IMG-LOGO

බත් හා තේ මිල පාලනය කරන්න මිල නංවයි

(ඩයනා උදයංගනී)

ගෑස් ඇතුළු අත්‍යාවශ්‍ය සේවා රැසක මිල ඉහළ යාම හේතුවෙන් ආපන ශාලා නිෂ්පාදනයන්හි මිල ඉහළ යා හැකි බැවින් පාරිභෝගිකයා පිළිබඳ සිතා එම නිෂ්පාදන කිහිපයකට උපරිම මිලක් පැනවීමට තීරණය කර ඇතැයි සමස්ත ලංකා ආපන ශාලා හිමියන්ගේ සංගමය පවසයි.
ඒ අනුව තේ කෝප්පයක් රුපියල් 20ක්, බත් පැකට්ටුවක් සඳහා රුපියල් 130ක්, ආප්පයක් රුපියල් 15ක් සහ කිරි තේ කෝප්පයක් රුපියල් 40ක් දක්වාත් ආදී වශයෙන් උපරිම මිලක් පැනවීමට තම සංගමය තීරණය කළ බව එම සංගමයේ ජාතික සංවිධායක අසේල සම්පත් මහතා ලංකාදීපයට පැවසීය.
මේ අනුව එළවලූ වර්ග 3ක්, මාළු කැබැල්ලක්, පළා වර්ගයක්, පපඩම් සහ බැදපු මිරිස් සහිත බත් පැකට්ටුවක් රුපියල් 130ක උපරිම මිලකට අලෙවි කළ යුතු බවට තීරණය කර ඇතැයි ද ඔහු සඳහන් කළේය.
වෙනත් ආහාර වට්ටෝරු සහිත බත් පැකට් සඳහා මෙම උපරිම මිල අදාළ නොවන බව ද අසේල සම්පත් මහතා ප‍්‍රකාශ කළ අතර මෙම තීරණය පිළිබඳව ලිපියක් මගින් පාරිභෝගික කටයුතු අධිකාරිය දැනුම්වත් කර තිබෙන බව ද ඔහු කීවේය.
 



අදහස් (7)

බත් හා තේ මිල පාලනය කරන්න මිල නංවයි

Sarojini Wednesday, 27 September 2017 02:01 PM

2015 දී ගෑස් මිල 40% ක් අඩු වෙනකොට මේ එකෙක්වත් කෑම මිල අඩු කලේ නැහැනේ.. අවස්ථාවාදයේ උපරිමය. ජනතාවෙනි, මුන්ගේ කෑම නොකා ඉන්න.

:       2       1075

mahinda Wednesday, 27 September 2017 02:06 PM

කී සැරයක් ගෑස් මිල අඩු කලාද? එ්ත් මේ අය අප්ප බත් පාර්සල් ගණන් අඩු කලාද ? රුපියල් 100 ගෑස් වැඩි කලාම අාප්පේ රුපියල් 5ක් උස්සනවා. ඒ කියන්නේ ගෑස් එකකින් අාප්ප 25 ද හදන්නේ ? පාරිබෝගික අදිකාරිය මේවත් පාලනය කරන්න ඕන.

:       0       1059

Nandalal DE SILVA - France Wednesday, 27 September 2017 05:11 PM

බත් පාර්සලයට දමන එළවලු 3 බෙදන්නේ තේ හැන්දෙන්ද කියන එක ගැනත් සොයා බලා, පාරිභෝගිකයාට සාධාරණයක් කළ යුතු වෙනවා. බත් පතේ බර සමහරවිට අඩු වෙන්නත් පුළුවන් ! අධික බර වැඩි අයට නම් ඒක සුබ ආරංචියක් නොවේද ? බොහෝ විට කඩකාරයා පාරිභෝගිකයා ගසා කන යුගයක සිටින අපේ රටේ මහජනතාව රැක ගැනීම රජයේ යුතුකමයි.

:       7       231

chanda dayaka Thursday, 28 September 2017 02:09 AM

පහු ගිය කාලේ ගෑස් මිල 250/= කින් අඩු කලාම අප්පය රුපියල් 6/= ට අඩු කලා නේද ? මේ රට පාලනය කරන්නේ සංගම් ද ? එතකොට ආණ්ඩුව කියන්නේ මොකද්ද ? මේ රට දැන් රුවල් කැඩිලා පාවෙන නැවක් වගේ .

:       1       88

akila Thursday, 28 September 2017 02:28 AM

ඔව් වෙළඳුන්ට හිතෙන හිතෙන විදියට මිල වැඩි කරන්න දීල තියන හින්ද තමයි ලංකවේ ජීවන වියදම් කලාපයේ අනිත් රටවල් එක්ක බලනකොට ඉතා වැඩි , රුපියල් 100 මෙගොල්ලන්ට දැනෙන්නේවත් නැහැ නමුත් එකෙනුත් වාසි ගන්න හදන්නේ

:       0       47

rama Thursday, 28 September 2017 03:46 AM

බත් පතට අවම බරක් දාන්නත් ඕන..... නැත්නම් 100 g වගේ පත් පැකට් දෙනවා........

:       0       115

ගුණවර්ධන Friday, 29 September 2017 02:55 PM

ගෑස් මිල අවුරුදු දෙකකට වැඩි කාලයක් අඩු වෙලා තිබුනා. ඒ කාලේ මම හිතන්නේ මේ ඊනියා සංගමය අහෝසිවෙලා වෙන්නැති තිබුනේ. ඒකනේ මුං මොකුත් නොකියා සද්ද නැතිව සිටියේ. කලින් වගේ ගෑස් මිල ඉහළ ගියොත් ආප්පේ ගාන කීයද දන්නේ නැහැ. මේ ඊනියා සංගම් වලට ඕන විදියට හිටියොත් අහිංසක මිනිසුන්ගේ ලේත් ඔරා බොනවා. අපේ රටේ ආණ්ඩු වැනෙනකම් මේවා හදන්න බැහැ. වතුර ටිකක් බීලා හරි ගෙදර යන්න පුළුවන් නම් අපිට මේ අයට හොඳ පාඩමක් උගන්වන්න පුළුවන්.

:       0       97

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 250 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 778 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1200 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site