IMG-LOGO

2024 මැයි මස 27 වන සඳුදා


ඩොලර් ලක්ෂ හාරසීයක් ඉපැයූ "සුජාත දියණි" ටෙලි නාට්‍යය

කොරියානු ජනතාවගෙන් හතරෙන් එකක් ”සුජාත දියණි” නරඹලා

 

‘සුජාත දියණී’ ටෙලි නාට්‍යයේ එන චංගුමී නමැති දිරිය තරුණියගේ චරිතය අද අප රටේ අතිශයින් ජනපි‍්‍රයය. බාධක මැඬලා, දිරියෙන් ඉදිරියට යන කාන්තාවක ලෙස පේ‍්‍රක්ෂකයන්ට ආදර්ශයක් ලබා දුන්, චංගුමීගේ සැබෑ නම ලී යං ය. ඇය දකුණු කොරියානු නිළියකි. නිරූපිකාවකි. ඇය රංගන ජීවිතයට පිවිසියේ 1991 වසරේදී ය. ඒ, වෙළෙඳ දැන්වීම්වල පෙනී සිටිමිනි. ලී යං, ටෙලි නාට්‍යවලට සහ චිත‍්‍රපටවලට සම්බන්ධ වූයේ ඉන් පසුවය.


1971 ජනවාරි 31 වැනිදා උපන් ඇය විවාහ වූයේ 2009 අගෝස්තු 4 වැනිදාය. ඇගේ අත ගත්තේ කොරියා/ඇමෙරිකා ව්‍යාපාරිකයෙකි. ඔහු ජියොං හෝ යං ය. විවාහය සිදු වූයේ ඇමෙරිකාවට අයත් හවායි දුපත්වලදීය. විවාහ උත්සවය චාම් එකක් විය. පුළුල් ප‍්‍රචාරයක් නොමැතිව මංගල උත්සවය පැවැත්විණි. කොරියානු නළු නිළියන් බොහෝ දෙනා කි‍්‍රස්තියානුවන් වන නමුත් බෞද්ධ දර්ශනයට නැඹුරුවූවෝ ද අතලොස්සක් සිටිති. ඒ අතර ලී යං ද සිටින්නීය.


විවාහයෙන් පසු පවුල් ජීවිතයට මුල් තැනක් දුන් ඈ තාවකාලිකව රංගන කටයුතුවලින් බැහැර වූවාය. ලී, මවු පදවිය ලැබුවේ 2011 වසරේ පෙබරවාරි 20 වැනිදාය. ඒ, දකුණු කොරියාවේ සෝල් නුවර ජෙයිල් රෝහලේ දීය. ඇය නිවුන්නු දෙදෙනකුගේ මවක වූවාය. ඇයට සිටින්නේ පුතකු සහ දියණියකි.    


-මා දැන් පවුලේ වැඩවලට මූලිකත්වය දෙන්න සූදානම්. ඒ නිසා වෘත්තිය කටයුතු පසුවට කල් තබනවා”  යැයි  ලී යං කීවේ ඇගේ සිඟිති පුතුත් දියණියත් ආදරයෙන් තුරුළු කර ගනිමිනි. 


නිවුන්නු දෙදෙනාගේ පළමු වසර සමරමින් පසුගිය වසරේ සෝල් නුවර නම්සාන් හෝටලයේ දී විශේෂ උපන්දින සාදයක් ද පැවැත්විණි. ඊට සහභාගී වූයේ ඥාතීන් සහ පවුලේ සමීපතම මිතුරන් පමණි. 

