දඹුල්ල රජමහා විහාරයේ  මේ වනවිට කිසිදු සංරක්ෂණ කටයුත්තක් සිදුනොවන බවත්, සංරක්ෂණ නිළධාරීන් සියල්ලම මේ වන විට එයින් ඉවත්වී ඇති බවත් අධ්‍යාපන අමාත්‍ය අකිල විරාජ් කාරියවසම් මහතා ප්‍රකාශ කළේය. අමාත්‍යවරයා මේ බව පැවසුයේ අද(04දා) කොළඹ පැවති මාධ්‍ය හමුවකදීය.

දඹුලු ලෙන් විහාර නැරඹීමට පැමිණෙන විදේශිකයන් සඳහා විධිමත් ආකාරයට ප්‍රවේශපත්‍රයක් නිකුත් කර, අවශ්‍ය මුදල් ස්වාමීන්වහන්සේලාට අවශ්‍ය ආකාරයට ලබාදීමටත්, ඉතිරි මුදල් සියල්ලම පුරාවිද්‍යා ස්ථාන සංරක්ෂණයට යෙදවීමටත් බලාපොරොත්තුවන බවද අමාත්‍යවරයා කීවේය.

කතරගම දේවාල අණපනත් වෙනස් කරමින් දේවාලයේ තනතුරු තමන්ගේ ඥාතීන්ට පැවරූ,  පුරාවස්තු සොරකම් කිරීමට දායක වු ඇතැම් බංකොළොත් දේශපාලනඥයන් පිංකැට කඩන බවට රජයට අසත්‍ය චෝදනා එල්ල කරන බවද අකිල විරාජ් ඇමතිවරයා කීවේය.
 - 333