වැරදි හතක් කළ යතුරුපැදිකරුට සුපිරි දඩයක්

( හිරාන් ප්‍රියංකර ජයසිංහ)

අංක තහඩු හා කිසිදු නිත්‍යනුකුල ලියවිල්ලක් නොමැතිව වෙනත් අයකුගේ යතුරු පැදියක් ධාවනය කළ අයකුට පුත්තලම දිසා විනිසුරු හා මහේස්ත්‍රාත් බන්දුල ගුණරත්න මහතා රුපියල් 58,500 ක දඩයක් (29) නියම කළේය.

පුත්තලම ඉබනු බතුනා පාර පදිංචි මුලෆ් මොහොමඩ් නෆ්රාස් නමැත්තාට එසේ දඩ නියම වූ අතරපසුගිය 24 වැනිදා රාත්‍රියේ යතුරුපැදිකරු පුත්තලම නගරයේ සිට පාලවිය දක්වා අධික වේගයෙන් පොලිස් අණ නොතකා පොලිසියට වෙට්ටු දමමින් ධාවනය කරමින් සිටියදී රථවාහන පොලිසියේ නිලධාරීන් දෙදෙනකු විසින් සැකකරු හඹා ගොස් අත් අඩංගුවට ගනු ලැබ තිබිණි.

බීමත්ව රිය පැදවිම, අන්තරාදායක ලෙස ධාවනය කිරිම, පොලිස් අණ නොතකා ධාවනය කිරීම, රියදුරු බලපත්‍රයක් නොමැති විම, ආදායම් බලපත්‍ර නොමැති විම, රක්ෂණ සහතිකයක් නොමැති විම, රජයේ අනුමත අංක තහඩු නොමැතිව ධාවනය කිරිම යන සියලු චෝදනාවලට අධිකරණය ඔහු වැරදිකරු කළේය.

මෙයට අමතරව මෙම යතුරු පැදියේ නිත්‍යනුකුල හිමිකරු යැයි කියන පුද්ගලයාට පොලිසිය විසින් රුපියල් 3500 ක තවත් දඩයක් නියම කර තිබුණේ වෙනත් වලංගු රියදුරු බලපත්‍රයක් නොමැති පුද්ගලයකුට යතුරුපැදිය ලබා දිමේ චෝදනාවටය.

අදහස් (12)

වැරදි හතක් කළ යතුරුපැදිකරුට සුපිරි දඩයක්

yaha Thursday, 30 March 2017 04:53 AM

ඇත්තටම මේ ටික තමා වෙන්න ඕනේ රට හදන්න නම්. ආඩම්බරයි පොලිසියේ සහ අධිකරණ ක්‍රියාවට.

: 217 466

vipula Thursday, 30 March 2017 04:55 AM

පංකාදුයි

: 70 81

nihal Thursday, 30 March 2017 06:10 AM

පළමු දඩය තවත් වැඩිකළ යුතුයි දෙවැනි දඩයත් ලක්ෂයක් කළ යුතුයි ජීවිත් හානියක් වුණා නම්..

: 1 45

ඩී. ජයදේව Thursday, 30 March 2017 06:33 AM

දඩය තව 2-3 ගුණයක් වැඩි කරලා වාහනෙත් රාජසන්තක කලා නම් අනර්ඝ යි.

: 0 165

lalithsjm Thursday, 30 March 2017 07:42 AM

පොලිසියට වෙට්ටු දැම්මනම් අල්ල ගත්තට පස්සේ හොද වෙට්ටුවකුත් පොලිසිය ගානෙ දෙන්න තිබුන නේ.

: 22 7

Deepal Nirosh Thursday, 30 March 2017 08:08 AM

මෙන්න මෙහෙමයි නීතිය ක්‍රියාත්මක විය යුත්තෙ, පොලිසියටත් ගරු අධිකරණයටත් රටටත් සාඩම්බරයක්.

: 54 111

Sameera Friday, 31 March 2017 01:59 AM

එල

: 0 2

chandrika Friday, 31 March 2017 05:22 AM

කල ගුණ සලකන්න අපි දැනගන්න ඕන මේක ජාතික සංහිඳිය බාවයට හානියක්

: 3 4

NIMALLALITHA Saturday, 01 April 2017 01:18 AM

මෙවැනි නඩු තීන්දු රටේ සැම දිසාවකින්ම අසන්න ලැබෙනවා නම් කෙතරම් අගනේද.

: 0 0

ප්‍රියන්ත Sunday, 02 April 2017 12:24 PM

ඇත්තටම වෙන්නම ඕනෑම වැඩක්

: 0 2

E. M. S. Ekanayaka Sunday, 02 April 2017 01:46 PM

රටේ හැම තැනම මේ දේ වෙනවනම් කොච්චර හොදද! බස් ත්‍රී වීල් වලට, විශේෂයෙන් දේශපාලකයන්ටත් මේ නිතිය ක්‍රියාත්මක කලොත් මරු

: 0 0

nivil patma kumara Thursday, 13 April 2017 03:36 PM

හොඳයි

: 0 0