මත්ද්රව්ය ජාලයට හා පාතාලයට එරෙහි ‘යුක්තියේ මෙහෙයුම’ රට තුළ ජයටම ක්රියාත්මකය. රට චිකාගෝවක් නොවීමට නම් පොලිසිය මෙසේ සක්රියව තැබිය යුතුය. මත්ද්රව්ය ජාවාරම්කරුවන්ගේ හා පාතාලයන්ගේ තර්ජන අභියෝග ඉදිරිපිට නොසැලී යහපත් රටක් නිර්මාණය කිරීම වෙනුවෙන් දිවා රෑ වෙනසකින් තොරව අප්රමාණ කැපවීමෙන් ක්රියාත්මක වන පොලිසියට අපගේ ප්රණාමය පුද කර සිටිමු.
එහෙත් මෙම වියමන මෙතැන් සිට වෙන්වන්නේ පොලිසියේ කීර්තිනාමයට අභිමානයට වසුරු හෙළන කාකි සූට්ධාරී පොලිස් මහත්වරුන්ට අදාළ සිදුවීම් කිහිපයක් සම්බන්ධයෙනි.
අප පුවත්පත වාර්තා කළ එක් ප්රවෘත්තියකින් කියැවුණේ තලෙයිමන්නාරම පොලිසිය තුළ බීමත්ව කලහකාරී ලෙස හැසුරුණු බව කියමින් සැකපිට අත්අඩංගුවට ගත් එම පොලිසියේම රාජකාරී කරන උප පොලිස් පරීක්ෂකවරයාට ඇප ලබාදී කැඳවාගෙන යාමට පැමිණෙන ලෙස පවුලේ අයට දැනුම් දුන්නද කිසිවකු නොපැමිණි නිසා පෞද්ගලික ඇපයක් මත ඔහු මුදාහැර ඇති බවය. මෙම උපපොලිස් පරීක්ෂකවරයාගේ වැඩ තහනම් කර ඇති බවද එම ප්රවෘත්තියේ වැඩිදුරටත් සඳහන්ය.
‘සිරකරුවෝද මනුෂ්යයෝය’ යන්න ශිෂ්ට සම්පන්න සමාජයන්හි ඉහළින්ම පිළිගන්නා සංකල්පයකි. ඒ අනුවම යමින් ‘පොලිස් නිලධාරීහු ද මනුෂ්යයෝය’ යන්න පිළිගැනීමට විශේෂ බාධාවක් නැත. පොලිස් දෙපාර්තමේන්තුවට එක්වන්නේද මහ සමාජයේ මිනිස්සුම වෙති. මහ සමාජයේ මිනිසුන් තුළ ඇති හොඳ නරක දෙකම පොලිස් දෙපාර්තමේන්තුවට එක්වන පුරවැසියන් තුළද වේ. එහෙත් පොලිස් නිලධාරියා සතු වගකීමට අදාළව ඔහුට සාමාන්ය පුරවැසියකු ලෙස හැසිරිය නොහැකිය. ඔහු නීතිගරුක විය යුතුය. විනයගරුක විය යුතුය. වචනයේ පරිසමාප්ත අර්ථයෙන්ම ආදර්ශවත් විය යුතුය. එයට හේතුව රටේ නීතිය බලගන්වන ප්රමුඛතම ආයතනය පොලිසිය වන හෙයිනි. එහෙයින්ම පොලිස් නිලධාරියාට රාජකාරී ජීවිතයක් හා රාජකාරියෙන් බැහැර ජීවිතයක් යනුවෙන් ජීවිත දෙකක් තිබිය නොහැක. එබඳු වගකීමක් දැරීමට නොහැකිනම් ඔහු පොලිස් දෙපාර්තමේන්තුව වැනි මහජනයාට අතිශයින්ම වැදගත් මෙන්ම සමීපතම ආයතනයකට කිසිසේත්ම ගැළපෙන්නේ නැත.
කරුණු කාරණා එපරිදි වුවද අප පුවත්පත වාර්තා කළ තවත් ප්රවෘත්තියකින් කියවුණේ ජනප්රිය රංගන ශිල්පිනියකට ත්රීරෝද රථයක දී ලිංගික අතවර කළැයි කියන ත්රීරෝද රථ රියදුරකු ලෙස කටයුතු කළ පොලිස් පරීක්ෂකවරයකු පිළියන්දල පොලිසිය මගින් අත්අඩංගුවට ගත් බවය. අදාළ පොලිස් නිලධාරියා අල්ලස් හෝ දූෂණ විමර්ශන ඒකකයට අනුයුක්තව සේවය කරන්නකු බව ද සඳහන් ය.
