2025 ජුලි මස 09 වන බදාදා
2025 ජුලි මස 09 වන බදාදා
(තිලකරත්න දිසානායක)
මෙරට ඉතිහාසයේ ප්‍රථම වරට ශ්රී ලාංකික කතක් අමෙරිකාවේ මිනසෝටා ප්‍රාන්තයේ සහකාර නීතිපති ධුරයට පත්ව සිටින්නීය.
ශ්රී ලංකාවට විශාල ගෞරවයක් හිමිකර දෙමින් මෙම ධූරයට පත්ව ඇත්තේ මේ වනවිට මිනසෝටා ප්‍රාන්තයෙහි පදිංචිව සිටින ගම්පහ, මාදෙල්ගමුව, බටපොත පදිංචිව සිටි නිලූෂි රණවීර මහත්මියයි.
ගම්පහ සිරි කුරුස විද්‍යාලයෙන් අධ්‍යාපනය ලබා ඇති මැය කොළඹ විශ්වවිද්‍යාලයේ නීති පීඨයට ඇතුලත්ව නීති උපාධිය ලබා 2005 වසරේ අමෙරිකාවට ගොස් ඇති අතර 2006 වසරේදී මිනසෝටා ප්‍රාන්තයේ හැම්ලීන් විශ්වවිද්‍යාලයට ඇතුළත්ව නීතිය පිළිබඳ ශාස්ත්‍රපති උපාධියත් අනතුරුව මිචෙල් හැම්ලීන් නීති විද්‍යාලයෙන් 2016 වසරේදී නීතිවේදී පශ්චාත් උපාධියත් හිමිකරගෙන ඇත.
පසුව එහි රජයේ විනිසුරුවරියක් යටතේ අපරාධ නීතිය වැඩිදුරටත් හදාරා ඇති නිලුෂි මහත්මියට ඉකුත් මස 23 වෙනි දින මිනසෝටා ප්‍රාන්තයෙහි සහකාර නීතිපති ධුරයට පත් කර තිබේ.
මේ වනවිට සිය සැමියා වන එරන්ද ලියනපතිරණ මහතා සහ අකේන් සහ ක්‍රිෂේන් යන පුතුන් දෙදෙනා සමග නිලුෂි රණවීර මහත්මිය අමෙරිකාවේ පදිංචිව සිටින්නීය.
කම්කරු දෙපාර්තමේන්තුවෙහි විශ්‍රාමික කම්කරු කොමසාරිස් වරයෙකු වන සරත් වීරසිංහ මහතාගේ සහ විශ්‍රාමලත් ගුරු මහත්මියක වන (ගම්පහ යසෝදරා දේවී බාලිකා විද්‍යාලය ) ඉන්ද්‍රාණි රණවීර මහත්මියගේ තෙවන දියණිය වන නිලුෂී මහත්මිය මේ වනවිට 42 වන වියෙහි පසුවන්නීය.
ඇය අමෙරිකාවේ සිට දුරකථනයෙන් සම්බන්ධ වෙමින් අප පුවත් පතට අදහස් දැක්වූ අතර මෙහිදී තමන්ට මෙවන් ස්ථානයක් කරා ළඟාවීමට මග පෑදූ මව, පියා මෙන්ම විදූෂි සහ මහීෂි යන වැඩි මහල් සොයුරියන් දෙදෙනාත් , තම මාමා ගුණසිරි සිල්වා මහතා සහ නැන්දා අනෝමා ලියනපතිරණ මහත්මිය මෙන්ම ගම්පහ සිරි කුරුස විද්‍යාලයේ විදුහල්පතිනියකව සිටි නෙලී හෙලන් මව්තුමිය සහ තම ආත්ම විශ්වාසය ගොඩනැගූ යසෝදරා බාලිකාවේ විදුහල්පතිනියකව සිටි සද්ධා අබේසේකර මහත්මියත් දැඩි භක්තියෙන් යුතුව සිහිපත් කර සිටින බවත් ප්‍රකාශ කළාය.
2025 ජුලි මස 04
190
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
696
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1096
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ලාංකික දියණියක් අමෙරිකාවේ සහකාර නීතිපති ධුරයට
Raveendra Monday, 02 September 2019 11:21 AM
ඔබට අපගේ උණුසුම් සුබපැතුම්...!!
sharm warn Monday, 02 September 2019 11:28 AM
ඔබේ ජයග්‍රහණයට අපේ උණුසුම් සුබපැතුම් සොයුරිය...!!!
kap Monday, 02 September 2019 11:44 AM
ලංකාවේ හිටියා නම් ඉතින් තාම ගම්පහ උසාවියේ නඩු වලට පෙනී ඉන්නවා. උසස් අධ්‍යාපනයේ අගය මෙයයි. අනික ඒ රටවල්වල ඕනෙම කෙනෙක්ව පිළිගන්නවා. ලංකාවේ පිටරටක කෙනෙක්ට මොන හරි රජයේ රස්සාවක් දුන්නොත්, උද්ඝෝෂණ වර්ජන ගොඩයි. හදවතින්ම සුබපැතුම්...!!!