 

ඒසියානා සමාගමේ ගුවන් යානයක් චංගුමීගේ රුව සිතුවම් කරයි


ලී යං කොරියාවේ පමණක් නොව චීනය, හොංකොං, තායිවානය, ජපානය, පිලිපීනය, මලයාසියාව, ඉන්දුනීසියාව, සිංගප්පූරුව ඇතුළු ආසියා රටවලත් එමෙන්ම බටහිර රටවලත් පේ‍්‍රක්ෂකයන්ගේ ආකර්ශනය දිනා ගත්තේ ද ටෙලිනාට්‍යයේ එන චංගුමී චරිතය ජීවමාන කරවීම නිසාවෙනි. දකුණු කොරියාවේ වැඩිම පිරිසක් ආසාවෙන් නැරැඹූ ටෙලි නාට්‍ය චරිතය වන්නේ ද චංගුමී යැයි සමීක්ෂණවලින් හෙළි වී ඇත.


දකුණු කොරියාව තුළ චංගුමීගේ චරිතය ප‍්‍රචලිත කිරීම සඳහා, ‘ඒසියානා’ නමැති එරට ප‍්‍රමුඛපෙළේ ගුවන් සමාගමක් විසින් ගුවන් යානයක චංගුමීගේ රුව සිත්තම් කර ප‍්‍රදර්ශනය කළ බව ද වාර්තා වේ.


2005 වසරේදී ‘බ්ලූ ඩ‍්‍රැගන්’ සිනමා උළෙලේදී, හොඳම නිළියට හිමි සම්මානය ලී යං දිනා ගත්තාය. 2006 දී ‘සිම්පති ෆො ලේඩි වැන්ජන්ස්’ නමැති චිත‍්‍රපටය සඳහා බෙක්සෑන් කලා සම්මානය හිමි කර ගත් ඈ, දකුණු කොරියා රජයෙන් පවා පැසසුමට ලක් වූ නිළියක වූවාය. 


2006 වසරේදී එල්.ජී. ඉලෙක්ට්‍රොනික්ස් සමාගම හා ඇය වෙළෙඳ ප‍්‍රචාරණ ගිවිසුමකට අස්සන් කළ අතර ඒ අනුව චීනය, හොංකොං, ජපානය, තායිවානය, මැලේසියාව ඇතුළු ආසියානු රටවල සංචාරය කිරීමට අවස්ථාව ලද්දාය. ඒ වන විට ඇය කොරියාවේ සිටින ඉහළ ආදායම් ලබන සිනමා තරු අතරට එක්ව සිටීන්නීය.


රංගනයට පමණක්ම සීමා නොවූ ලී යං ගෙන් සුබසාධන කටයුතු සඳහා ද ඉටු වූයේ ඉමහත් මෙහෙයකි. 1997 වසරේදී ඇය අපි‍්‍රකා රාජ්‍යයක් වන ඉතියෝපියාවේ සංචාරය කළාය. ඉන්පසු 1997 දී ඇය ඉන්දියාවේ ‘තාර්’ කාන්තාරය පිහිටි ප‍්‍රදේශයට පැමිණෙන්නේ ඉන්දීය කුලහීන ජනතාව මුහුණපාන දුෂ්කරතා පිළිබඳ වාර්තා වැඩසටහනක් නිෂ්පාදනය කිරීමටය.


මේ අයුරින් ලබාගත් අත්දැකීම් සියල්ල කැටි කර 2001 වසරේ දී ‘ද මෝස්ට් ස්පෙෂල් ලව්’ නමින් ඇය චරිතාපදානයක් රචනා කළාය. එම පොත අලෙවි කිරීමෙන් ලද සියලූ ආදායම් සුබසාධන කටයුතුවලට යෙදවීමට ඈ කටයුතු කළාය.


2004 වසරේදී යුනිසෙෆ් සංවිධානයේ තානාපතිවරියක ලෙස සුබසාධන කටයුතුවල නිරත වූ ලී යං, රෝහල්, පාසල් වැඩි දියුණු කිරීමට දායකත්වය ලබා දුන්නාය. චීනයේ පිහිටි චෝසුන් ප‍්‍රාථමික පාසල වෙනුවෙන් ඇය ඉටු කළ මෙහෙය වෙනුවෙන් පසුකාලීනව, එය ලී යං ප‍්‍රාථමික පාසල ලෙස ද නම් කෙරිණි.


