(නිසංකා සන්දීපනී)

ස්මාර්ට් ජංගම දුරකථනය භාවිතයෙන් ඔබේ මෝටර් රථය නිරීක්ෂණය කිරීමට කුඩා උපාංගයක් දැන් හඳුන්වා දී තිබේ. කැල්ෆෝනියාව පදනම් කරගත් සමාගමක් විසින් නිර්මාණය කර ඇති මෙය ඔබගේ ස්මාර්ට් ජංගම දුරකථනය සමඟ සම්බන්ධ කරගත හැකි කුඩා උපාංගයක් වන අතර එය ට්‍රැක් ආර් ලෙස හැඳින්වේ.

වාහන නැවතුම් පළේ වාහනය නවත්වා යෑමේදී ඔබගේ වාහනයේ සුරක්ෂිතභාවය නිරීක්ෂණය කිරීම සඳහා මෙය භාවිත කළ හැකිය. උද්‍යානයට හෝ සාප්පු සවාරි යන ඔබට නිදහසේ එම කාර්යයන්වල නිරත වීමේ හැකියාව එමඟින් උදාවේ.

මෙම නව උපාංගය භාවිතයට ගැනීමෙන් ඔබට ඔබගේ මෝටර් රථය සොයා ගැනීමට මිල අධික GPS පද්ධතියක් ස්ථාපනය කිරීමට අවශ්‍ය නොවන අතර ඩොලර් 29 ක් වැනි මුදලකට සමාගමේ වෙබ් අඩවියෙන් මෙම නව උපාංගය සෘජුවම මිලදී ගත හැකිය.

ඔබගේ ස්මාර්ට් ජංගම දුරකථනයට මෙම ට්‍රැක් ආර් යෙදුම ස්ථාපිත කර ගැනීමට ගතවන්නේ විනාඩි 5ක් හෝ ඊට අඩු කාලයකි. ඉන්පසුව එය භාවිත කරමින් ඔබගේ මෝටර් රථය පමණක් නොව යතුරු , මුදල් පසුම්බිය මෙන්ම අලුත් තාක්ෂණික උපකරණ ඇතුළු ඉතා වටිනා නොපෙනෙන දේවල් පවාඔබට තත්පර කිහිපයකදී සොයා ගත හැකිය.

ඒ සඳහා ඔබ කළ යුතු වන්නේ ඔබේ ස්මාර්ට් ජංගම දුරකථනයෙන් ට්‍රැක් ආර් යෙදුම විවෘතකර තිරය මත ඇති ”නැතිවූ අයිතමය” මත ක්ලික් කිරීම පමණි.

මෙම ට්‍රැක් ආර් උපාංගය අසීමිත හැකියාවන් රැසක් සහිත උපාංගයකි. මෙම උපාංගය ඔබට ඔබේ සුරතල් සතුන් සඳහා ද භාවිතා කළ හැකිය. එවිටඔබේ සුරතලා සොයා අසල්වාසී නිවෙස්වලට ඔබට යාමට සිදුවන ප‍්‍රශ්නය අවසන් වනු ඇත.

ට්‍රැක් ආර් උපාංගය ඕනෑම පෘෂ්ඨයක් මත පහසුයෙන් ඇලවිය හැකි මැලියම් සහිත වන නිසා එය ඔබේ ලැප්ටොප් පරිගණකය මත හෝ හෝ ඔබේ පාපැදි ආසනය යටි පැත්තේ පවා පහසුවෙන් ඇලවිය හැකිය.

මෙම නව ට්‍රැක් ආර් උපාංගය මඟින් ඔබේ මිල අධික ඉතා වටිනා දේවල් ප‍්‍රවේසම් කරගනිමින් සැහැල්ලුවෙන් කාලය ගත කිරීමට දැන් ඔබට අවස්ථාව සලසා දී තිබේ.