මේ වසර ආරම්භයේදීම ප්රකාශ වූයේ, මෙය මැතිවරණ වසරක් වශයෙනි. රටේ ආණ්ඩුක්රම ව්යවස්ථාවට අනුව ජනාධිපතිවරණය පැවැත්වෙන බව මැතිවරණ කොමිසම මගින් ද ප්රකාශ කරනු ලැබීය. ජනාධිපතිවරණය පිළිබඳව කිසියම් මතභේදාත්මක තත්වයක් මතු වූ විට ජනාධිපති මාධ්ය අංශය මගින් නිකුත් කරන ලද නිවේදනයකින් ද ඡන්දය පැවැත්වෙන බව තහවුරු කෙරිණි.
එසේ වුව ද, මේ වන විට පළමුවෙන් පැවැත්විය යුත්තේ, ජනාධිපතිවරණය ද, නැතහොත්, මහ මැතිවරණය ද යන්න විවාදසම්පන්න මාතෘකාවක් බවට පත්වෙමින් තිබේ. ජනාධිපතිවරණය මුලින් පැවැත්විය යුතු බවට ආණ්ඩුවේත්, විපක්ෂයේත් ඇතැම් ජ්යෙෂ්ඨ දේශපාලනඥයන් ප්රකාශ කළත්, අපගේ සහෝදර ඉරිදා ලංකාදීප පුවත්පතට සම්මුඛ සාකච්ඡාවක් ලබා දෙමින් මෙරට ජ්යෙෂ්ඨ දේශපාලනඥයකු වන බැසිල් රාජපක්ෂ මහතා ප්රකාශ කර තිබුණේ, ජනාධිපතිවරණයට කලින් මහ ඡන්දය තැබීම සුදුසු බවය. එය තනි පුද්ගලයකුගේ අදහසක් වශයෙන් සලකා බැහැර කළ නොහැක්කේ, බැසිල් රාජපක්ෂ මෙරට දේශපාලනයේ තීරණාත්මක දේශපාලනඥයකු වන අතර, එම පක්ෂය පිහිටුවා පළාත් පාලන මැතිවරණය ද, ජනාධිපතිවරණය ද, මහ මැතිවරණය ද ජය ගැනීමේ නියමුවා බවටද පත්වීම නිසාය. මේ නිසා ඔහු මහ මැතිවරණය සම්බන්ධයෙන් පළ කරන මතය ඔහුගේ පක්ෂයේ නිල මතය තරමට ප්රබලය.
මේ අතර, ආණ්ඩුවේ ප්රධානීන්ගේ අවධානය යොමු වී ඇත්තේ, මහ මැතිවරණයට පෙර ජනාධිපතිවරණය පැවැත්වීමට බව ද සඳහන්වේ. එසේම, ජනතා විමුක්ති පෙරමුණේ ප්රධාන ලේකම් ටිල්වින් සිල්වා මහතා මේ පිළිබඳව කළ විමසීමකදී ප්රකාශ කර තිබුණේ, රටේ ව්යවස්ථාවට අනුව ජනාධිපතිවරණය කල් දැමීමට කිසිවකුට නොහැකි බවය. එම ඡන්දය පැවැත්විය යුතු බවට ද ඔහු දැඩිව අවධාරණය කර තිබිණි.
විවිධ තරාතිරමේ දේශපාලනඥයන් විසින් දක්වන මේ අදහස්වලින් පෙනෙන්නේ, මේ වසරේ පැවැත්විය යුතු ප්රධාන ජාතික මැතිවරණය සම්බන්ධයෙන් තවමත් ප්රධාන පක්ෂවල නායකයන්ට එකඟත්වයකට පැමිණීමට නොහැකි වී ඇති බවය. රටේ ජනතාවගේ පරාමාධිපත්යය ක්රියාත්මක කෙරෙන ඡන්ද බලය භාවිත කිරීම ගැටලුවක් වීම දක්වා දිග් ගැසීමට කිසිසේත් ඉඩ දිය යුතු නැත. එය රටේ ප්රජාතන්ත්රවාදය කෙරෙහි ඇති කරන්නේ ඉතා අහිතකර බලපෑමකි. රටක ප්රජාතන්ත්රවාදය අභියෝගයකට ලක් වීම, මෙරටේ ජනතාවගේ අයිතිය පැහැර ගැනීමකි. අවසානයේ එය අරාජිකත්වය දක්වා රට ඇදගෙන යාමට පාර කැපීමක් වනු ඇත.