බටහිර විලාසිතා හා ජීවන රටාවන් අනුගමනය කිරීමට පෙළඹී සිටින චීන කාන්තාවෝ බොහොමයක් ප්ලාස්ටික් සැත්කම් මඟින් සිය ස්වභාවික මුහුණෙහි වෙනස්කම් පවා සිදු කර ගැනීමට උත්සුක වෙති. 

ලී යං සුජාත දියණිය වී


මෙලෙස පැමිණෙන චීන තරුණියන් තමා වැඩි කැමැත්තක් දක්වන කොරියානු නිළි ලී යංගේ හැඩරුවට සමාන ලෙසින් තම මුහුණේ වෙනස්කම් කර ගැනීමට පෙළඹී සිටිති. ඒ තරමට ලී යං ආසියානු රටවල ප‍්‍රසිද්ධියට පත් ව සිටින්නීය.


2000 වසරේ මුල් මැද භාගයේදී, දකුණු කොරියානු ප්ලාස්ටික් සැත්කම් වෛද්‍ය ජෝ ක්වොන් හමුවට චීන කතුන් බොහෝ දෙනෙක් පැමිණෙන්න වූහ. විදෙස් රටවල සිය සැත්කම් පිළිබඳව ඔහු වෙළෙඳ දැන්වීම් පළ නොකළ ද, චීන කාන්තාවන් විශාල පිරිසක් මෙසේ සිය සැත්කම් මධ්‍යස්ථානයට පැමිණීම ගැන වෛද්‍ය ක්වොන් පුදුම විය. එම කාන්තාවන් සියල්ලන්ටම අවශ්‍ය වී තිබුණේ කොරියානු නිළි ලී යං ගේ මුහුණ මෙන් සිය මුහුණු සකස් කර ගැනීමටය.


කොරියාවේ පමණක් ප්ලාස්ටික් සැත්කම් සඳහා ඉල්ලූම වැඩිවී ඇති අතර එම අවශ්‍යතාවන් සපුරාලීමට සඳහා වෛද්‍යවරු 1,700ක් පමණ කටයුතු කරමින් සිටිති.

 

සම පැහැපත් කර ගන්නේ අර්තාපල්වලින්  සැදු මුහුණු ආලේපයකින්

 

චංගුමිගේ වගේ මුහුණක් හදාගන්න ප්ලාස්ටික් සැත්කම්වලට පෝලිමක්


රංගන කටයුතුවල යෙදෙද්දී, ලී යං දුහුවිලිවලින් සහ හිරු කිරණින් සිය රුව රැකගන්නේ කෙසේද යන්න ගැන ද චීන මෙන්ම කොරියානු කාන්තාවන් ද දක්වන්නේ දැඩි උනන්දුවකි. ලී යං, රුව රැක ගන්නේ කෙසේද යන්න පිළිබඳව මෙසේ කියා ඇත.


‘මා අලවලින් සෑදු මුහුණු ආවරණයක් දෙසතියකට වරක් භාවිත කරනවා. එම මුහුණු ආවරණය භාවිත කිරීමෙන් සමට තෙත්ගතිය සහ විටමින් ලැබෙනවා. විටමින් සහ ඛනිජ ලවණවලින් පිරිපුන් එළවළු වර්ගයක් වන අල, වියපත් වන සමට අවශ්‍ය පෝෂණය ලබා දෙන අතර ඉන් සම පැහැපත් වෙනවා’ යැයි ලී යං පැහැදිලි කරයි.

 

ලී යං සැමියා සහ දරු දෙදෙනා සමඟ


ලොව සිටින අනෙකුත් සිනමා තරු මෙන් රුව රැක ගැනීමට කෘති‍්‍රම රසායනික ද්‍රව්‍ය භාවිත නොකරන බවත් ස්වභාවික නිෂ්පාදන පමණක් භාවිත කරන බවත් ඇය කොරියානු මාධ්‍යවේදීන් පිරිසක් හමුවූ අවස්ථාවක කියා ඇත.


