(ක.ග කරුණාරත්න)
 
ජනාධිපති මෛත්‍රීපාල සිරිසේන මහතාගේ සොයුරු පල්ලේවත්ත ගමරාළලාගේ ප්‍රියන්ත සිරිසේන මහතාට පොරවකින් පහර දී ඝාතනය කිරීමේ චෝදනාවට වරදකරු වූ  විත්තිකරුට බරපතල වැඩ ඇතිව වසර 18ක සිරදඬුවම් නියම කරන ලෙස පොළොන්නරුව මහාධිකරණ විනිසුරු නිමල් රණවීර මහතා නියෝග කළේය.
 
පොලොන්නරුව, නවනගරය හතර ඇල පදිංචි හපුතන්ත්‍රිගේ   දොන් ඉෂාන් ලක්මාල් එලෙස සිරදඬුවම් ලැබීය.
 
රුපියල් ලක්ෂ 10 ක වන්දි මුදලක්  ප්‍රියන්ත මහතාගේ පවුලට ගෙවන ලෙස නියෝග කළ විනිසුරුවරයා  රුපියල් 20 000 ක දඩයක් ද නියම කළේය.
 
විත්තිකරු වන්දි මුදල් නොගෙවන්නේ නම් තවත් වසර දෙකක බරපතළ වැඩ සහිත සිර   දඩුවමකට ද,   දඩ මුදල නොගෙවන්නේ නම් මාස 06 ක සිර දඬුවමකට ද යටත් කරන ලෙසට නියෝග කෙරිණි.
 
2015 වසරේ මාර්තු මස 26 වෙනි  දා පොලොන්නරුව, නවනගරය 4 ඇල ප්‍රදේශයේදී පොලොන්නරුව, ඇතුමල්පිටිය පදිංචි පල්ලේවත්ත ගමරාලලාගේ ප්‍රියන්ත සිරිසේන යන අයට පොරවකින් පහරදී මිනී මැරුමක් සිදුකළ බවට නීතිපති වරයා   මෙම නඩුව පවරා තිබුනි.

22 mins