නිමන්ති රණසිංහ 
 
අල්ලස් සිද්ධියකට රක්ෂිත භාරයේ පසුවූ ආයුර්වේද දෙපාර්තමේන්තුවේ නාවින්න කාර්යාලයේ නීති නිලධාරීවරයා සහ ආයුර්වේද වෛද්‍යවරයා එක් අයකුට රුපියල් 25,000ක මුදල් සහ රුපියල් ලක්ෂ 5 බැගින් වූ ශරීර ඇපයක් මත මුදා හැරීමට කොළඹ ප්‍රධාන මහේස්ත‍්‍රාත්වරයා නියෝග කළේය.
 
ආයුර්වේද නිෂ්පාදන කිහිපයකට බලපත‍්‍ර ලබා ගැනීම සඳහා නාවින්න ආයුර්වේද දෙපාර්තමේන්තුවේ සුත‍්‍ර කමිටුවට ඉදිරිපත් කර අනුමැතිය ලබාදීමට මෙම සැකකරුවන් දෙදෙනා   රුපියල් ලක්ෂ තුනක අල්ලසක් ඉල්ලා ඉන් 50,000ක මුදලක් ලබාගත් බවට අල්ලස් කොමිසම සැකකරුවන්ට එරෙහිව චෝදනා නගා තිබිණී.
 
ඒ අනුව මෙලෙස ඇප මත මුදා හැරුණේ මහරගම නාවින්න ආයුර්වේද කාර්යාලයේ සහකාර නීති නිලධාරී නිතීඥ ගුණවර්ධන මානගේ අමිත් සුසන්ත සහ ආයුර්වේද දෙපාර්තමේන්තුවේ සුත‍්‍ර කමිටුවේ සාමාජික ආයුර්වේද වෛද්‍ය හෙට්ටිආරච්චිගේ දොන් ඩැනිස්ටර් ලෙස්ලි පෙරේරා යන මහත්වරුන්ය.