සාමාන්යයෙන් රජයේ දේපල පමණක් නොව භාණ්ඩාගාරයේ මුදල් පවා තම තමන්ගේ අවශ්යතා සඳහා යොදා ගැනීමේ චෝදනා එල්ල වෙන්නේ දේශපාලනඥයන්ට එරෙහිවය. ඇතැම් විට එවැනි චෝදනා රජයේ නිලධාරීන්ට ද එල්ල වෙන අවස්ථා තිබේ. ගලා යන ජලයෙන් දිය දෝතක් ගත්තට වරදක් නැතැයි සිතන නිලධාරීහු එවැනි දූෂිත, වංචනික ක්රියාවලට සම්බන්ධ වෙති. හතර වටෙන්ම තමන්ගේ හැන්දෙන් තමන්ගේම පිඟානට ඇති තරම් බෙදා ගන්නා සිදුවීම් දකින විට ඒ ගැන ඔවුන්ට ද සිතක් පහළවීම ගැන එක අතකින් පුදුමයට පත්විය යුතු නැත.
මාතර කඹුරුපිටිය ප්රාදේශීය ලේකම් කොට්ඨාසයේ ද සිදුවී ඇතැයි කියන්නේ එවැනි ක්රියාවක් බව බැලු බැල්මට පෙනී යයි. කඹුරුපිටියේ ඉතා ඉහළ උපයෝගිතාවකින් යුත් රජයේ ඉඩමක් ඉඩම් ප්රතිසංස්කරණ කොමිෂන් සභාවේම නිලධාරීන් 33ක් අතරේ බෙදා ගැනීම එම සිද්ධියයි. අපගේ ලංකාදීප පුවත්පතේ සඳහන් පරිදි මාතර ඉඩම් ප්රතිසංස්කරණ කොමිෂන් සභාවේ නිලධාරීන් තිස්තුන් දෙනකුගේ නමට මෙම ඉඩමෙන් අක්කර 05ක් පවරා ගෙන තිබේ. ඒ සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාවට ලැබී ඇති පැමිණිල්ලට අනුව එක් නිලධාරියකුට පර්චස් 20ක් බැගින් ලබාදී ඇති බවද සඳහන්ය. ඉතා ඉහළ වටිනාකමක් ඇති ඉඩමකින් පර්චසය රුපියල් දහසකට තක්සේරු කර ඒවා පවරා ගැනීමට ක්රියා කිරීමෙන් එම නිලධාරීන් සිදුකර ඇත්තේ බරපතළ වංචනික ක්රියාවකි. එවැනි ක්රියාවලට ඉඩක් තිබිය යුතු නැත.
රජයේ සමහර ඉඩම් රටේ පුරවැසියන්ගේ අවශ්යතා අනුව ඔවුන්ට බෙදා දීමට කටයුතු කරන අවස්ථා තිබේ. ඒ අවස්ථාවල දී පවතින රජය මගින් ගනු ලබන දේශපාලනික තීන්දු මෙන්ම වෙනත් පෙදෙස් මත ද එවැනි අකාරයට රජයේ ඉඩම් බෙදා දීම සිදු කිරීම වැරැද්දක් වශයෙන් දැකිය නොහැක. ඉඩම් අඟලක හිමිකමක් නොමැති පුරවැසියකුට පර්චස් දහයකට නොව පහළොවක ඉඩම් කැබැල්ලක් ලබාදීමට කිසිවකුත් එරෙහි වන්නේත් නැත. එහෙත් මේ අවස්ථාවේදී ඉඩම් බෙදාදීම සිදුවී ඇත්තේ නැති බැරි පිරිසකට නොවේ. රජයේ රැකියාවල නියුතු එසේම ඉඩම් පිළිබඳ කටයුතු කිරීමට බලය පවරා ඇති ඉඩම් ප්රතිසංස්කරණ කොමිෂන් සභාවේම රාජකාරි කරන නිලධාරීන් තමන්ගේම නමට ඉඩම් කුණු කොල්ලයට ලබා ගැනීමය. දිස්ත්රික් හා ප්රාදේශීය සම්බන්ධීකරණ කමිටුවල දී මෙම ඉඩම වෙනත් කාර්යයක් සඳහා යොදා ගන්නා ලෙස ඉඩම් ප්රතිසංස්කරණ කොමිෂන් සභාවේ සභාපතිවරයාට හා මාතර දිස්ත්රික් අධ්යක්ෂවරයාට දැනුම් දී තිබියදීත් එම ඉඩමෙන් අක්කර 05ක් හොර රහසේම මෙසේ බෙදාගැනීම බලවත් වරදකි. එවැනි වැරදි කිරීම රාජ්ය සේවයේ කීර්තිනාමය පළුදු කිරීමකි.
