IMG-LOGO

2024 ජුලි මස 20 වන සෙනසුරාදා


2014 වසරේ සිදුවිය හැකිදේ

මතුවිය හැකි දේ කලින් දැන ගැනීමේ උනන්දුව කාතුළත් ඇත. තමා පිළිබඳ පමණක් නොව රටේ තොටේ පවා සිදුවිය හැකි දේද පොදුවේ පුද්ගල විෂයෙහි වැදගත්කමක් පවතී. උදා වූයේ නව වසරකි. මේ වසර තුළ පොදුවේ රට තුළ විය හැකි සිදුවීම් කවරේද? මහනුවර ජලාශය පාරේ ආචාර්ය සුජිත් නිශාන්ත යෝගීතුමාගෙන් අප විමසා බැලීමු. එතුමා විසින් පසුගිය කාලය පුරා පැවසූ අනාවැකි බොහොමයක් සිතන්නට දේ ඉතිරි කළෙන් ජ්‍යොතිෂය හා සිය අධ්‍යාත්මික ශක්තිය පදනම් කරගෙන ප‍්‍රකාශ කළ 2014 වසරේ සිදුවිය හැකි දේ පිළිබඳ විමසුමකි.

2014 මැතිවරණ වර්ෂයක් බව පසුගිය කාලය පුරාම මාධ්‍ය මගින් ප‍්‍රචාරය විණ. විශේෂයෙන් පළාත් සභා ජනාධිපතිවරණ මැතිවරණ පිළිබඳ කවුරුත් බලාපොරොත්තු සහිතව ගෙවන වසරකි. ඉදිරි දිනවල දකුණු හා බස්නාහිර පළාත් සභා මැතිවරණ පැවැත්වීමට නියමිතය. විශේෂයෙන් මේ මැතිවරණ පිළිබඳ මත පල කරන යෝගීතුමන් දකුණේ පළාත් සභා ජයග‍්‍රහණය රජයට විශිෂ්ඨ ප‍්‍රතිඵල ගෙනෙන බව ප‍්‍රකාශ කරති.

එහෙත් බස්නාහිර පළාත් සභාව තුළ රජයේ ජයග‍්‍රහණය පෙන්නුම් කළත් එය හිතන්නට යමක් ඉතිරි කරන ප‍්‍රතිඵලයක් බවද පෙන්වා දෙති.
විශේෂයෙන් මෙම වර්ෂය තුළ ආණ්ඩුවේ සිටින මන්ත‍්‍රීවරුන්, ඇමතිවරුන් පිල් මාරුවීම් වලට යා හැකි වර්ෂයකි. රජය තුළම නොයෙක් ඝට්ටන, වාද විවාද, තර්ක විතර්ක එන්න එන්නම ප‍්‍රබල තත්ත්වයකට පත්වේ. මේ හරහා වන කළකිරීම හේතු කොටගෙන දේශපාලකයන් වෙනත් පක්ෂ වලට සේන්දු වීමේ ඉඩකඩ පවතී.

ඊළඟට අග‍්‍රාමාත්‍යධූරය පිළිබඳව දැනුදු රටේ කතා බහක් නිර්මාණය වී තිබේ. දි.මු. ජයරත්න මහතාගෙන් පසු අගමැතිකමට නම් රැුසක් යෝජනා වී තිබුණත් වත්මන් අගමැතිවරයා මේ වසර තුළද සිය පදවිය උසුලනු ඇත. ඔහුට නැගෙන චෝදනා, තවදුරටත් උත්සන්න වනු ඇත.ඉදිරියේ පැවැත්වීමට නියමිත ජිනීවා සමුළුවේදී ජාත්‍යන්තර වශයෙන් ලංකාවට තදබල බලපෑම් එල්ල කළත් සම්බාධක පැනවීමක් හෝ ප‍්‍රබල ආර්ථික පරිහානියක් විය හැකි තරමේ තත්ත්වයක් රටට ඇති නොවේ. ලංකාව හා ජාත්‍යන්තර ගණුදෙනු පිළිබඳ තීරණ රාශියක් ගැනීමට ඉඩ තිබේ. මේ සියලූ බලපෑම් මැයි ජූනි වන විට පහව යන ලකුණු තිබේ. ජූනි වන තුරු කාලය රටට ජාත්‍යන්තර වශයෙන් දැඩි ගැටලූකාරී තත්ත්වයක් පවතී. ඉන් පසුව සුබය.

