( හිරාන් ප්‍රියංකර ජයසිංහ)

අංක තහඩු හා කිසිදු නිත්‍යනුකුල ලියවිල්ලක් නොමැතිව වෙනත් අයකුගේ යතුරු පැදියක් ධාවනය කළ අයකුට පුත්තලම දිසා විනිසුරු හා මහේස්ත්‍රාත් බන්දුල ගුණරත්න මහතා රුපියල් 58,500 ක දඩයක් (29) නියම කළේය.

පුත්තලම ඉබනු බතුනා පාර පදිංචි මුලෆ් මොහොමඩ් නෆ්රාස් නමැත්තාට එසේ දඩ නියම වූ අතරපසුගිය 24 වැනිදා රාත්‍රියේ යතුරුපැදිකරු පුත්තලම නගරයේ සිට පාලවිය   දක්වා අධික වේගයෙන් පොලිස් අණ නොතකා පොලිසියට වෙට්ටු දමමින් ධාවනය කරමින් සිටියදී රථවාහන පොලිසියේ නිලධාරීන් දෙදෙනකු විසින් සැකකරු හඹා ගොස් අත් අඩංගුවට ගනු ලැබ තිබිණි.

බීමත්ව රිය පැදවිම, අන්තරාදායක ලෙස ධාවනය කිරිම, පොලිස් අණ නොතකා ධාවනය කිරීම, රියදුරු බලපත්‍රයක් නොමැති විම, ආදායම් බලපත්‍ර නොමැති විම, රක්ෂණ සහතිකයක් නොමැති විම, රජයේ අනුමත අංක තහඩු නොමැතිව ධාවනය කිරිම යන  සියලු චෝදනාවලට අධිකරණය ඔහු වැරදිකරු කළේය.

මෙයට අමතරව මෙම යතුරු පැදියේ නිත්‍යනුකුල හිමිකරු යැයි කියන පුද්ගලයාට පොලිසිය විසින් රුපියල් 3500 ක තවත් දඩයක් නියම කර තිබුණේ වෙනත් වලංගු රියදුරු බලපත්‍රයක් නොමැති පුද්ගලයකුට යතුරුපැදිය ලබා දිමේ චෝදනාවටය.