IMG-LOGO

2024 ජුනි මස 25 වන අඟහරුවාදා


මහ බැංකු නිලධාරීන් මෙහෙම බෙදාගැනීම හරිද?

මෙරට පෞද්ගලික අංශයේත්, රාජ්‍ය සංස්ථා සහ ව්‍යවස්ථාපිත මණ්ඩලවලත් සේවකයන්ගේ අනාගත ආර්ථික සුරක්ෂිත බව රැක දෙන ප්‍රධානම විශ්‍රාමික පාරිතෝෂිකය වන සේවක අර්ථසාධක පොලිය ගෙවීමේදී සිදු වන විශාල අසාධාරණයක් අපගේ ලංකාදීප ප්‍රධාන පුවතකින් අනාවරණය කළෙමු.

රටේ සාමාන්‍ය ජනතාවට සියයට 9ක පොලියක් ලබා දීමේදී ශ්‍රී ලංකා මහ බැංකු සේවකයන්ගේ සේවක අර්ථසාධක අරමුදල තම සාමාජිකයන්ට සියයට 29ක පොලියක් ගෙවන බව එම පුවතේ සඳහන්ය. බැලූ බැල්මට පවා ඉතා විශාල අසාධාරණයක් පෙන්වන මේ ගෙවන පොලියේ විෂමතාව ශ්‍රේෂ්ඨාධිකරණයේ ගොනු කර තිබෙන පෙත්සමක් මගින් අනාවරණය වී තිබේ.

මේ වන විට වත්කම ට්‍රිලියන 3.1ක් ඉක්මවා තිබෙන සේවක අර්ථසාධක අරමුදල සැලකෙන්නේ මෙරට තනි විශාලම අරමුදල වශයෙනි. දකුණු ආසියාවේ සෙසු බොහොමයක් රටවල පවතින මේ ආකාරයේ තනි අරමුදල් අතර ද ශ්‍රී ලංකාවේ අර්ථසාධක අරමුදලට හිමි වන්නේ ප්‍රමුඛස්ථානයකි. එවන් ජාතික සහ ජාත්‍යන්තර වැදගත්කමකින් යුත් අරමුදලක ප්‍රතිලාභ ගෙවීමේදී සේවකයන්ට කුඩා හැන්දකිනුත්, එම අරමුදල පාලනය කරන ශ්‍රී ලංකා මහ බැංකුව ලොකු හැන්දකිනුත් බෙදා ගැනීම බලවත් අසාධාරණයකි. එසේ ගෙවන පොලියේ විෂමතාවක් තිබීමට කුමන හේතුවක් ඉදිරිපත් කළත්, එය යුක්ති සහගත නොවන බව අපගේ අදහසයි. සංඛ්‍යා ලේඛනවලින් දැක්වෙන පරිදි, වාර්ෂිකව රුපියල් බිලියන 70කට ආසන්න ලාබයක් තම අරමුදල් කළමනාකරණයෙන් උපයන අර්ථසාධක අරමුදල මගින් තම සාමාජිකයන්ට තවදුරටත් අඩු පොලියක් ගෙවීමට හේතුව පැහැදිලි නැත.

අරමුදලේ සාමාජිකයන්ට ගෙවනු ලබන පොලිය සියයට 9 දක්වා අඩු කෙරුණේ ඒ සම්බන්ධයෙන් රජය මගින් ගනු ලැබූ ප්‍රතිපත්තිමය තීන්දුවක් හේතුවෙනි. රටේ ආර්ථික අර්බුදයත් සමග සිදු වූ ආර්ථික කඩාවැටීමත් සමග එතෙක් ගෙවමින් තිබූ වාර්ෂික පොලිය සියයට 13 සිට සියයට 9 දක්වා අඩු කරනු ලැබීය. කඩා වැටුණු ආර්ථිකය ගොඩනැගීමට නම්, රටේ සියලු ජනතාවට පටි තද කරගනිමින් විශාල කැප කිරීමක් කළ යුතු වන බවට කෙරුණු ප්‍රකාශවලට සමගාමීව අර්ථසාධකයේ පොලිය ද අඩු කරනු ලැබීය. දැන් සිදු වී ඇත්තේ රටේ පොදු මහජනතාව බොක්කටම තම පටි තද කරගෙන සිටියදී, අර්ථසාධක අරමුදලේ පාලකයන් කඳ බඩ පුරා ප්‍රතිලාභ භුක්ති විඳීමය. මහ බැංකුවේ අරමුදල වෙනම කළමනාකරණය කෙරෙන බැවින්, මෙසේ එහි සාමාජිකයන්ට ඉහළ ප්‍රතිලාභ ලැබෙන බවට හේතු දැක්විය හැකි නමුත්, මෙතරම් බරපතළ විෂමතාවක් තිබිය නොහැකි බව කුඩා දරුවකුට වුව ද තේරුම් ගැනීමට අපහසු නැත. සියයට 9ත් සියයට 29ත් අතර වෙනස අර්ථසාධක අරමුදලේ සාමාජිකයෙක්ට හඳුනා ගැනීමට නොහැකි යැයි මහ බැංකුවේ නිලධාරීන් සිතනවා දැයි අපි නොදනිමු.