රජයට සහාය දක්වන සෙසු පක්ෂ නිරන්තරයෙන් ආණ්ඩුව හා ගැටේ. විශේෂයෙන් සෙසු පක්ෂ කිහිපයක් රජයෙන් ඉවත්ව යාමේ අවධානමක්ද පවතී. රජය සංවර්ධන කටයුතු ශීඝ‍්‍රයෙන් සිදුකළද ජීවන වියදම් තවදුරටත් ඉහළ නැගේ.

රටේ අමාත්‍යංශ ගණනාවක් පිළිබඳ මතවාද ඇති වන වසරකි. විශේෂයෙන් විදුලිබල, කෘෂිකාර්මික, අධ්‍යාපන, ඛනිජ තෙල් හා සෞඛ්‍ය යන අමාත්‍යාංශ ඒ අතර ප‍්‍රධාන වේ.

අධ්‍යාපන ක්ෂේත‍්‍රය තුළ වෙනස්කම් රැසක් සිදුවන වසරකි. ඒ අධ්‍යාපන ක‍්‍රමවේද පිළිබඳ තවදුරටත් කල්පනා කර බැලීම ඉතාවටී. උසස් අධ්‍යාපන අමාත්‍යංශය දරුවන් සමග කල්පනාවෙන් වැඩ කළ යුතු බව පෙනේ. මේ වර්ෂය තුළ කෘෂිකර්ම ක්ෂේත‍්‍රයේ අස්වැන්න ලැබීම අතින් යහපත් වන්නේය.

එහෙත් වසරේ මැද භාගයේ හා අග භාගයේ අස්වැන්නට හානියක් වීමට පුළුවන. තරුණ පිරිස් එක්ව කණ්ඩායම් වශයෙන් ගොඩනගා ගත් සංවිධාන වල මැදිහත්වීම් විෂයෙහි රජය ක‍්‍රියාමාර්ග හෝ නීතිමය පියවර නොගත හොත් ඒවා ගැටීම් දක්වා උත්සන්න වනු ඇත. විශේෂයෙන් රජය නිහඬව සිටියොත් ආගමික ගැටුම් උත්සන්න වන වසරක් වනු ඇත.

 

 

නොසිතූ පරිදි හදිසි තත්ත්වයක් නිසා රටේ ප‍්‍රබල දේශපාලනඥයකුද විශිෂ්ඨ ගණයේ කලාකරුවකුද දැයට අහිමි විය හැකි වසරකි.

අවස්ථා දෙකකදී මුහුද ආශ‍්‍රිත ප‍්‍රදේශයෙන් පිට රට අභ්‍යන්තරයේ දරුණු සුළං, කුණාටු තත්ත්වයක් ඇතිවේ. එමගින් විශාල හානි තත්ත්වයක් වීමට ඉඩ තිබේ. රිය අනතුරු වලින්ද ඛේදජනක හා බියකරු අනතුරු බහුල වසරකි. ඒවා ජාතික තලයේ කතා බහට ලක්වන ඒවා වෙයි. එබැවින් පොදු ප‍්‍රවාහනයට යොමු වූ අය වඩා කල්පනාකාරී විය යුතුමය. ජල ගැලීම් වලින් රටේ දකුණු හා නැගෙනහිර පළාත් අවධානයෙන් සිටිය යුතු වසරකි. ගිනි විපත්ද වසර මුල පටන්ම පෙන්නුම් කරයි. රජයට එරෙහිව උද්ඝෝෂණ හා විරෝධතා වෙනත් වසරවලට වඩා වැඩි විය හැකිය. ඒවා ජීවිත හානි හා ලේ වැගිරීම් වලින් කෙළවර විය හැකි බැවින් රජය වැඩි ඉවසීමෙන් හා බුද්ධිමත්ව ක‍්‍රියා කළ යුතු කලත් එළැඹ තිබේ.

