2025 ජුලි මස 12 වන සෙනසුරාදා
2025 ජුලි මස 12 වන සෙනසුරාදා
බ්‍රිතාන්‍යයේ ලන්ඩන් අගනුවරට සෙනසුරාදා (3) රාත්‍රියේ එල්ල වූ ප්‍රහාර දෙකකින් 9 දෙනකු ජීවීතක්ෂයට පත්ව 50කට ආසන්න පිරිසක් තුවාල ලැබූහ.
‘ලන්ඩන් පාලම’ මත සිටි සාමාන්‍ය වැසියන් වෙත වෑන් රථයක් ධාවනය කරමින් එක් ප්‍රහාරයක් ද ‘බරොව් මාර්කට්’ වෙත පැමිණි ප්‍රහාරයකු පිහි ප්‍රහාර එල්ල කරමින් තවත් ප්‍රහාරයක් ද කර තිබිණි.
හදිසි ඇමතුම් අංකවලට ඇමතුම් ලැබී මිනිත්තු අටක් ඇතුළත ආයුද සන්නද්ධ පොලිසිය සිදුවීම් වූ ස්ථාන වෙත පැමිණි අතර පොලිසිය කළ වෙඩි තැබීම්වලින් බරොව් මාකට් ප්‍රදේශයේ දී ප්‍රහාරයකන් තිදෙනකු මියගිය බව වාර්තා විය.
බරොව් මාකට් යනු ලන්ඩන් නුවර පිහිටි අවන්හල්, සාප්පු ආදිය සහිත ලන්ඩනයේ පැරැණිතම හා විශාලතම වෙළෙඳපොළවල් පිහිටි ප්‍රදේශයයි. බරොව් මාකට් ප්‍රදේශය ලන්ඩන් පාලමේ සිට විනාඩි කිහිපයකින් යා හැකි දුරකින් පිහිටා තිබේ.
බ්‍රිතාන්‍යයේ මහ මැතිවරණයට දින පහක් තිබියදී මෙම ප්‍රහාරය එල්ල වූ අතර මෙම ප්‍රහාරය පසුගිය මාර්තු මාසයේ සිට මේ දක්වා කාලයේදී බ්‍රිතාන්‍යයට එල්ල වූ තෙවැනි මාරාන්තික ප්‍රහාරය විය.
මාර්තු මස 22 වැනිදා ලන්ඩනයේ වෙස්ට්මින්ස්ටර් පාලම මත සිටි සාමාන්‍ය වැසියන්ට යට කරමින් මෝටර් රථයක් ධාවනය කර තිබූ අතර බ්‍රිතාන්‍යය පාර්ලිමේන්තුව තුළට පුද්ගලයකු කඩා වැදීමට උත්සහ කර තිබිණි.
බ්‍රිතාන්‍යය පාර්ලිමේන්තු සිදුවීමෙන් ප්‍රහාරකයා ඇතුළු හය දෙනකු ජීවිතක්ෂයට පත්වූ අතර 50කට වැඩි පිරිසක් තුවාල ලැබූහ. එම ප්‍රහාරය හා අයි.එස් සංවිධානය අතර සම්බන්ධයක් තිබෙන බව බ්‍රිතාන්‍ය පොලිසිය පැවැසීය.
ඉකුත් මැයි 22 වැනිදා මැන්චෙස්ටර් හි පැවැති ඇමෙරිකා ගායිකා අරියානා ග්‍රාන්ඬේ ගේ ප්‍රසංගයකට එල්ල වූ ප්‍රහාරයකින් 22 දෙදෙනෙක් ජීවිතක්ෂයට පත්වූහ.
ප්‍රහාරය හේතුවෙන් මැතිවරණ ප්‍රචාරණ කටයුතු නවතා දැමීමට තීරණය කළ බව බ්‍රිතාන්‍ය අගමැතිනි තෙරේසා මේ මහත්මිය නියෝජනය කරන කන්සර්වේටිව් පක්ෂයේ ප්‍රකාශකයෙක් පැවැසීය.
"පොලිසියේ ආරක්ෂාව භාර නිලධාරීන්ගේ තොරතුරු මත ලන්ඩන් ප්‍රහාරය ත්‍රස්ත ප්‍රහාරයක් යැයි නම් කරන්න පුළුවන්. ලන්ඩනයේ වගේම අනෙකුත් නගරවලත් ආරක්ෂාව උපරිම මට්ටමේ තැබීමට අප කටයුතු කරනවා” යැයි බ්‍රිතාන්‍ය අගමැතිනි තෙරේසා මේ මහත්මිය ප්‍රකාශ කළාය.
ප්‍රහාරකයන් තිදෙනා පුපුරණ ද්‍රව්‍ය සහිත ඇඳුම් කට්ටල ඇඳ සිටි බවට වාර්තා වූ අතර එහෙත් එම ඇඳුම් කට්ටලවල පුපුරණ ද්‍රව්‍ය කිසිවක් නොවූ බව වාර්තා විය. ප්‍රහාරකයන් තිදෙනා ‘බරොව් මාර්කට්’ ප්‍රදේශයේ සිටි පිරිසට පිහි ප්‍රහාර එල්ල කළ බව වාර්තා විය.
