(ගයාන් සූරියආරච්චි)

ජර්මනියේ වොලොකොප්ටර් ගුවන් සමාගම විසින් නවතම ගුවන් යානයක් නිපදවීමට සැලසුම් සකස්කර තිබේ. 

මෙම ව්‍යාපෘතියට ජර්මනියේ ජංගම දුරකතන සමාගමක් වන ඩයම්ලර් සහ තවත් ආයෝජකයෝ රැසක් දායකවී ඇමෙරිකානු ඩොලර් මිලියන 29 ක් ආයෝජනය කිරීමට නියමිතය. 

විදුලි බලයෙන් ක‍්‍රියාකරන සහ ස්වයංක‍්‍රීයව සිරස් ආකාරයෙන් ගුවන් ගත කළ හැකි ගුවන් යානා නිපදවීමටත් ඔවුහු සැලසුම් කරති. 

ඔවුන් පවසනුයේ මාර්ග තදබදයට විසඳුමක් ලෙස ගුවන් මගී සේවයට මගී ප‍්‍රවාහන යානා නිපදවීමටත් බලාපොරොත්තු වන බවය. 

මොවුන් නිපදවීමට බලාපොරොත්තු වන වොලොකොප්ටර් 2X යානය සම්පූර්ණ විදුලි බලයෙන් ක‍්‍රියාකාරන අතර භ‍්‍රමක 18 කින් යුක්තය. එහි උපරිම ගුවන් වේගය පැයට කිලෝමීටර 100 කි. එහි ගුවන් නියමුවා සහිතව මගීන් දෙදෙනෙක් රැගෙන යාහැක. 

ලිතියම් අයන බැටරි 9 කින් යුක්ත බැටරි කට්ටලයකින් විනාඩි 27 ක සාමාන්‍ය කාලයක් ගමන් කළ හැකි බව සඳහන් වේ.