(මනෝප‍්‍රිය ගුණසේකර)
 ජාතික තව්හීද් ජමාත් සංවිධානයට සම්බන්ධකම් පවත්වන අධිකරණ විනිසුරුවරු සිටී නම් ඔවුන් වහාම අත්අඩංගුවට ගෙන පරීක්ෂණයක් පවත්වන්නැයි ත‍්‍රස්ත විරෝධී ජාතික එකමුතුව අද (07) අධිකරණ සේවා කොමිසමෙන් ඉල්ලීමක් කළේය.
 
ත‍්‍රස්ත විරෝධී ජාතික එකමුතුවේ සංවිධායක පුජ්‍ය මාගල්කන්දේ සුදන්ත හිමියන් ඇතුළු භික්ෂූන් වහන්සේලා පිරිසක් විසින් අද අධිකරණ සේවා කොමිසමට වැඩම කොට අදාළ ඉල්ලීම ලිඛිතව කොමිසමට බාර දුන්හ.
 
බස්නාහිර පළාතේ ආණ්ඩුකාර අසාත් සාලි මහතා පසුගියදා මාධ්‍ය හමුවේ ප‍්‍රකාශයක් කරමින් ජාතික තව්හීද් ජමාත් සංවිධානයට සම්බන්ධව විනිසුරුවරු සිටින බවට ප‍්‍රසිද්ධ  ප‍්‍රකාශයක් සිදුකළ බව පෙන්වා දෙන එම එකමුතුව ජාතික තව්හීද් ජමාත් සංවිධානයට සම්බන්ධ විනිසුරුවරු අධිකරණ රාජකාරියේ නිරත වන්නේ නම් එය ඉතා බරපතල තත්වයක් බවද ලිපියේ සදහන් කොට ඇත.
 
එහෙයින් එවැනි විනිසුරුවරුන් වහාම අත්අඩංගුවට ගෙන නීතීය ක‍්‍රියාත්මක කරන්නැයි ත‍්‍රස්ත විරෝධී ජාතික එකමුතුව අධිකරණ සේවා කොමිෂමෙන් ඉල්ලීමක්ද කොට ඇත.