‘සුජාත දියණී’ ලෙස අප ආදරයෙන් වැළඳගත් ‘දේ ජං ගුම්’ මාලා නාට්‍යය සහ චංගුමී නමැති චරිතය ද සුවිශේෂී එකකි. මීට සියවස් ගණනාවකට ඉහතදී කොරියානු කාන්තාවට සමාජයේ පිරිමින් හා උරෙනුර ගැටී වැඩ කටයුතුවල නියැලිය නොහැකි යුගයන් නිමා කළ යුගයක් වීය. ඒ ‘ජෝසියොන්’ රාජවංශය කොරියාව පාලනය කළ යුගයයි.


කොරියානු කාන්තාවගේ භූමිකාව තීරණාත්මක සන්ධිස්ථානයකට පැමිණියේද මේ සමයේදීය. සාම්ප‍්‍රදායික සූපවේදය සහ දේශීය වෙදකම මැනවින් ප‍්‍රගුණ කිරීමට පෙළඹෙන රජ මාළිගාවේ මුළුතැන්ගෙයෙහි සේවය කළ චංගුමී නමැති තරුණිය කොරියානු ඉතිහාසයේ අමරණීය සලකුණක් තැබූ කාන්තාවකි. 

චංගුමී


සියලූ බාධක තමා අභියස ඇති ආශීර්වාදයක් කොට සලකා කටයුතු කළ ඇය කොරියානු රජ පෙළපතකට සේවය කළ පළමු රාජකීය වෛද්‍යවරිය ලෙස ඉතිහාස ගත වූවාය. 


මෙම ටෙලි නාට්‍ය මාලාව මේ වනවිට චීනය, හොංකොං, ජපානය, ඉන්දුනීසියාව, ඉන්දියාව, මලයාසියාව ඇතුළු ආසියානු රටවලත් කැනඩාව, හංගේරියාව වැනි බටහිර රටවලත් විකාශය වූයේ කොරියානු සංස්කෘතිය ඒ ඒ රටවලට රැගෙන යමිනි. ඉංගී‍්‍රසි බසින් මෙම මාලා නාට්‍යය විකාශය වූයේ ‘ජුවෙල් ඉන් ද පැලස්’ යනුවෙනි.


ඇමෙරිකානු ඩොලර් මිලියන 15ක ආයෝජනයෙන් නිපද වූ මෙම ටෙලිනාට්‍යය විකාශය වීම ආරම්භ වූ 2003 වසරේ සිට අද දක්වා ඇමෙරිකානු ඩොලර් මිලියන 40ක ආදායමක් උපයා ගැනීමට සමත් වී ඇත. ටෙලි නාට්‍යයේ සාර්ථකත්වයට බෙහෙවින් බලපෑ කරුණක් ලෙස චංගුමීගේ චරිතයට පණ පෙවූ ලී යංගේ චරිත නිරූපනය හැඳින්විය හැකි බව විචාරක මතයයි. 


එම්.ටී.වී නමැති කොරියානු රූපවාහිනී නාලිකාව ඔස්සේ 2003 දී පළමු වරට තිරගත වූ එම මාලා නාට්‍යය එරට ඉතිහාසයේ වැඩිම පිරිසක් නැරඹූ නාට්‍යය ලෙස වාර්තා පොත් අතරට එක්විය. එය නැරඹූ පිරිස දකුණු කොරියානු ජනගහනයෙන් සියයට හතළිස් පහක් විය. මෙහි ප‍්‍රතිඵලයක් ලෙස 2013 වසරේදී මෙම ටෙලිනාට්‍ය මාලාවේ දෙවැන්න නිෂ්පාදනය කිරීමට සැලසුම් සකස් කර ඇතැයි එම්.ටී.වී රූපවාහිනීය පවසයි. 

