(රංජන් කස්තුරි)

මාලබේ සයිටම් පෞද්ගලික වෛද්‍ය විද්‍යාලය අහෝසිකරන ලෙස බලකරමින් මහනුවර සිට කොළඹ දක්වා දින පහක විරෝධතා පාගමනක් හෙට(31) ආරම්භ කරන බව අන්තර් විශ්ව විද්‍යාලීය ශිෂ්‍ය බල මණ්ඩලයේ වැඩබලන කැඳවුම්කරු සනත් බණ්ඩාර පැවසීය.

එම විරෝධතා පාගමන හෙට පෙරවරු 10ට පේරාදෙණිය විශ්ව විද්‍යාලයෙන් ආරම්භ කරන අතර එතැන් සිට දින පහක් පුරා පාගමනින් කොළඹට පැමිණ අගෝස්තු 04 වැනි දා පස්වරුවේ විරෝධතා උද්ඝෝෂණයක නිරත වන බවද ඔහු කීය.

‘සයිටම් විරෝධී සිසුජන ව්‍යාපාරය‘ මගින් සංවිධානය කරන එම විරෝධතාවයට විශ්ව විද්‍යාල සිසුන්, වෘත්තීය සමිති දෙමාපියන් හා කම්කරුවන් ඇතුළු සෑම පාර්ශවයක්ම සහභාගී වීමට නියමිත ය.