මෙම සිදුවීම්වලින් පසු මධ්‍යම ලන්ඩනයේ හා ඒ අවට ප්‍රදේශ මුද්‍රා තැබීමට බ්‍රිතාන්‍යයේ ත්‍රස්ත විමර්ශන ඒකක කටයුතු කර තිබූ අතර ආයුද සන්නද්ධ පොලිසිය සහ හමුදාව මුර සංචාරවල ද නිරත විය.
පුද්ගලයන් 48 දෙනකු ලන්ඩන් නුවර පිහිටි රෝහල් පහක ප්‍රතිකාර ලබන බවත් සුළු තුවාල ලැබූ තවත් පිරිසකට එම ස්ථානයේදීම ප්‍රතිකාර කළ බවත් ලන්ඩන් නුවර ගිලන් රථ සේවය පැවසීය.
තුවාල ලැබූවන්ගෙන් ඇතැමකුගේ තත්ත්වය බරපතළ යැයි ලන්ඩන් නුවර පුරපති සදීක් ඛාන් මහතා පැවැසීය.
බ්‍රිතාන්‍යයේ ආරක්ෂක තත්ත්වය උපරිම මට්ටමේ පවත්වාගෙන යන බවත් නැවත ප්‍රහාර එල්ල වනු ඇතැයි යන අවදානම සැලකිල්ලට ගනිමින් කටයුතු කරන බවත් ලන්ඩන් පුරපතිවරයා කීය.
මැන්චෙස්ටර් ප්‍රහාරයෙන් පසු ආරක්ෂක තත්ත්වය උපරිම මට්ටමට ඉහළ දැමූ අතර දින කිහිපයකට පසු ආරක්ෂක තත්ත්වය නැවත පහළ දැමීය.
(රොයිටර් 055)
2025 ජුලි මස 04
317
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
842
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1269
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ලන්ඩන් නුවර ප්‍රහාර දෙකකින් නව දෙනෙක් මරුට
සුපුන් Sunday, 04 June 2017 04:03 AM
ත්‍රස්තවාදය මොන ජනවර්ගය ,මොන ආගමිකයන් කලත් ත්‍රස්තවාදයමය. මේ සත්‍ය අප බටහිරට පවසන විට ඔවුන් නිහඩව සිටියහ. දැන් ඔවුන්ද එය අත්දකිමින් සිටි. යුරෝපයේ පවතින ලිබරල් මතවාද සහ ත්‍රස්තවාදීන් සහ ඒ සමාන අදහස් ඇති අය ගැන මිට වඩා දැඩිව ක්‍රියාකලයුතුයි. ඒ පාඩම අපේ නායකයන් එම රටවලට අපේ උදාහරණය මගින් ඔප්පුකර පෙන්විය යුතුයි. සහජීවනය හා ත්‍රස්තවාදය පරාජය කිරීම එකට කලනොහැක. පළමුව ත්‍රස්තයන් විනාශ කලයුතුයි. බ්‍රිතාන්‍යයේ අහිංසක වැසියන්ට අපේ කනගාටුව පළකරමු
ranjan Sunday, 04 June 2017 08:44 AM
මම දන්න හැටියට මෙතෙක් මරණයට පත්වී සිටින්නේ පුද්ගලයින් 6 දෙනකු සහ ත්‍රස්තයන් 3 දෙනෙකුය.
ranjan Sunday, 04 June 2017 08:46 AM
දැන් 7 දෙනෙකුගේ ජීවිත අහිමිවී ඇත.
jagath liyanage Sunday, 04 June 2017 10:21 AM
එංගලන්තයට දැන්වත් තේරෙනවා ඇති ත්‍රස්තවාදයේ රඟේ...
arschloch Sunday, 04 June 2017 11:10 AM
මට නම් වුවමනා වෙන්නේ අර ජර්මනියෙන් එංගලන්තෙට ගිය දරුණු මිනිසුන්ට මේ ඉරණම වුණා නම් හොඳයි කියලා...,උගත් නැති, සල්ලි නැති, මිනිස්සු තමයි ඔය වගේ ආයුධ අතට අරන් සටන් කරන්නේ......
shan saudi Sunday, 04 June 2017 02:19 PM
එහෙම කියන්න එපා විජේවීර උගත් පුද්ගලයෙක්... ප්‍රභාකරනුත් එහෙම වුණාට දරුණු පුද්ගලයෙක්... නමුත් ආයුධ අතට අරන් කල හරිය අමතකද? ඒක නෙවේ හේතුව... එක එක අයට හිත්වලට ඇතිවන මානසිකත්ව හා ලබන අභාෂයන් අනුව ඔවුන්ගේ මෙවන් ක්‍රියාකාරකම් ඇතිවෙනවා. නමුත් ඒ නිසා අසරණ ජීවිත විශාල ලෙස විනාශ වෙනවා අන්න ඒ තත්වය පාලනය කල යුතුයි.
susantha Sunday, 04 June 2017 11:35 AM
ඔය කට්ටිය දැන් විඳවන්නේ සංහිඳියාවේ ප්‍රතිඵල තමයි. අපේ අයත් දැන් ඒ පාරේමයි යන්න හදන්නේ. ඔය මිනිස්සු සරණාගතයෝ විදිහට ඇවිත් කොපමණ සාමකාමී රටවල් ප්‍රමාණයක් විනාශ කළාද?...