රජයේ ප‍්‍රධාන අමාත්‍ය ධූර දරන ඇමැතිවරුන් කිහිප දෙනෙකුට බරපතළ චෝදනා ගොනුවන වසරකි. ඊළඟ ජනාධිපතිවරණයෙන් ඒකාන්ත වශයෙන් විපක්ෂය පොදු අපේක්ෂකයකු ඉදිරිපත් කරයි. ඒ කවුරුන්ද යන්න එළැඹෙන අපේ‍්‍රල් මාසය තුළ ස්ථිර වශයෙන් ප‍්‍රකාශ කිරීමට පුළුවන.

උතුරු නැගෙනහිර සම්බන්ධයෙන් මේ වසර ජාතික වශයෙන් පුවත් නිර්මාණය වන වසරකි. ජාත්‍යන්තර මැදිහත් වීම් පෙන්නුම් කළත් උතුරු නැගෙනහිර මහජන නියෝජිතයන් අතර ප‍්‍රබල භේද බින්න වීම් ඇතිවේ. එම තත්ත්වය හමුවේ රජයට වාසි සහගතව වන මුත් ඉන් ප‍්‍රයෝජන ගැනීමට උනන්දු විය යුතුය. රාජ්‍ය ආයතනවල හා සිවිල් පරිපාලන ආයතන සමූහයක මෙතෙක් ඇණහිට තිබුණු උසස් වීම් නැවත සිදුවන වසරකි. නමුත් ඒවායේ පරිපාලනය සම්බන්ධව අවදානම් තත්ත්වයක්ද පවතී.

ඉතා දීර්ඝ කාලයකට පසුව රුවන්වැලි මහා සෑය, ජය ශ්‍රී මහා බෝධිය ඇතුළු අටමස්ථානය වෙතද, සෝමාවතිය, මහියංගනය යන පූජනීය ස්ථාන වලටද දෙවි දේවතාවුන් වහන්සේලා වැඩි වශයෙන් වන්දනාමාන සඳහා වැඩම කරන වසරකි. දිව්‍ය රාජ මණ්ඩලයක් මෙසේ වැඩම වීමක් වන්නේ දශක ගණනාවකට පසුය. රටේ ඇතිවෙමින් පවතින බෞද්ධාගමික ප‍්‍රබෝධය හමුවේ දේව සමූහයා පැමිණ ඉහත ස්ථාන වන්දනා කරනු ඇත. මේ දිව්‍ය රාජ මණ්ඩලය පැමිණීම හුදෙක් ඒ අයගේ ආශ්චර්ය පෙන්වීමට හෝ පූජා වට්ටි අපේක්ෂාවෙන් නොවන බව මතක තබා ගත යුතුය. මැයි ජූලි වලින් පසු රටට විශාල ආශිර්වාදයක් වෙමින් මේ වැඩම වීම අලූයම් කාලය තුළ සිදුවේ. එය හුදෙක් එක දේශපාලඥයකුට එක පුද්ගලයකුට, කණ්ඩායමකට, පළාතකට ආශිර්වාද පිණිස වැඩම වීමක් නොව පිවිතුරු බුදු දහම ලංකාවේ ඉතිරිව පැවතීම හා පසුගිය කාලය මුලූල්ලේ හා දැනුදු සිදුවන මහා පින්කම්හි ආශිර්වාදයද හේතුකොට වැඩම කිරීමකි. එබැවින් මැයි ජූලි වලින් පසු රටට ඉතා යහපත් කාල සීමාවක් උදාවේ. දැනට රටේ පවතින වකුගඩු රෝගාදී තත්ත්වයන් හා ජාත්‍යන්තර බලපෑම් මෙතැනින් පසු සෑහෙන දුරට නිමාවක් දකී. ඒ අනුව 2014 රටට නොපෙනෙන ආශිර්වාදයක් හිමිවන වසරකි.

නව වසරේ මුල් මාස තුන ඇතුළත ලංකාවේ නිවැරදි සිවුකොන තෝරා එම ස්ථාන වල එකම වේලාවක සර්ව රාත‍්‍රික පිරිත් සජ්ජායනාවක් අලූයම් කාලය වන තුරු පැවැත්වීම සුදුසුය. එම ස්ථානවල පිරිත් මණ්ඩප සඳහා පිළිගත් වන්දනාවට පාත‍්‍ර ධාතූන් වහන්සේලා වැඩම කළ යුතුය. රාජ්‍ය අනුග‍්‍රහය යටතේ පංච තූර්ය නාදයද සහිතව මේ පිරිත් දේශනාව අවසන යුද්ධයෙන් මියගිය, මග තොට අනතුරු බෝම්බ වලින් මිය ගිය ආදී මේ සියළු අයට සිංහල බෞද්ධ පමණක් නොව සියළු දෙනාට පින් අනුමෝදනාවක් සිදු කළ යුතුය. ලංකාවේ සිවුකොන එකම වේලාවක මෙම පිරිත් දේශනාවක් සිදු කිරීමෙන් රටෙහි එකම වේලාවක අධ්‍යාත්මික බැඳීමක් ඇති කරවීම අවශ්‍ය බව සුජිත් නිශාන්ත යෝගිතුමානන් පවසති.

