(චමිල් රුපසිංහ)

මධ්‍යම පළාත් සභාවේ මන්ත්‍රිවරයකුව සිටි ආචාර්ය ජගත් විජේනායක මහතා හදිසියේ අභාවප්‍රාප්ත වීමෙන් පුරප්පාඩු වූ මන්ත්‍රී ධූරය සඳහා එච්.ඒ රණසිංහ මහතා මධ්‍යම පළාත් ආණ්ඩුකාර නිලූකා ඒකනායක මහත්මිය ඉදිරියේ අද (08) දිව්රුම් දුන්නේය.
 
වසර 15 ක කාලයක් අඛන්ඩව මහජන නියෝජිතයකු ලෙස මධ්‍යම පළාත් සභාව නියෝජනය කළ රණසිංහ මහතා පසුගිය පළාත් සභා මැතිවරණයේදී පරාජයට පත්විය.
 
දුම්රිය දෙපාර්තුමේන්තුවේ සේවයේ නියුක්තව සිටියදී ශ්‍රීලංකා නිදහස් පක්ෂය සමාජිකත්වය 1974 වසරේදී ලබාගත් ඒ මහතා ශ්‍රීලනිප දුම්රිය සේවක සංගමයේ නියෝජ්‍යය සභාපති ලෙස කටයුතු කරමින් සිට ක්‍රියාකීරී දේශපාලනයට පිවිස ඇත.
 
නාවලපිටිය නගර සභාවේ මන්‍ත්‍රීවරයකු ලෙස 1991 වසරේදී පත්වූ ඒ මහතා 1999 සිට 2013 දක්වා මධ්‍යම පළාත් සභාව අඛන්ඩව වසර 15 ක් නියෝජනය කළේය.