අනුරTuesday, 03 September 2019 03:27 AM
හිතවත් කීප් මෙම දියණියගේ ජයග්‍රහණය වෙනුවෙන් මම අවංකව සතුටු වෙමි. නමුත් ඔබගේ ප්‍රකාශය මම අනුමත නොකරමි. මෙම දියණිය ශී ලංකා ජනතාවගේ බදු මුදල්වලින් නොමිලේ අධ්‍යාපනය ලබා විදේශ රටක සේවය කිරීම අප රටට විශාල පාඩුවකි. එමෙන්ම මෙවැනි දක්ෂයන් පේ රටට අවශ්‍යම ඇති කාලයකි. මෙවැනි දේ සිදුවීමෙන් අවංක දක්ෂයන් විදේශ රටවල ගොස් අපේ රටේ පරිපාලනය නූගතුන්ට භාරදී ඇත. මෙය ඔබ පිළිගන්නේද?
kamal Monday, 02 September 2019 11:52 AM
ඔබේ ජයග්‍රහණයට අපේ උණුසුම් සුබපැතුම්.... ලංකාවේ හිටියා නම් කොහොම කලදසාවක් යන්න තිබුණාද?
Uditha - London Monday, 02 September 2019 01:39 PM
උණුසුම් සුබපැතුම්...!!! ලංකාවට නම් යන්න එපා.. තමන්ගේ ලාංකිකකම තියන් ඇමරිකාවේම දරුවන් දෙන්නත් හදාගෙන මහත්තයා එක්ක හොඳින් ජීවත් වෙන්න.
Bamunuarachchi Monday, 02 September 2019 03:26 PM
මගේ උණුසුම් සුබපැතුම්..!!!
ROHAN DAYADARA PARIS Monday, 02 September 2019 06:15 PM
ඔබේ ජයග්‍රහණය වගේ ම ශ්රී ලංකා මාතාවට ලබාදුන් අභිමානයට අපේ උණුසුම් සුබපැතුම් සොයුරියනි .... !!!
Bamunuarachchi Tuesday, 03 September 2019 04:59 AM
අනුර ලංකාවේ උසස් අධ්‍යාපනයට තිබෙන තැන පාර්ලිමේන්තුවෙන් තේරුම් ගන්න. මේ දරුවාගේ අද්‍යාපනය වෙනුවෙන් මෙරට කෝටි 5 වියදම් කර නැත. නමුත් මේ දරුවා අමෙරිකාවේ ප්‍රාන්තයක සහකාර නීතිපති ධුරයට පත් වීමෙන් රටට ලැබුන නම්බුව කෝටි 5 ට සීමා කොරන්න පුලුවනිද. පාර්ලිමේන්තුව අධිකරණයට වඩා ඉහලින් කියා මෙවැනි උගතුනට නීති කියා දෙන්නේ 8 පාස් ගොයියෝ නේද. හැබැයි ඉල්ලන්නේ වින්ශ්චයකාර වරුන්ගේ වැටුප්. මගේ දරුවනුත් කරන්නේ පිටරක සේවය කිරීමයි. ඔවුන්ගේ උගත්කමට පිටරටවල නිසි වටිනා කම දෙනවා. පාර්ලිමේන්තවට උගතුන් පත් වුන දාට ඔවුන් මෙරට සේවයට පැමිණෙනු ඇත.
hussain ubaid Tuesday, 03 September 2019 05:26 AM
ඔබට අපගේ උණුසුම් සුබපැතුම්
එරා Tuesday, 03 September 2019 06:12 AM
තරුණ වුවත් උගත් කාර්යක්ෂම සුදුස්සාට නිසි තැන. ලංකාවේ නම් වඩා සේවා කාලයක් ඇති අකාර්යක්ෂම ජේෂ්ඨ නුසුදුස්සාට තැන.
sampath Wednesday, 04 September 2019 12:08 PM
ලංකාවේ හිටියානම් රැකිය දියව් කියකියා පාරේ ඉන්න වෙන්නේ.. රස්සාවකට ගියත් කැපිලි කෙටිලි නිසා එක්කෝ රස්සාව අත්හැරලා නැත්නම් කොහෙට හරි මාරු කරලා යවලා..