(ආරියරත්න රණබාහු සහ සුජිත් හේවාජූලිගේ)


යෝජිත නව ආණ්ඩුක්‍රම ව්‍යවස්ථාවෙන් බුද්ධාගමට හිමි තැනෙහි කිසිදු වෙනසක් සිදු නොවන බව ජාතික ප්‍රතිපත්ති හා ආර්ථික කටයුතු රාජ්‍ය අමාත්‍ය නිරෝෂන් පෙරේරා මහතා පාර්ලිමේන්තුවේදී අද (07) පැවසීය.


ආණ්ඩුක්‍රම ව්‍යවස්ථා මෙහෙයුම් මණ්ඩලයෙහි ප්‍රධානියා ලෙස අග්‍රාමාත්‍ය රනිල් වික්‍රමසිංහ මහතා කටයුතු කරන බව කී රාජ්‍ය ඇමතිවරයා බුද්ධාගමට හිමි නිසි තැන ලබාදීම ගැන අගමැතිවරයාගේ අවධානය යොමු වී ඇති බව ද කීය.


ඒ අනුව මීට පෙර ඒ සම්බන්ධව ඉදිරිපත් කළ කෙටුම්පතෙහි ඒ පිළිබඳව පැහැදිළිව සඳහන් වී ඇති බව ද පැවසීය.


ආණ්ඩුක්‍රම ව්‍යවස්තා ප්‍රතිසංස්කරණය පිළිබඳව මහජන අදහස් විමසීමට පත් කළ කමිටුවට එම කටයුතු සඳහා රුපියල් අසූලක්ෂ දහ අට දහස් නවසිය එකකුත් ශත78ක් රජය වැය කර ඇති බව ද රාජ්‍ය ඇමතිවරයා කීය.


රාජ්‍ය ඇමතිවරයා මේ වනවිට පැවසුවේ කොළඹ දිස්ත්‍රික් (එ.ජ.නි.ස) මන්ත්‍රී උදය ගම්මන්පිළ මහතා විමසූ ප්‍රශ්නයකට පිළිතුරු දෙමිනි.