 

 

 

 



අදහස් (0)

2014 වසරේ සිදුවිය හැකිදේ

අර්ජුන රනවන Tuesday, 21 January 2014 02:24 PM

කඩේ ගියාට ගාන කීයද. බුදු දහම දන්නා අපිට මේවා විහිළු. පෙර කළ පින් පවු අනුව මේ ආත්මයේ ලැබීම් නොලැබීම සිදුවේ. රටට වුනත් පාලකයෝ යහපත් නම් හොද වෙයි අද වෙන දේ හැටි බැලුවම අපට ඉතිරි වෙන්නේ මොනවද කියල හිතාගන්න පුළුවන්. (නදී)

:       0       0

සියනි Sunday, 12 January 2014 10:21 PM

2014 වර්ෂය තුල සිදුවන්නාවූ මේ කියන විපත් රටේ ග්‍රහ චාර්ය අනුව සිදුවන දේ නම් එයට අවසානයේ පෙන්වා ඇති ජාති බේදයකින් තොරව ආගම් වාදයකින් තොරව රටේ යහපත සදහා ඇපක් කැපවී මියගිය මිනිසුන් උදෙසාත් අනතුරු වලින් මියගිය අයටත් පින් පැමිණවීම හා රටේ ඉදිරි ගමනට ආශීර්වාද කිරීමට පිරිත් සංඝායනාවක් පැවැත්වීම ඉතාමත් සුබ කරුණක් බව මමද පිලිගනිමි.(නදී)

:       0       0

සුපුන් වික්‍රමසිංහ Thursday, 16 January 2014 11:01 AM

ඔබගේ සටහන පිළිබඳව මා ඉතාමත් සෑහීමකට පත් වෙමි (දිල්) .

:       0       0

මධූ Monday, 20 January 2014 02:31 PM

ඕව සාමාන්‍යයෙන් හැම වසරකම වෙන දේවල්නේ රැවටීමක් පමණි (දිල්)

:       0       0

සරත් Tuesday, 21 January 2014 05:58 AM

පාලිත ඔබ ටෙලිපෝන් තරංග, විදුලි තරංග, ටී වී තරංග ආදිය ඇසට නොපෙනුනාට විස්වාස කරන්නේ නැද්ද? ඔබ යමක් නොදන්නා පලියට එය විශ්වාස කරන්න එපා කියන්නේ ඔබේ කුහක කම නිසා. නොදන්නා නොතේරෙන දේවල් ඉගෙන ගන්න බලන්න. ඊට පස්සේ ඒවා හරිද වැරදිද කියා ඔප්පුකර පෙන්වන්න. ඔබේ මෝඩ කම ප්‍රදර්ශනය නොකර. (නදී)

:       0       0

මනෝජ් Sunday, 19 January 2014 04:24 PM

අනුමානයෙන් කියන කොට එකක් දෙකක් හරියනවා. අපේ හිසට අප අතමය සෙවනැල්ල මේයයි මගේ තේමා පාටය. මේ අය කියන ඒවා විශ්වාස කරන්න එපා පුළුවන්නන් මරණයට අබියෝග කරන්න කියන්න මේ සැම දේම සිදුවන්නේ යම් බලවේගයක් හරහා එයයි දෛවය අප මොනවා කලත් වැඩක් නැහැ. දෛවයට අනුව සියලු දේ සිදුවේ අනාවැකි කියන අයව විශ්වාස කරන්න ගිහින් තියෙන දෙයත් නැති කරගන්න එපා.(නදී)

