( තිළිණි ද සිල්වා )
 
ශ්‍රී ලංකාවේ එක්සත් ජාතීන්ගේ සංවිධානයේ නව නේවාසික සම්බන්ධීකාරක ලෙස හනා සිංගර් මහත්මිය පත්වීම් ලැබ ඇතැයි විදේශ කටයුතු අමාත්‍යාංශය සඳහන් කරයි. 
 
හනා සිංගර් මහත්මිය මෙරට එක්සත් ජාතීන්ගේ නව නේවාසික සම්බන්ධීකාර ධූරයට අමතරව එක්සත් ජාතීන්ගේ සංවර්ධන වැඩසටහනේ ශ්‍රී ලංකා නේවාසික නියෝජිත වශයෙන් ද සේවය කරනු ඇත.
 
මෙම පත්කිරීම වලට අදාළව සිංගර් මහත්මිය ජනාධිපති මෛත‍්‍රීපාල සිරිසේන මහතා වෙත ඉකුත් 5 වැනිදා සිය අක්ත පත‍්‍ර ප‍්‍රදානය කරනු ලැබු බව විදේශ කටයුතු අමාත්‍යාංශය සඳහන් කර සිටී.
 
සිංගර් මහත්මිය එක්සත් ජාතීන්ගේ ළමා අරමුදලේ වසර 27 ක් සේවය කර ඇති අතර දකුණු ආසියාව ඇතුළු විවිධ කලාපවල මානුෂීය ආධාර ක්ෂේත‍්‍රයට අදාළව වසර 15 කට වැඩි ජ්‍යෙෂ්ඨ කළමනාකරණ අත්දැකීම් ලැබූ රාජ්‍යතාන්ත‍්‍රිකාවකි . 
 
තවද ඇය සිරියාව, නේපාලය, කසකස්ථානය සහ අසර්බයිජානය යන රටවල එක්සත් ජාතීන්ගේ ළමා අරමුදලේ නියෝජිතවරිය ලෙස ද සේවය කර තිබෙන්නීය.