රජයේ වටිනා ඉඩම් කුණු කොල්ලයට තමන්ගේ නමට ලියාගන්නා නිලධාරීන් පමණක් නොව දේශපාලකයෝ ද වෙති. රටේ ජනතාවට නම් මහ දවාලේ සිදුවන මෙවැනි ඉඩම් ‘‘කොල්කෑම්’’ පිළිබඳ හොඳට අසා පුරුදුය. එසේ තිබියදී සමහරුන් ඊට විරෝධය නොදක්වන්නේ තමන්ට ද කවදා හෝ රජයේ ඉඩමකින් කෑල්ලක් කුණු කොල්ලයට ලබා ගැනීමට හැකිවේය යන බලාපොරොත්තුව ඔවුන්ගේ ද සිතේ කොනක රැඳී තිබෙන නිසා විය හැකිය. එහෙත් බහුතර දෙනා මෙසේ රජය සතු ඉඩම් කොල්ල කෑමේ ක්රියාවලියට සහමුලින්ම විරුද්ධය. එහෙත් තමන්ට වඩා ධනවත් බලවත් පිරිසකට එරෙහිවීමට ශක්තියක් නොමැති නිසා මේ වැඩිදෙනා නිහඬව සිටිති. එහෙත් කඹුරුපිටිය සිදුවීමේදී මේ අසාධාරණ, අයුක්ති සහගත වංචනික ක්රියාව පිළිබඳ තොරතුරු සොයාගෙන ඒ බව අල්ලස් හෝ දූෂණ චෝදනා විමර්ශන කොමිෂන් සභාවට පැමිණිලි කිරීමට කව්රුන් හෝ පියවර ගෙන තිබේ. සිද්ධිය රට හමුවේ දිග හැරුණේ ඒ හේතුවෙනි.
අදාළ පරීක්ෂණ මේ වනවිට අල්ලස් කොමිසම මගින් ආරම්භ කර තිබේ. එම පරීක්ෂණ හැකි ඉක්මනින් අවසන් කර මේ නිලධාරීන් සිදුකර ඇති වැරැද්දට ඔවුන්ට නීතියෙන් දඬුවම් ලබාදිය යුතුය. මෙවැනි වැරැදි ඉදිරියේ දී හෝ අධෛර්යවත් කළ හැක්කේ එවැනි ක්රියාමාර්ගයකින් පමණි.
(***)
උත්සවශ්රීයෙන් හොඳ ආරම්භයක් ගෙන සද්ද නැතිවම අතහැර දමන ව්යාපෘති ආරම්භ කෙරෙන්නේම බොරු පුරාජේරු මට්ටමෙනි. ඒවා ක්රියාවට නංවන්නේත් ලාබ ප්රචාරක වැඩට ක
පාස්කු ඉරුදින ප්රහාරය පිළිබඳ තවත් පාර්ලිමේන්තු විවාදයක් පසුගිය දින තුනක් තිස්සේ පැවැත්විණි. සමගි ජනබලවේගය මගින් ඉදිරිපත් කරනු ලැබූ යෝජනාවක් අනුව ප
“වළක වැටීම මොළයට ලාභයක්” යැයි කියවුණ ද අපේ බොහෝ දේශපාලනඥයන්ට එය වලංගු නොවන සෙයකි. හැට නව ලක්ෂයක ජනතාවකගේ වරමින් අනුහස් සහිත විධායක ජනාධිපති පුටුවේ වා
අප රටේ ඇතැම් සිදුවීම් දෙස බලන විට මේ රට තව වසර කීයක් පවතී දැයි සැක සිතෙන තරම්ය. ඇතැම් ව්යාපෘති ක්රියාත්මක වන්නේ එම ව්යාපෘතියෙහි ඇත්ත අරමුණ හා මුඛ්ය
අපේ රටේ ආදායම සහ වියදම ගළපාගැනීම හැමදාමත් බරපතළ ගැටලුවකි. රට ආර්ථික වශයෙන් දරුණු අර්බුදයකට මුහුණදීමේ ප්රධානම හේතුවක් වූයේද එකී අය-වැය පරතරය පියවා ගැ
දියතලාව නරියාකන්ද (ෆොක්ස්හීල්) මෝටර් රථ හා යතුරු පැදි ධාවන තරගයක් අතරමැද දී සිදුවූ අනතුරකින් තරගය නරඹමින් සිටි පුද්ගලයන් හත් දෙනකු මරුමුවට පත්වී තවත්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හැන්ද අතේ තියාගෙන ඉඩම් බෙදාගත් නිලධාරීහු
Chandima Tuesday, 19 March 2024 01:32 PM
හරියට මන්ත්රීලා වුණා ම ඡන්දේ දීලා උන්ට ගෙවන වාහනවල තීරැ බදු කපා හැරියා වගේ වැඩක්ද?