චංගුමී වූ ලී යං


ආසියානු රටවල මෙන්ම මැදපෙරදිග රටවලින් ද මෙම ටෙලි නාට්‍යයට ඉහළ ප‍්‍රතිචාර ලැබුණි. 2006 වසරේදී ඉරානයේ  චැනල් 2 ඔස්සේ විකාශය කෙරුණු මෙම ටෙලි නාට්‍ය මාලාව ඉරාන ජාතිකයන් අතර ජනපි‍්‍රය වූයේ එය ඔවුන්ට ඔෂීන් නමැති ටෙලි නාට්‍ය මාලාව සිහි ගැන්වුණු නිසා යැයි ද පැවැසේ. ඔෂීන් අප රටේ ද අතිශයින් ජනපි‍්‍රයය. ඉරාන රජයේ මාධ්‍ය, පේ‍්‍රක්ෂක ප‍්‍රතිචාර පිළිබඳව සිදු කළ සමීක්ෂණයකදී හෙළි වූයේ රට වැසියන්ගෙන් සියයට 57 ක් චංගුමීගේ කතාව නැරඹූ බවය. 


ජෝර්දාන හා ඊජිප්තු පේ‍්‍රක්ෂකයෝ ද චංගුමී ආදරයෙන් වැළඳ ගත්හ. තුර්කි, නයිජීරියා සහ ඊශ‍්‍රායලය යන රටවල ද විකාශය වූ මෙම නාට්‍යය අපි‍්‍රකාවේ දකුණු කෙළවරෙහි පිහිටි සිම්බාබ්වේ රාජ්‍යයෙහි ද රූපවාහිනී ඔස්සේ විකාශය විය. සිම්බාබ්වේ රාජ්‍යයේ විකාශන කටයුතු සිදු කෙරෙන අවස්ථාවේදී නාට්‍යයේ කොටස් පාදක කර ගනිමින් පේ‍්‍රක්ෂකයන් වෙත ප‍්‍රශ්න ඉදිරිපත් කෙරිණි. ඒ පිළිබඳ කළ සමීක්ෂණයකින් අනාවරණය වූයේ එරට ජනතාවගෙන් හතරෙන් එකක් මෙය නැරඹූ බවය.


ලොව පුරා ජනතාව ආදරයෙන් වැළඳගත් මෙම ටෙලි නාට්‍යය රූගත කළ ප‍්‍රදේශය පසුව සංචාරක කලාපයක් බවට පත් කෙරුණි. ‘චංගුමී’ තේමා උද්‍යානය නමින් නම් කළ එය වර්ග මීටර් 2,000 කින් සමන්විත භූමි භාගයකි. එය කොරියානු ටෙලි නාට්‍යයක් වෙනුවෙන් නිර්මාණය කළ පළමු තේමා උද්‍යානය ද වෙයි. ටෙලි නාට්‍යය සඳහා භාවිත කළ ඇඳුම් ආයිත්තම්, උපකරණ සහ නොයෙකුත් දෑ මෙහිදි දැකගත හැකිය. කොරියානු සංස්කෘතිය ජනතාව අතර ප‍්‍රචලිත කිරීමේ අරමුණින් මෙම උද්‍යානය සංචාරකයන් සඳහා විවෘත කර තිබේ. 


(අන්තර්ජාලය ඇසුරිනි)

       සටහන ලූසිත ජයමාන්න

 



අදහස් (0)

ඩොලර් ලක්ෂ හාරසීයක් ඉපැයූ "සුජාත දියණි" ටෙලි නාට්‍යය

වින්ධ්‍යා Thursday, 28 February 2013 02:11 PM

හඩ කැවීම් ඉතාමත් සාර්ථකයි. (නි)

:       0       0

චතුරංග Thursday, 28 February 2013 02:25 PM

මට නම් මේ කතා‍ටව් කිසිම ලස්සනක් නැහැ. (නි)

:       0       0

අනුර Monday, 11 February 2013 03:08 PM

ලස්සන කතාවක් (දී)

:       0       0

ඇලෙක්ස් Thursday, 14 February 2013 06:39 AM

මේ නාට්‍යයත් හලාල්ද? මම මේ දන්නේ නැති නිසයි අහන්නේ. (නි)