:       0       0

ජයසිරි ජනුවන Monday, 13 January 2014 08:53 PM

අනේ සාදු රටට යහපතක් වෙනවා නම්. ඔව් මේ අදහස් වලින් අප දැනුවත් කලාට පින් ඔබ තුමාට.(නදී)

:       0       0

වසන්ත කුමාර Thursday, 16 January 2014 02:17 PM

2014 මම දන්නවා මටනම් 100% සුභයි (දී)

:       0       0

සරත් Friday, 17 January 2014 01:33 PM

හොද ප්‍රචාරක ක්‍රමයක්(දිල්)

:       0       0

පාලිත Wednesday, 15 January 2014 09:54 AM

මේවා විස්වාස කරන්න එපා ඇහැට පෙනෙන දේ විතරක් විස්වාස කරන්න (දී)

:       0       0

හසිත Monday, 13 January 2014 11:17 AM

රටට යහපතක් වෙනවානම් සුබදායකයි. (ස)

:       0       0

සඳුනි Sunday, 12 January 2014 05:25 PM

ඔබතුමා මේවා අනුමාන වශයෙන් නොකියා දින වකවානු සහිතව කෙලින්ම කියන්නේ නැත්තේ මොකද? (නදී)

:       0       0

ඔබේ අදහස් එවන්න

විශේෂාංග

ලොව බලවත්ම රටේ ඝාතනය වූ ජනපතිවරු
2024 ජුලි මස 19 473 0

ඇමරිකා එක්සත් ජනපදයේ 45 වැනි ජනපති ඩොනල්ඩ් ට්‍රම්ප් ඝාතන ප්‍රයත්නය ලොවම කැලඹූ පූවතක් බවට පත් වූ බැවින් ඒ හා බැඳූණු කරුණූ කිහිපයක් සවිස්තරාත්මකව ඔබ හමූ


ලෝකයේ ලොකුම පඩි ගන්නා නායකයන් මෙන්න
2024 ජුලි මස 19 1052 0

ලොව වැඩිම වාර්ෂික වැටුපක් ලබා ගන්නා රාජ්‍ය නායකයා කවුරුන් ද? මේ පැනයට පිළිතුරු ‘විෂුවල් කැපිටලිස්ට්’ නමැති ජාත්‍යන්තර සමීක්ෂණ ආයතනය, ඔවුන්ගේ නිල වෙබ


ජාතිකත්වය හිස ඔසවන ලෝකය
2024 ජුලි මස 19 288 0

ඩොනල්ඩ් ට්‍රම්ප්ට වෙඩි තැබීම මේ වන විට එරට රහස් සේවයේ පූර්ණ අසමත්කම මත වූවක් බව තහවුරු වී තිබේ. ඒ අනුව රහස් සේවයේ ප්‍රධානී කිම්බලර් ශියැට්ල් වෙත ධුරයෙන


සාරධර්ම නායයාමෙන් සමස්ත සමාජය බේරගනිමු
2024 ජුලි මස 19 95 0

රටක සාරධර්ම නාය යෑම යනු එම රටේ ජනයාගේ සාමූහික දිවි පෙවතට අදාළ අධ්‍යාත්මයේ වැහැරීම වේ. ආධ්‍යාත්මය වැහැරී ගිය පසු රැකගැනීමට කිසිවක් ඉතිරි නොවන බව ඒකාන්ත


අධ්‍යාපන අර්බුදයේ වින්දිතයෝ
2024 ජුලි මස 18 476 3

ලංකාවේ අධ්‍යාපනය, එහි වර්තමාන තත්වය හා එය කෙසේ සකස්විය යුතු ද යන කාරණය මෙකල බොහෝ දෙනාගේ අවධානය යොමු වී ඇති එකකි. අධ්‍යාපනය යනු ඉතාමත් පුළුල් මාතෘකාවකි.


වරෙන්තු පිට සිටින මන්ත්‍රීට රටේ නීතිය අදාළ නැද්ද?
2024 ජුලි මස 18 205 1

මේ රට ‘සෑම විකෘතියකම ආකෘතියක්’ බව මෙම තීරුවේ කිහිප වරක්ම සඳහන් කර ඇත්තෙමු. අවාසනාවකට මෙන් මෙවරද මෙම තීරුව වෙන් කිරීමට සිදුව තිබෙන්නේ එබඳු විකෘති වෙනුව


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 146 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 1026 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1899 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site