( රොමේෂ් මධුෂංඛ)

යාපනය මාණිප්පායි ප්‍රදේශයේදී අද (28) අලුයම නිවසකට කඩා වැදුණු පිරිසකගේ පහරදීමෙන් දෙදෙනෙකු තුවාල ලබා රෝහලගත කළ  බවට මාණිප්පායි පොලීසිය  පවසයි.

රොක් කල්ලියේ සිට අත්අඩංගුවට පත්ව ඇප මත නිදහස්ව සිටින  අයකුගේ  නිවසට අද අලුයම 5.30 ට පමණ යතුරු පැදි තුනකින් 09 දෙනෙකු පමණ පැමිණි ‘ආවා‘ කල්ලියේ යැයි සැක කෙරෙන පිරිසක් තියුණු ආයුධ වලින් පහරදීම සිදු කර ඇති අතර එහිදී රොක් කල්ලියේ  සාමාජිකයා සහ ඔහුගේ  සහ සහෝදරියක් බරපතල තුවාල ලබා රෝහල් ගත කර තිබේ.

කළක සිට ධනු රොක් කල්ලය හා ආවා කල්ලිය අතර ගැටුමක් පවතින හෙයින් මෙම පහරදීමද ආවා කල්ලිය විසින් සිදු කරන ලද පහරදීමක් බවට සැකකරන බවත් තුවාල ලැබූ පිරිස් මේ වන විට යාපනය ශික්ෂණ රෝහලේ ප්‍රතිකාර ලබන බවත් පොලීසිය පවසයි.

රොක් කල්ලි සාමාජිකයාගේ නිවසට පෙට්‍රල් බෝම්බ ප්‍රහාරයක්ද එල්ල කිරීමේ නිවසටද දැඩි හානි සිදු වී ඇතැයි පොලීසිය පවසයි.