:       0       0

චමින්ද Wednesday, 20 February 2013 10:50 AM

හොද නිර්මාණයක්. (නි)

:       0       0

නදීෂානි Friday, 08 May 2015 04:21 AM

හරිම ලස්සනයි (බ)

:       0       0

කෝනාර Friday, 22 February 2013 11:23 PM

කොරියාවේ පැරණි ටෙලි නාට්‍ය ලෝකය පුරාම ප්‍රසිද්ධයි. (නි)

:       0       0

අනුර Friday, 01 March 2013 04:05 PM

නියම කතාව (දී)

:       0       0

ජෝර්ජ් Saturday, 16 February 2013 11:27 AM

මොන රටේ හැදුවත් නිර්මාණය ඉතා ඉහළයි. අපේ රටෙත් ඉතිහාසය පදනම් කරගෙන හොද නිර්මාණ බිහිවෙනවා නම් උසස් රසවින්දය ඇති මිනිසුන් අගය කරාවි. (නි)

:       0       0

නිලූ Tuesday, 12 February 2013 03:37 PM

කුඩා කළ සිට ආත්ම විශ්වාසයෙන් යුතුව ජිවිතයට මුහුන දෙන කාන්තාවකගේ චරිතයක්. (දී)

:       0       0

ලාමා Monday, 11 February 2013 11:33 AM

පිටරටින් ආවොත් අපේ අයට ඕනෑ කුණුගොඩක් හරි ඉහළයි. මේ දවස්වල යන සුජාත පුත්‍රත් ඉතාම ඉහළ ලාංකික නිෂ්පාදනයක්. නමුත් ඒ ගැන නැහැනේ කාගෙවත් කතාවක්. කොරියන් ගෑණු ඉතින් ලස්සනයිනේ. (නි)

:       0       0

මොහොමඩ් Thursday, 14 February 2013 09:50 AM

ඇලෙක්ස්, මෙවන් අදහස් දැරීමෙන් වළකින්න. මෙය නාට්‍යයක් පමණි. (නි)

:       0       0

සුජාතා Saturday, 16 February 2013 11:41 AM

ලස්සාන කතාවක් (දී)

:       0       0

හිරුණි Friday, 15 February 2013 08:59 PM

මම හරිම ආදරෙයි චංගුමීට. (නි)

:       0       0

හිමාංගි Monday, 11 February 2013 03:48 PM

හරිම ලස්සනයි චංගුමී ඔයාගේ පින්තූර.(නදී)

:       0       0

ප්‍රවීන් Monday, 18 February 2013 06:36 PM

අපි හැමෝම බලපු කතාවක් (දී)

:       0       0

පකීර් Sunday, 24 February 2013 10:18 AM

අනේ මන්දා අපේ රටේ මිනිස්සු මොන ජාතියේ අයද කියලා? (නි)

:       0       0

චාමර Tuesday, 19 February 2013 10:55 PM

හොද දේ හොදයි සදරුවන්. (නි)

:       0       0

සදරුවන් Sunday, 17 February 2013 09:30 AM

මම නම් ඔය සිංහල හඩ කවපු ඒවට කැමති නැහැ. මම ඕක බැලුවෙත් නැහැ.(නදී)

:       0       0

දනුෂ්ක Wednesday, 20 February 2013 03:31 PM

කොහොමද වැඩේ (දී)

:       0       0

ශාලිකා Friday, 15 February 2013 09:39 AM

පවුලේ හැමෝටම ඒකට ඇදගෙන බලන්න පුළුවන් එකක්... (ස)

:       0       0

පියුම් Monday, 11 February 2013 01:33 PM

මම ගොඩක් ආසයි චංගුමීට.(නදී)

:       0       0

විශ්ව Monday, 11 February 2013 01:45 PM

අති විශිෂ්ට කළා නිර්මාණයක් (දී)

