු ලබාදෙනු ලැබුවේ අවුරුදු නිවාඩුව අවසන් වී නැවත අධ්‍යන කටයුතු ආරම්භ කළ දිනයේදීමය.

කෙසේ වෙතත් ගල්ල මාතර හම්බන්තොට වැනි පළාත්හි සිට නිවාඩුව අවසන් වී නැවත පැමිණි සිසුන් නිවාඩු හෙයින් ආපසු යාමට නොහැකි බව පැවසීමත් පාලනාධිකාරියේ තීරණය ඉවත් කරගන්නැයි ඉල්ලමින් පසුගිය දින දෙක පුරාම කළමනාකරණ පීඨයේ සිසු සිසුවියන් පාලනාධිකාරිය ඉදිරිපිටට රැස් වී ඉල්ලීම් කරනු ලැබීය.

මේ අතර ඊයේ (24) දිනයේදී ද වන්නි දිසාව භාර නියෝජ්‍ය පොලිස්පති දේශබන්ධු තෙන්නකෝන් මහතා පැමිණ විශ්වවිද්‍යාල ප්‍රතිපාදන කොමිෂන් සභාව සමඟ සාකච්ඡා කළ අතර පසුව පාලනාධිකාරිය සමඟද සාකච්ඡා කරනු ලැබීය.

අනතුරුව වව්නියාව මණ්ඩපයේ පාලනාධිකාරිය විසින් කළමනාකරණ පීඨයේ සිසුන්ට දැනුම් දී ඇතිතේ නිවාඩු ලබා දුන් හෙයින් නැවත නිවෙස් වෙත යන ලෙසටත් සතියක් වැනි කෙටි කාලයක් ඇතුළත විසඳුම් සමඟ නැවත අධ්‍යන කටයුතු ආරම්භ කරන බවට පැවසීමත් සමඟ  අද (25) දින කළමනාකරණ පීඨයේ සිසුන් මණ්ඩපයේ නේවාසිකාගාර වලින් ඉවත්ව නිවෙස් වෙතට යනු ලැබීය.