( හේමලතා ඩී හේවගේ )                                

පන්නල පොලිස් වසමට අයත් කන්කානියමූල්ල රජයේ රක්ෂිතයේ තිබී හමුවූ ලේ  පැල්ලම් කඩවත පොලිස්ථානයට අනුයුක්තව සේවය කළ  කොස්තාපල් වරයාගේද යන්න  සෙවීම සඳහා  පෑලියගොඩ කොට්ඨාස අපරාධ විමර්ශන අංශය , කුලියාපිටිය නිල සුනඛ කණ්ඩායමේද සහාය ඇතිව අද (18)  එම රක්ෂිතයේ පරීක්ෂණ  අරඹා තිබේ.
 
මෙම කොස්තාපල්වරයා  කිරිබත්ගොඩ ප්‍රදේශයේදී  ඊයේ (17)  අලුයම අතුරුදහන්වී තිබිණි.
 
වීරකැටිය ප්‍රදේශයේ පදිංචි දෙදරු පියෙකු වන 37 හැවිරිදි මෙම පොලිස් කොස්ථාපල් වරයා කිරිබත්ගොඩ ප්‍රදේශයේ පදිංචි 47 වියැති විවාහක කාන්තාවක් සමඟ ඇතිකරගත් අනියම් ප්‍රේම සම්බන්ධතාවයක් මෙම අතුරුදහන් වීමට හේතුවී ඇතිද යන්න පිළිබඳව පොලීසිය සැක පළ කරයි  .
මෙම අතුරුදහන්ව ඇති පොලිස් නිළධාරියා සම්බන්ධ යැයි කියන අනියම් කාන්තාවගේ සැමියා මත්කුඩු සම්බන්ධයෙන් රක්ෂිත බණ්ධනාගාර ගතව සිටින බවත් කාන්තාවද මත්කුඩු භාවිතයට පුරුදුවූ අයෙකු බවද පොලීසිය පවසයි.
 
කාන්තාව හා පොලිස් නිළධාරියා ඊයේ (17)  අලුයම 1ට පමණ කිරිබත්ගොඩ ප්‍රදේශයේ පිහිටි හෝටලයකට ගොස් ඇති බවත් රාත්‍රී ආහාර පිටතින් ගෙන්වා ගැනීමෙන් පසු පැමණි ත්‍රීරෝද රථයක සිටි පිරිසක් මෙම     නිළධාරියාට  පහරදී එම රථයට දමාගෙන ගියාද යන්න පිළිබඳව එම ස්ථානයේ ඇති සීසීටීවී දර්ශන උපයෝගී කර ගනිමින් පුඵල් පරීක්ෂණ සිදුකරන බවද පෑලියගොඩ කොට්ඨාශ අපරාධ විමර්ෂන අංශය කියයි   .
 
කුලියාපිටිය මූලස්ථාන පොලිස්ථානයට අනුයුක්ත නිල සුනඛ විකී සහ ෆ්ලෑෂ් යොදා ගනිමින් මේවන විට කන්කානියමූල්ල රක්ෂිතයේ පරීක්ෂන සිදුකරනු ලබයි

.