(විනීතා ගමගේ)
උඩරට වතුකරයෙන් වාර්තා වන පිළිකා රෝගීන් අතරින් අති බහුතරය ගලනාලයේ පිළිකා වැළඳුණු රෝගීන් බව රෝහල්වල දත්ත විශ්ලේෂණය කිරීමෙන් පෙනී යන බව වකුගඩු රෝග පිළිබඳ පර්යේෂණයන් හි යෙදෙන රජරට විශ්ව විද්යාලයේ වෛද්ය පීඨයේ ආචාර්ය ඡන්න ජයසුමන මහතා පවසයි.
කඳුකරයේ තේ වතු ආශ්රිතව වෙසෙන ජනතාව නිතර ප්රතිකාර ගන්නා රෝහල් වන නුවරඑළිය, දික්ඔය, නාවලපිටිය, බදුල්ල හා මහනුවර යන රෝහල්වල ඉකුත් වසර 10 හි දත්ත විශ්ලේෂණය කිරීමේදී මේ බව පෙනී යන බව ඒ මහතා කියයි.
එමෙන්ම මෙසේ ගලනාලයේ පිළිකා ඇතිවූ රෝගීන් අතරින් අති බහුතරය තේ දළු නෙලන කාන්තාවන් වීම ද විශේෂත්වයක් යැයි හෙතෙම පවසයි.
මේ අනුව තේ වගාවට ග්ලයිෆොසේට් යෙදීම හා ඊට නිරාවරණය වන වැඩි පිරිස තේදළු නෙලන්නියන් වීම මෙම තත්ත්වයට හේතු වන්නේ යැයි නිගමනය කළ හැකි බව ද වෛද්ය ජයසුමන මහතා කියයි.
මේ අතර කොළඹ විශ්ව විද්යාලය හා විශ්ව විද්යාල ප්රතිපාදන කොමිසම එක්ව පසුගිය දා බණ්ඩාරනායක අනුස්මරණ ජාත්යන්තර සම්මන්ත්රණ ශාලාවේ දී පවත්වනු ලැබූ වකුගඩු රෝග පිළිබඳ සමුළුවේ දී ද ග්ලයිෆොසේට් තහනම් කළ යුතු බවට නිර්දේශ වූ බව හෙතෙම පවසයි.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
වතුකරයෙන් ගලනාල පිළිකා රෝගීන් වැඩි වේ
Wimal Wednesday, 02 August 2017 07:26 AM
ග්ලයිපෝසේට වලින් උඩරටදි ගල නාල පිළිකා, පහත රටදි වකුගඩු රෝග. වෛද්යතුමා හිතන් ඉන්නේ තේ කොල වලට ඉහිනවා කියලාද මන්දා.
සෙනෙවි Wednesday, 02 August 2017 08:01 AM
තේ වතු වලට ග්ල්යිෆොසේට් ඉහින විට තේ ගස් වලත් පස සෝදාගෙන ගංගා වලටත් ඒවා එකතු වෙන බව ග්ලයිෆෙසේට් වලට පක්ෂව ඉහත අදහස් දක්වන විමල් නොදන්නවා විය නොහැක .
abaran Wednesday, 02 August 2017 09:50 AM
වකුගඩු රෝග පිළිබඳ පර්යේෂණයන්හි යෙදෙන දොස්තර කෙනෙකුට වඩා දැනුමක් අපි වාගේ පුද්ගලයින්ට තියෙනවා වෙන්ට අසීරුයි...