මහ බැංකුව ස්වාධීන ආයතනයක් බවට පත් වූ වහාම එහි කාර්යාල කාර්ය සේවකයෝ පටන් මහ බැංකු අධිපති දක්වාම ඉතා විශාල මට්ටමකින් වැටුප් වැඩිකර ගත්හ. ඒ පිළිබඳව රට පුරාම දැඩි කතාබහක් ඇති වුවත්, මේ දක්වා එහි වෙනසක් සිදු වී නැත. මෙරට ජනතාවට එහිදී ඇති වූ ප්‍රශ්නය වූයේ මහ බැංකු නිලධාරීන්ගේ වැටුප් වැඩි කිරීම නොව තමන්ට පටි තද කරගෙන රටේ මූල්‍ය තත්වය ඉහළ නංවා ගැනීමට සහාය දක්වන්නැයි කියූ මහ බැංකු නිලධාරීන්ම ජනතාවට සොච්චම් වැටුප් වැඩි කිරීමක් ලබා දෙමින් ඔවුන් මහා පරිමාණයෙන් වැටුප් වැඩි කරගැනීමය. ඒ අවස්ථාවේදී රටේ ජනතාව නිහඬ වුවත්, අර්ථසාධක අරමුදලේ මේ වන විට සිටින සාමාජිකයන් ලක්ෂ 27 ක සංඛ්‍යාවකට බලපාන පොලියේ වෙනස සම්බන්ධයෙන් ඔවුන් නිහඬව සිටිනු ඇතැයි නොසිතිය යුතුය. මේ අසාධාරණය සම්බන්ධයෙන් ඔවුන් දිගින් දිගටම හඬ නගනු ඇත.

මහ බැංකුව මෙසේ තමන්ගේ වැටුප් පමණක් නොව අර්ථසාධකයේ පොලිය පවා මහා පරිමාණයෙන් ඉහළ දමාගෙන සිටියදී රජය මෙතරම් නිහඬව සිටීම ජනතාව දැඩි සමාජ අසාධාරණයකට ඇද දමා තිබෙන බව පැවැසිය යුතුය.

(***)



අදහස් (3)

මහ බැංකු නිලධාරීන් මෙහෙම බෙදාගැනීම හරිද?

himal Wednesday, 22 May 2024 01:50 PM

ලංකාවේ යම් ආයතනයකට තමන්ගේම සේවක අර්ථ සාධක අරමුදලක් නීත්‍යානුකූලව පවත්වා ගැනීමට හැකි බවත් එහෙම පවත්වාගන්නවා නම් සාමාන්‍ය අර්ථ සාධක අරමුදලෙන් දෙනවාට වඩා වැඩි ප්‍රතිලාභ එම සේවකයින්ට දිය යුතු බවත් දන්නේ නැද්ද? ඕනෑ නම් වෙනත් පුද්ගලික බැංකු වල පවත්වා ගෙන යන අර්ථසාධක අරමුදල් ගැන හොයලා බලන්න.

:       17       12

AmarabanduWednesday, 22 May 2024 03:25 PM

මෙය සත්‍යයකි... ඊපීඑෆ් එක සහ මහ බැංකුවේ ප්‍රොවිඩන්ට් ෆන්ඩ් එක වෙන වෙනම පවතින අරමුදල් 2 කි.

:       9       7

බන්ඩාර Wednesday, 22 May 2024 09:10 PM

ලැජ්ජා නැතිකම මහමුදලිකමටත් වඩා ලොකුයි කියනවනෙ.

:       6       8

ඔබේ අදහස් එවන්න

විශේෂාංග

වැටුණු වලෙන් ගොඩ එන ආර්ථිකයක්
2024 ජුනි මස 25 37 0

ජනපතිවරණ සූදානම, රට බංකොලොත්භාවයෙන් මිදීම, අලු‍ත් බදු යනාදී දේශපාලන කාරණා සම්බන්ධයෙන් කළ සාකච්ඡාවකි මේ.


ප්‍රේමදාස දස වත
2024 ජුනි මස 24 271 0

හිටපු ජනාධිපති රණසිංහ ප්‍රේමදාස සියවැනි ජන්ම සංවත්සර සැමරුම (1924 -2024) ඊයේට (23) යෙදී තිබුණි. මේ ලිපිය ඒ නිමිත්තෙනි.


අර්බුද විසඳීමට සම්මුති අවශ්‍යතාව
2024 ජුනි මස 24 86 0

ස්ත්‍රී පුරුෂ සමාජභාවය පිළිබඳ පනත් කෙටුම්පත සම්බන්ධයෙන් ශ්‍රේෂ්ඨාධිකරණය දුන් නිගමනය පිළිබඳව ජනාධිපතිවරයා විසින් පාර්ලිමේන්තුවේදී සිදු කරන ලද ආන්


තෙල් සංස්ථා වංචාව වසර 8 ක්ම යටගැහීම
2024 ජුනි මස 24 135 0

වංචාවක් සිදුකිරීම බරපතළ වැරැද්දකි. එයින් රජයට සිදුවන පාඩුව මකා ගැනීමට එම පාඩුව ජනතාවගේ කර මතට බද්දක් වශයෙන් පැනවීම තවත් වංචාවකි. මේ දෙකම තෙල් සංස්ථාවේ


පාස්කු දා ප්‍රහාර පරීක්ෂණ
2024 ජුනි මස 22 180 0

2019 පාස්කු ඉරිදා සිදුවූ ත්‍රස්තවාදී බෝම්බ ප්‍රහාර මාලාව සම්බන්ධයෙන් ඉකුත් 12 වැනිදා ජනාධිපති රනිල් වික්‍රමසිංහ මහතා විසින් පත් කරන ලද පරීක්ෂණ කමිටුව එ


ප්‍රමිතියෙන් තොර ඖෂධ නිකුත් කිරීම ජාතික අපරාධයක්
2024 ජුනි මස 22 112 1

පොසොන් පුර පසළොස්වක පොහොය දිනයට පසුදින වුවද අපට ලිවීමට සිදුවී තිබෙන්නේ සිත් නිවී සැනසීම් බවට පත් කරන කරුණක් නොව සිත් කීරිගස්වන්නට හේතුවන භීතිය අවුළු


මේවාටත් කැමතිවනු ඇති

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 236 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1449 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3221 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

Our Group Site