:       0       0

සජීව Sunday, 17 February 2013 10:20 PM

ඇත්තටම මෙය සිංහලෙන් හොදට හඩකවලා තිබුනා. ඒ හැකියාවත් මේ ජනප්‍රියත්වයට බලපෑවා.(නදී)

:       0       0

ශාන්ත Wednesday, 13 February 2013 01:41 PM

කුඩා කළ සිට ආත්ම විශ්වාසයෙන් යුතුව ජිවිතයට මුහුන දෙන කාන්තාවකගේ චරිතයක්.(ස)

:       0       0

අමිල Wednesday, 13 February 2013 08:02 AM

ලංකාවෙ 90%ට වඩා බලලා.(නදී)

:       0       0

ගාමිණි Monday, 11 February 2013 07:37 PM

එක්කෙනෙක් දෙන්නෙක් ඇරෙන්න මුළු ලංකාවම බලුවා මම හිතන්නේ (දී)

:       0       0

ඔබේ අදහස් එවන්න

විශේෂාංග

නව පනත් අර්බුදයට විසඳුමක්ද?
2024 මැයි මස 27 97 0

​2022 වර්ෂයේ රට මුහුණ දුන් ආර්ථික අර්බුදයේ මූල හේතු ගණනාවකි. ඉන් ප්‍රධාන තැනක් හිමි වන්නේ, දශක ගණනාවක් තිස්සේ පවත්ව‍ාගෙන යනු ලබන ඉහළ අයවැය සහ ගෙවුම් ශේෂ හ


විගණන වාර්තා නියෝග වතුරේ යැවීමේ ප්‍රතිවිපාක
2024 මැයි මස 27 49 0

රාජ්‍ය ආයතනවල දූෂණ, වංචා සහ අක්‍රමිකතා වැළැක්වීමට රජයේ විගණකාධිපති දෙපාර්තමේන්තුව දුන් නිර්දේශ ලක්ෂයකට ආසන්න සංඛ්‍යාවක් සම්බන්ධයෙන් අවශ්‍ය ක්‍රිය


දිඹුලාගල සිංහයා - කිතලගම නාහිමි
2024 මැයි මස 25 712 3

රට, ජාතිය, සම්බුද්ධ ශාසනය වෙනුවෙන් සුවිශාල මෙහෙවරක් කර මෙරට වැඩිම දරු පරපුරක්, සම්බුද්ධ ශාසනයට ඇතුළත් කරගත් දිඹුලාගල හාමුදුරුවන් හෙවත් මාතර කිතලගම ශ්


ජනපතිවරණයට උතුරු - දකුණ ඡන්ද සාධක
2024 මැයි මස 25 510 0

ලක්ෂ ගණනක් ජනතාව 2012 දී වීදි බැස ආණ්ඩුවට එරෙහිව මාස හතරක් පුරා අරගල කරන්නට පොළඹවමින් උත්සන්න වූ ආර්ථික අර්බුදය හේතුවෙන් රටපුරා අති බහුතරයකගේ සාම්ප්‍රද


පාසල් අසල මාර්ගවල රථවාහන පාලනයක් ඕනෑ
2024 මැයි මස 25 145 1

අනතුරු සිදු වන්නේ කල් ඇතිව දැනුම් දී නොවේ. එහෙත් ඇතැම් අනතුරු වළක්වාගත හැකිය. එයට එළැඹගත් සිහියෙන් ක්‍රියා තළ යුතුය. එසේම ඇතැම් අනතුරුවලට හේතුව නොසැලක


චිත්‍රපට අරමුදලක් වහාම ඕනෑ
2024 මැයි මස 24 688 0

ඔහු මෙරට සිනමාව, ටෙලිනාට්‍යය යන අංශ ද්විත්වයේ නිතරම තම අධ්‍යයන කටයුතු සිදුකරන නිර්මාණශීලී අධ්‍යක්ෂවරයෙකි. ‘‘සුදු කළු සහ අළු’’ යන සිනමා පටය නිර්මාණය ක


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 965 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2525 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2162 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site