ආහාරයට ගන්නා ලුණු ගැහැනු ළමයි වැඩිවිය පත්වීම පමා කිරීමට හේතුවක් බව ඇමෙරිකා පර්යේෂකයන් සිදුකළ පර්යේෂණයකින් තහවුරු වී ඇත. දිනකට තුන් හතර වතාවක් ලුණු අධික ආහාර ගැනීමෙන් මල්වරවීම පමාවන බව ඔවුන් කරණ ලද අධ්‍යයනයෙන් තහවුරු කරගෙන ඇත.

සරුබව අඩුවීම සහ මානසික ආතතිය ඉහළ යන බව ද ඔවුහු තහවුරු කරගෙන ඇත. ඔවුන් පවසන්නේ බටහිර ආහාර වේලේ ඇති ලුනු ප්‍රමාණය ඉහළ යාම හේතුවෙන් අනාගත පරම්පරාවේ ප්‍රජනක සෞඛ්‍යයට බලපෑම් සිදුවන බවයි.

පසුගිය දා ඇමෙරිකාවේ දී අන්තරාසර්ග පද්ධතිය සම්බන්ධ පැවති සමුළුවක දී මේ තොරතුරු අනාවරණය කරන ලදී. මෙවැනි වාර්තාවක් එළි දැක්වූ ප්‍රථම අවස්ථාව මෙය බව ද වෛද්‍යවරු කියති.

වෛද්‍ය නිර්දේශය වන්නේ අනවශ්‍ය ලෙස ලුණු ආහාරයට එක්කැර ගැනීමෙන් අධි රුධිර පීඩනය සහ ආඝාතය ඇතිවන අතර ඉක්මණින් මරණය ළඟාවන බවයි.

ලෝක සෞඛ්‍ය සංවිධානයේ උපදෙස වන්නේ දිනකට එක් පුද්ගලයකුට සුදුසු ලුණු ප්‍රමාණය ග්‍රෑම් පහක් බවයි. එසේ වුව ද ලෝකයේ ජනතාව මේ ප්‍රමාණය ඉක්මවා ලුණු පරිභෝජනය කරණ බව ද එම සංවිධානය පෙන්වාදෙයි.

පර්යේෂණයේ ප්‍රධානී චුමින් විශ්වවිද්‍යාලයේ ඩොරී ප්‍රිටෙන්ස්කි පවසන්නේ ස්වභාවික ලෙස සෝඩියම් විවිධ ආහාරවල එනම් කිරි සහ බ්ත්තරවල තිබෙන බවයි. එමෙන් ම සකස් කරණ ලද ආහාර එනම් පාන් බේකන් වැනි මස් සහ සුළු ආහාරවල වඩා වැඩි ප්‍රමාණයක් සෝඩියම් ඇති බව ද ඇය කියා සිටියි.