IMG-LOGO

2025 ජුලි මස 12 වන සෙනසුරාදා


කීත් නොයාර් සිද්ධියට අත්අඩංගුවට ගත් මේජර් ජනරාල් රිමාන්ඩ්


 
තරිඳු ජයවර්ධන,නිමන්ති රණසිංහ
 
මාධ්‍යවේදී කීන් නොයාර් මහතා පැහැරගෙන ගොස් වද හිංසා කිරීමට ආධාර අනුබල දුන්නැයි අත්අඩංගුවට ගත් ජාතික ආරක්ෂක විද්‍යා පීඨයේ සේනා විධායක මේජර් ජනරාල් අමල් කරුණාසේකර මහතා ලබන 18 වැනි දා තෙක් රිමාන්ඩ් කරන ලෙස අධිකරණය නියෝග කළේය.
 
අමල් කරුණාසේකර මහතා පෙරේදා යුද හමුදා රෝහලට ඇතුළත් වී තිබුණු අතර ඊයේ සවස එම රෝහලට ගිය රහස් පොලිසිය ඔහු අත්අඩංගුවට ගත්තේය.
 
පොලිස් ආරක්ෂාව යටතේ එම රෝහලේ සිටි අමල් කරුණාසේකර මහතා පරීක්ෂා කර බැලූ ගල්කිස්ස අංක තුන අධිකරණයේ මහේස්ත්‍රාත්වරයා ඔහු රිමාන්ඩ් කරන ලෙස අද (6) සවස නියෝග කළේය. 

ලබන නව වැනි දා එම්ආර්අයි පරීක්ෂණයකට යළිත් යුද හමුදා රෝහලට ගෙන ඒමට අවශ්‍ය යැයි කී හෙයින් ඒ සඳහා යොමු කරන ලෙස ද බන්ධනාගාර අධිකාරීට නියෝග කළ මහේස්ත්‍රාත්වරයා අවශ්‍ය පරිදි ප්‍රතිකාර සඳහා යොමු කරන ලෙස ද කියෝග කළේය.
 
මාධ්‍යවේදීන් කීත් නොයාර් මහතා පැහැරගෙන ගොස් වද හිංසා කිරීමේ සිද්ධියට සැකපිට මීට පෙර අත්අඩංගුවට ගත් ත්‍රිපෝලි යුද හමුදා කඳවුරේ බුද්ධි අනු කණ්ඩයේ අණ දෙන නිලධාරී මේජර් බුලත්වත්ත ඇතුළු පිරිසට එම අපරාධය සිදු කිරීමට ආධාර අනුබල දුන්නේ යැයි සැකපිට මේජර් ජනරාල්වරයා අත්අඩංගුවට ගත්තේය.
 
මීට පෙර රහස් පොලිසිය කළ ඉල්ලීමක් සළකා බැලූ අධිකරණය කරුණාසේකර මහතාගේ විදෙස් ගමන් ද තහනම් කර තිබිණි.  

ශ්‍රී ලංකා යුද හමුදාවේ මාණ්ඩලික ප්‍රධානී ලෙස කටයුතු කළ ඒ මහතා විශ්‍රාම ගැනීමත් සමඟ ජාතික ආරක්ෂක විද්‍යා පීඨයේ සේනා විධායක ලෙස පත් කරනු ලැබීය.
 



අදහස් (4)

කීත් නොයාර් සිද්ධියට අත්අඩංගුවට ගත් මේජර් ජනරාල් රිමාන්ඩ්

Aluthgama A. Samathasena. Friday, 06 April 2018 11:58 AM

ජාත්‍යන්තරයේදී පුවත්පත් කලාවේදීන් හඳුන්වන්නේ නිලනොලත් රජවරුන් හැටියටයි. එහෙත් අප රටේ හමුදාවේ ඉහල නිලයක් ලබපු සමහරුන් ඒවා දන්නේ නැත. ඔවුන් සිතන්නේ නිහතමානී උගත් මිනිසුන් නිවටයන් ලෙසටයි.

:       506       436

Sapumal.Sunday, 08 April 2018 09:19 AM

මෙයට අන්ලයික් රැසක් දමා ඇති අය සාධාරණ අය නම් වෙන්නට බැහැ. එසේත් නැතිනම්, කාගේ හරි මුදලකට එසේ කරනවා විය හැකියි. කෙසේ වෙතත් මේ අය ගැන පරීක්ෂා කළහොත්, රහස් පොලීසියට සමහරවිට වැදගත් තොරතුරු සොයා ගැනීමට හැකිවේවි !!!

:       0       0

Chanak Los angeles Friday, 06 April 2018 05:15 PM

රට මුදාගත්තා කියා පම්පෝරි ගහන පුද්ගලයෝ කර තිබෙන්නේ එසේ මෙසේ වැඩනම් නොවේ. මේවා එලියට එන නිසා තමයි අත්අඩංගුවට ගැනීම් වලක්වන්න උසාවි නියෝග අරගන්න හදන්නේ

:       187       138

Upul Saturday, 07 April 2018 04:48 AM

නිලයේ ගෞරවය රකිනවා වෙනුවට දේශපාලකයින් සතුටු කිරීමට යැමේ ප්‍රතිඵල...

:       12       5

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 320 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 846 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1272 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site