(හැටන් රංජිත් රාජපක්ෂ)

සිදුවේ සිට නුවරඑලිය දක්වා ධාවනය වු වැන් රථයක් සහ හැටන් සිට කොළඹ දක්වා ධාවනය වු පෞද්ගලික බස් රථයක් මුහුණට මුහුණලා ගැටිමෙන් වැන් රථයේ ගමන් ගත් පස් දෙනෙකු ගිනිගත්හේන ප්‍රාදේශිය රෝහල වෙත ඇතුළත් කර ඇති බව ගිනිගත්හේන පොලිසිය පැවසිය.


අද (22) උදැසන 7 ට පමණ මෙම  අනතුර සිදු වි ඇත්තේ හැටන් කොළඹ ප්‍රධාන මාර්ගයේ ගිනිගත්හේන රම්පාදෙණිය ප්‍රදේශයේදිය.


අධික වේගයෙන් ධාවනය වි ඇති පෞද්ගලික බස් රථය ප්‍රතිවිරුද්ධ දිශාවෙන් ඉදිරියට ධාවනය වෙමින් තිබු වැන් රථයේ ගැටිමත් සමග වැන් රථය මාර්ගයෙන් ඉවතට පැන නිවසක් අසලට පෙරලි ඇත.


වැන් රථය අනතුරට පත් වන අවස්ථාවේ වැන් රථය තුල 11 දෙනෙකු ගමන් කර ඇති බවත් , වැන් රථයේ සිටි තුවාලකරුවන්ව ප්‍රදේශවාසින් එක්ව රෝහල් ගත කර ඇත.


අනතුරෙන් වැන් රථයට සහ බස් රථයට දැඩි අලාභ හානි සිදු වි තිබේ.


අනතුර පිලිබදව ගිනිගත්හේන පොලිසිය පරික්ෂණ පවත්වයි.