( රොමේෂ් මධුෂංඛ)
 
මෙවර පැවත්වීමට නියමිත මැතිවරණයේදී අපේක්ෂකයින්ට සිය කාර්යාලයේ සහ රැස්වීමක් පැවත්වෙන ස්ථානයේ හැර ඉන් පිටත කිසිදු ස්ථානයක පෝස්ටර්, කටවුට් හා බැනර් ප්‍රදර්ශනය කළ නොහැකි බවට මැතිවරණ කොමිෂමේ සභාපති මහින්ද දේශප්‍රිය මහතා පවසා සිටියේය.

මහ මැතිවරණයට අදාළව පිහිටුවන දේශපාලන පක්ෂ කාර්යාලවලට නිකුත් කර තිබූ තහනම ලිහිල් කරමින් එම මැතිවරණ කොමිසම එම  අවසර ලබාදීමට  තීන්දු කළේය.

මැතිවරණ කොමිෂමේ සභාපතිවරයා මේ බව කියා සිටියේ  වව්නියාව දිස්ත්‍රික් ලේකම් කර්යාලයේදී ඉදිරි මහමැතිවරණය සම්බන්ධයෙන් රාජ්‍ය නිලධාරීන් දැනුවත් කිරීමේ සාකච්ඡාවකින් අනතුරුව මාධ්‍යට අදහස් දක්වමිනි.


 එහිදී මහින්ද දේශප්‍රිය මහතා වැඩි දුරටත් පවසා සිටියේ,


 ‘1981 අංක 1 දරණ පාර්ලිමේන්තු මැතිවරණ විධිවිධාන යටතේ තමියි මේ පෝස්ටර්, ඡායාරූප , බැනර්, කටවුට් මාර්ගවල තැන් තැන් වල ප්‍රදර්ශනය කිරීම තහනම් කරල තියෙන්නේ නමුත් අපේක්ෂකයින්ගේ කාර්යාල වල පක්ෂයේ නම, සිම්බල් එක එහෙම නැත්තම් සලකුණ, ස්වාධීන කණ්ඩායම් වල ඒ කණ්ඩායම එහෙම නැත්තම් ඒ හඳුනාගැනීමේ අංකයත් එහි ලකුණත් ප්‍රදර්ශනය කරන් පුලුවන්.


 ‘වර්ග අඩි 40 ප්‍රමාණයක සිංහල හා දෙමළ භාෂා දෙකම පාවිච්චි කරනවනම් එය වර්ග අඩි 50 ක් වීමට හැකියි. එය පමණයි එකම නීත්‍යානුකූල කටවුට් එක වන්නේ. ඒ වගේම කටවුට් ගහන්න පුලුවන් අපේක්ෂකයෙකුට ඔනෑම රැස්වීමක් පැවත්වෙන වෙලාවක රැස්වීම් දිනයේදී රැස්වීම් පැවත්වෙන ස්ථානයේ පමණයි. රැස්වීම් පිට්ටනියක පැවත්වෙනවනම් පාරේ කටවුට් ගහන්න බැහැ එයයි නීතිය.

‘ඒ වගේම මන්නාරම හා මුලතිව් අවතැන් වූවන්ට පුත්තලමේ තවමත් ඉන්න අය වැනි 3000 ත් 4000 ත් අතර පිරිසකට ඡන්ද මධ්‍යස්ථාන පවත්වන්න අපට සිදුවෙලා තියනවා ඒ වගේම මන්නාරම් හා පුත්තලමේ ඡන්ද දායකයින්ට ඒ ඒ දිස්ත්‍රීක්කවල පදිංචිය අනුව ඡන්දය දැමීමට සිදුවෙනවා. යනුවෙනි.