SUISSE Sunday, 04 June 2017 11:42 AM
මගේ බලවත් ශෝකය
SHAN SAUDI Sunday, 04 June 2017 11:57 AM
බුදු දහම අනුව දිට්ටදම්මවෙදනීය කර්මය සැමට පොදුයි. වසර 30ක කාලයක් ශ්රී ලංකාව විනාශ කරමින් සිටි ත්‍රස්තවාදී කණඩායමට පහසුකම් සපයමින්, ආරක්ෂා කරමින්, මුදල් හා අනෙක් ආධාර සපයමින් කොටින් හා ඔවුන්ගේ හිතවාදීන්ට සියලු අනුග්‍රහයන් ලබාදෙමින් කටයුතු කල සහ ලංකාවට එරෙහිව සියලු තැන්වලදී ත්‍රස්තවාදයට උඩගෙඩි දුන් මේ සියලු දෙනාටම බුදු දහම අනුව මෙලොවදීම ඒ කල පාපයන්ට දඬුවම් අත්විදීමට සිදුවේ. අපි මේ ගැන කණගාටු නොවෙමු. එමෙන්ම වෛර නොකරමු.
Sameera Sunday, 04 June 2017 02:50 PM
අයියෝ ලෝකේ හැමතැනම මිනීමැරුම් නේ වෙන්නේ.. සාමයේ ආගම කෝ !!!
nuwan Sunday, 04 June 2017 03:23 PM
කිසියම් පණිවිඩයක් ලොවට බෙදා දුන්නු තවත් අවස්ථාවක් !!!
Namal Sunday, 04 June 2017 04:55 PM
ශාන් එහෙම කියන්න එපා.. බ්‍රිතාන්‍ය නම් කොටින්ට උදව් කළේ නෑ. ලංකාවේ හමුදාවට පුහුණුව දුන්නා මිසක්... මෙතන තියෙන්නේ ඉස්ලාම් අන්තවාදයක්...
shan saudi Monday, 05 June 2017 12:08 PM
නිමල් මම ඔබ ගැන කණගාටු වෙනවා. මේ අය කලේ මොනවාද? අදටත් කරන්නේ මොනවද? කියලා නොදන්නා එක ගැන යුද්ධය නවතන්න සම්බාධක පනවන්න කොටි හිතවාදීන්ගේ බහට අනුව ලංකා රජයට කෙනිහිලිකම් කරන්න හා කොටින් හා ඔවුන්ගේ හිතවාදීන්ට රැකවරණ දෙන්න එදා සිට අද දක්වා මේ අය කටයුතු කල මම දන්නේ නෑ ඔබ ඉන්නේ මේ රටේද? නැත්නම් ඔබත් කොටි හිත වාදියෙක්ද කියලා. මහින්ද මහතා එහි ගිය වතාවේ ඔහුට කල කරදර හා මහින්ද මහතා ගෝඨාභය හා ෆොන්සේකා යන මහත්වරු යුධ අධිකරණයට ගෙන යා යුතුයි කියලා කොටි ඩයස් පෝරාව ජිනීවා වලදී කියනකොට එ්ක වෙනුවෙන් අත උස්සපු ප්‍රධාන රටක්... අපට වෛරයක් නෑ. නමුත් යුද්ධයක හා ත්‍රස්තවාදයේ කුරිරු බව ඒ සදහා උදව් උපකාර කල අයට දැනිය යුතුමයි.
sunil wijesena Sunday, 04 June 2017 07:47 PM
එයාලා වගාකළ අස්වැන්න දැන් නෙලා ගන්නවා.
Gayan Monday, 05 June 2017 01:42 AM
අයියෝ මේ මිනිස්සු ලෝකෙට පිළිකාවක් වෙලා තියෙන්නේ අද වෙනකොට... හැම තැනම මිනීමැරුම්...
vipula Monday, 05 June 2017 05:17 AM
බටහිරට ගැතිකම් කරපු නැති නිසා රටක් විදිහට අපි ගොඩගියා. රටකට ගැලපෙන තීරණ ගත්තේ නැත්නම් විනාශවෙන්නේ දේශපාලකයන් නෙමෙයි. සාමාන්‍ය ජනතාව.... ලංකාවේ විවිධ දේවල් පෙන්වලා රටේ නිදහසට ගන්න වලපල්ලට යන්න ගන්න තීන්දු වලට රටේ ජනතාව විදිහට අපි විරුද්ධ විය යුතුයි.