වර්ෂ 1996 දී ඩොලී නම් බැටළුවා ක්ලෝනකරණයට ලක්කළ තාක්ෂණයම යොදාගනිමින් ඉතිහාසයේ ප්රථම වතාවට වඳුරන් දෙදෙනකු සාර්ථකව ක්ලෝනකරණය කිරීමට චීන විද්යාඥයන් පිරිසක් සමත්ව ඇත.
එකිනෙකාට සෑම අතින්ම සර්වසම ලක්ෂණ පෙන්වන සොන් සොන් හා හුවා හුවා යන නම් වලින් හඳුන්වන මෙම සතුන් දෙදෙනා මීට සති කිහිපයකට පෙර චීනයේ විද්යාගාරයක උපත ලැබූ බව මාධ්ය වාර්තා කර ඇත.
මිනිසුන්ට වැළඳෙන රෝග සඳහා ප්රතිකාර කිරීමට ජානමය අතින් සර්වසම මෙවැනි වානර ගහනයන් යොදාගත හැකිබව විද්යාඥයෝ පවසති. ජානමය පදනමක් සහිත පිලිකා, පරිවෘත්තීය රෝග සහ ප්රතිශක්තිය ආශ්රිත රෝග සම්බන්දයෙන් මෙලෙස ක්ලොනකරණයට ලක්කළ වඳුරන් යොදාගෙන අධ්යයන කළහැකි බව ඔවුහු පෙන්වා දෙති.
එහෙත් විචාරකයින් පවසන්නේ මෙහි අවසාන ප්රතිඵලය විවාදයට තුඩුදී ඇති ‘මනුෂ්ය ක්ලෝනකරණය‘ වියහැකි බවයි.
කෙසේ වුවද චින විද්යාඥයින් පවසන්නේ ඉදිරි මාස කිහිපය තුළ මෙසේ ක්ලෝනකරණය කළ තවත් වඳුරන් බිහිකිරීමට සූදානම් කර ඇති බවයි.
(බීබීසී ඇසුරිණි - 085)
COMMENTS
පුනරුප්පත්ති කාරයො මේක පහදන්නේ කොහොමද? කිසිදු ජීවියෙක් නැවත ඉපදීමක් නොමැති බවත් ජිවියෙක් බිහිවිමට අවශ්ය තත්ව මත ජීව්යෙක් තැනෙන බවත් අවසානයේ ජිවියා මිය යන බවත් හැරෙන්නට වෙනත් භවයක් වැනි කතා ආගම් වල හරය නොව නිකම්ම කතන්දර බවත් ආගම යොදාගත යුත්තේ මෙලොව යහතින් ජීවත් වන්නට බවත් එලොව බියෙන් ආගම් ඇදහිම නොකල යතු බවත් මාගේ අදහසයි .
අයියෝ සෙනෙවි.. මේ මොකක්ද කියන්නේ?
ඉන්දික මහතානෙනි මා දැක්වූ අදහස්ට පිලිතුර ඔය නොවේ.
සෙනවි, ඔන්න ඔයාගෙම කකුලට ඔයාගෙම වලිගෙ පෑගිලා ..
භෞතික ශරීරය සර්වසම උනාට සිත (මනස) වෙනස් වේ. සිතුවිලි , කර්මානුරූප ඇතිවන බවය (ජීවන අත්දැකීම්) කවර ලෙසකින් වත් සමාන නොවෙනු ඇති .
සෙනෙවි නියමයි... අපි ඉන්න ටිකේ කාල බිලා, ජෝගි නටලා, කරන්න ඕනේ හැම පිස්සුවක්ම කරල ඉමු නේද.. ලබන ආත්මේ ගැන බය වෙන්න දෙයක් නෑනේ. ඔයාටනම් පුදුම දැනුමක් තියෙන්නේ.
හසිත මහතානෙනි එවැන්නක් අදහස් නොකරමි. පරලොව බියට නොව පව් නොකලයුත්තේ තම හෘද සාක්ෂීයට එරෙහිවිමට නොහැකි විය යුතු බැවිනි. අප දන්නා විද්යාව අනුව මිනිසා අවුරුදු දශලක්ෂ ගණනක් තිස්සේ පරිනාමය වී අද තත්වයට පත්ව ඇත. මිනිසා ශිෂ්ඨත්වයට පත්ව වසර 6000 ක් වත් ගතවී නොමැත. මෙම වසර 6000 පරිනාමයවු කාලය සමග සසඳන විට නිමේශයකි. එවන් නිමේශයකදි පමණක් නැවත ඉපදිමක් සිදුවූයේ කෙසේද? පැරණි මානවකයාද නැවත ඉපදීමක් වුනාද? එසේනම් අද ජනගහනය වැඩි ඇයි. පනුවන් මැස්සන් මැරී මිනිසුන් වුනාද? මෙම පැනයට ඕනැම අයෙක් පිළිතුරු දෙන්නේනම් මමද පුනරුත්පත්තිය විශ්වාස කරමි. හින්දු ආගමේ සහ පූජාවලිය වැනි පොත් වල ලියා ඇති දිව්යලෝක බ්රහ්ම ලෝක ගැන කතාකල යුතු නොවේ. මුතුන්මිත්තන් විශ්වාස කල පමණින්න අපද මතුපරම්පරාවද මිත්යා විශ්වාසවල ගැලි සිටිය යුතු නොවේ.
ක්ලොන කරනය ගැන වැඩිපුර නොදනිමි. එසේ වුවද පටක රොපනය තුලින් බීජයකින් තොරව මවුගසේ ගුන සහිත ශාක ලබාගන්නා බව දනිමි. එසේම එවැනි ශාක දහස්ගනන් බිහිකල හැක. මා සිතන්නේ මේ එවැනි ක්රමයකි. සාමාන්ය ලෙස බීජ වලින් බිහිවූයේ නම් ජාන සර්වසම වන්නේ කෙසේද?
සෙනෙවි, ඔබ ඉතා නිවැරදියි. අනෙක් අයට තේරුම් කරන්න යන්න එපා. නිශ්ඵල ක්රියාවක්. සෙනෙවිගේ ප්රකාශය තුළ ආගම් හෙලා දැකීමක් නැහැ. අවිද්යාව පමණයි ඔහු ප්රතික්ෂේප කරන්නේ. සියල්ල කර්මයට අනුව සිදුවේ නම් ඔබේ පළමු උපතට කර්මය බලපාන අයුරු පෙන්වා දෙන්න.