(අංජුල මහික වීරරත්න)

අරගලේ වෙලාවේ අපි අඩියක් පස්සට කිව්වා යැයි පොදු ගැන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්‍ෂ මහතා පැවසීය.

දරුවන් මරා ඔවුන්ගේ ජීවිත මතින් ආණ්ඩුව රකින්න අවශ්‍ය නොවූ බවද රාජපක්ෂ මහතා කීය.

ගම්පහ දිස්ත්‍රික්කයේ අත්තනගල්ල ප්‍රදේශයේ පැවති රැස්වීමක් අමතමින් නාමල් රාජපක්ෂ මහතා මේ බව කීය.

"අපිටත් තිබ්බා අරගලය වෙලාවෙ හමුදාව, පොලීසිය පාවිච්චි කරලා දහස් ගණනක් ඝාතනය කරලා ආණ්ඩුව රකින්න උත්සාහ කරන්න. නැහැ, අපි එහෙම කළා නම් අද නාමල් රාජපක්ෂ මෙතන ඉන්න විදියකුත් නැති වෙන්න පුළුවන්. අපි යථාර්ථයට මුහුණ දුන්නා. හැබැයි යථාර්ථයට මුහුණ දීලා, ජනතාවගේ පැත්තේ හිටගෙන, සමාජ ව්‍යසනයකින් රටේ තරුණයන් මුදවා ගන්න අපි අඩියක් පස්සට ගත්තු එක නිවටකමක් කියලා හිතනවා නම් ඔවුන්ට වැරදිලා යනුවෙන්ද නාමල් රාජපක්ෂ මහතා කීය.