පොලිසියේ රස්සාවට අමතරව ඔහු ත්රිරෝද රථ රියදුරකු ලෙස සේවය කරන්නේ පවතින අයහපත් ආර්ථික වටපිටාව තුළ විය හැකිය. එහෙත් පොලිස් නිලධාරියකු ලෙස නොව සාමාන්ය පුරවැසියකු තුළ තිබිය යුතු විනය, සංයමය ඔහු ළඟ තිබී නැත. පොලිස් පරීක්ෂකවරයකු යනු පොලිස් දෙපාර්තමේන්තුව තුළ වගකිවයුතු නිලයකි. එබඳු නිලයක් දරන්නකුට මෙම පහත් හැසිරීම සමස්ත පොලිස් දෙපාර්තමේන්තුවටම නින්දා සහගත කැළලකි.
පූගොඩ ප්රදේශයේ මත්ද්රව්ය ජාවාරමේ නිරත වූ කාන්තාවකට මත්ද්රව්ය ජාවාරම සඳහා අනුබලදීමේ චෝදනාව මත පොලිස් විශේෂ කාර්ය බළකායේ පොලිස් පරීක්ෂකවරයකු කොස්ගම පොලිසිය මගින් අත්අඩංගුවට ගැනීමේ පුවත මෙයට දෙතුන් දිනකට ඉහතදී වාර්තා වූවකි. අධිකරණයට කරුණු වාර්තා කිරීමේදී සැකකාරියකට වාසිදායක ලෙස එය ඉටු කිරීම සඳහා එම සැකකාරියගෙන් ලිංගික අල්ලස් ඉල්ලා එය ලබා ගැනීමට හෝටලයකට ගොස් සිටියදී අල්ලස් දෙපාර්තමේන්තුවේ නිලධාරීන්ගේ දැලට කොටුවූ උපපොලිස් පරීක්ෂකවරයකු සම්බන්ධ පුවත නැගෙනහිර පළාතෙනි.
උපුටා ගනු ලැබුවේ සොච්චම් ප්රමාණයකි. වැඩ බලන පොලිස්පතිවරයා පොලිසියේ මෙවැනි වැඩ ගැනත් විශේෂ අවධානය යොමුකළ යුතු බව අවධාරණය කරමු.
(***)
ශ්රී ලංකාව සංචාරකයන්ට පාරදීසයකි. ඒ බව ලොව ප්රමුඛ පෙළේ සංචාරක නියෝජිතායතනවල පිළිගැනීමය. එසේ නම් එම පාරාදීසයට ඇතුළු වන ස්ථානය අපායේ දොරකඩක් බවට පත්වි
මැයි දිනය නිමාවට පත්විය. එහි ශේෂ පත්රය විමසා බැලීමට පොළඹවන සුළු සේයාරුවක් සහ ප්රවෘත්තියක් අප පුවත්පත ඊයේ පළ කළේය.
ආර්ථික වර්ධනය සම්බන්ධයෙන් කවර කතා කීව ද මෙරට ජනයාගෙන් සාතිශය බහුතරයක් ජීවත් වන්නේ ඉතා අසීරුවෙන් බව වසන් කළ නොහැකි සත්යයකි. එම පිරිසෙනුත් ඉතාම දුක්ඛි
මැණික්හින්න රෝහලේ කාර්ය මණ්ඩලය හා පිටස්තර පුද්ගලයන් අතර ඇවිළීගිය ‘‘යුද්ධයෙන්’’ පසුව තුවාල වූවන් රෝහල්ගත කළ බවත් තව පිරිසක් අත්අඩංගුවට ගත් බවත් මාධ්
ජාත්යන්තර මැයි දින සැමරුම අදට යෙදී තිබේ. වැඩ කරන පන්තියේ ජනයාගේ ශක්තිය එක මීටට එකතු කර සකල අගති කුදලා දමන අරගලයට පණ පොවන මැයි දිනය වෙනුවෙන් කැපවන කම්කර
බරවාහන රියදුරන් වශයෙන් රැකියා කිරීමේ මහත් බලාපොරොත්තු ඇතිව ලිතුවේනියා රටට ගිය ශ්රී ලාංකිකයන් 108 දෙනකුට සිදුවූ මහා අකරතැබ්බක් පසුගියදා අපගේ ලංකාදීප
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රටම අගයන පොලිසියේ දැලි ගාන නිලධාරීහු
fairoos Sunday, 14 January 2024 04:59 PM
ලංකාවේ පොලිසිය රනිල්ට විතරයි හොඳ...