ජනාධිපතිවරණයට පෙර මහ මැතිවරණය පැවැත්වීම සුදුසු බවට අදහසක් බැසිල් රාජපක්ෂ මහතා ගෙන එන්නේ, යම් තර්කයක් ඉදිරියට දමමිනි. ඔහුට අනුව, ජනාධිපතිවරණය මුලින් පැවැත්වීම නිසා එක ඡන්දයකින් හෝ එය විජයග්රහණය කරන තැනැත්තාගේ පක්ෂය ඊට පසුව පැවැත්වෙන මැතිවරණයේදී අනෙකුත් පක්ෂ සෝදා හරිමින් විශාල ජයග්රහණයක් ලබාගැනීමට අවස්ථාව ලබා ගන්නා බවත්, එවැනි රැලි නිර්මාණයවී පත්වෙන පාර්ලිමේන්තුව සැබෑ ජනමතය පිළිබිඹු නොකරන බවත්ය. මේ අදහස රටේත්, ජනතාවගේත් සුබසිද්ධිය වෙනුවෙන් ඉදිරිපත් කරන අදහසකට වඩා තමන්ගේ පක්ෂයේ දේශපාලන අනාගතය ගැන සලකා ඉදිරිපත් කරන අදහසක් බව බැලූ බැල්මටම පෙනේ. ඡන්දයෙන් පත්වෙන කුමන පාර්ලිමේන්තුවක් තුළින් වුව ද පිළිබිඹු වෙන්නේ සැබෑ ජනමතය මිස වෙන කුමක් ද? 2019 වසරේදී සිදු වූයේ එයම නොවේ ද?
ගෝඨාභය රාජපක්ෂ මහතා ජනාධිපති ධුරයට තෝරා පත් කරගනු ලැබීමෙන් පසුව පැවැත්වූ මහ මැතිවරණයේදී ශ්රී ලංකා පොදු පෙරමුණ තුනෙන් දෙකකට ආසන්න ආසන සංඛ්යාවකින් යුත් ඉතා ශක්තිමත් ආණ්ඩුවක් පිහිටුවීය. එය සැබෑ ජනමතය පිළිබිඹු කිරීමක් වශයෙන් බැසිල් රාජපක්ෂ මහතා නොසලකන්නේ ද යන්න කෙනකුගේ සිතට නැගීම වැළැක්විය නොහැක.
රටක ජාතික මැතිවරණ පැවැත්විය යුත්තේ, ඒ රටේ ආණ්ඩුක්රම ව්යවස්ථාවෙන් සලසා දී ඇති ප්රතිපාදන අනුව මිස, එක් එක් දේශපාලන නායකයන්ගේ රුචිකත්වයට සහ මනාපයන්ට අනුව නොවේ. එවැනි ආකාරයට කටයුතු කිරීමට ගොස් අමාරුවේ වැටුණු රටවල් ගැන වෙනත් උදාහරණ අවශ්ය නැත. ශ්රී ලංකාව පමණක් ප්රමාණවත්ය.
(***)
පාස්කු ඉරුදින ප්රහාරය පිළිබඳ තවත් පාර්ලිමේන්තු විවාදයක් පසුගිය දින තුනක් තිස්සේ පැවැත්විණි. සමගි ජනබලවේගය මගින් ඉදිරිපත් කරනු ලැබූ යෝජනාවක් අනුව ප
“වළක වැටීම මොළයට ලාභයක්” යැයි කියවුණ ද අපේ බොහෝ දේශපාලනඥයන්ට එය වලංගු නොවන සෙයකි. හැට නව ලක්ෂයක ජනතාවකගේ වරමින් අනුහස් සහිත විධායක ජනාධිපති පුටුවේ වා
අප රටේ ඇතැම් සිදුවීම් දෙස බලන විට මේ රට තව වසර කීයක් පවතී දැයි සැක සිතෙන තරම්ය. ඇතැම් ව්යාපෘති ක්රියාත්මක වන්නේ එම ව්යාපෘතියෙහි ඇත්ත අරමුණ හා මුඛ්ය
අපේ රටේ ආදායම සහ වියදම ගළපාගැනීම හැමදාමත් බරපතළ ගැටලුවකි. රට ආර්ථික වශයෙන් දරුණු අර්බුදයකට මුහුණදීමේ ප්රධානම හේතුවක් වූයේද එකී අය-වැය පරතරය පියවා ගැ
දියතලාව නරියාකන්ද (ෆොක්ස්හීල්) මෝටර් රථ හා යතුරු පැදි ධාවන තරගයක් අතරමැද දී සිදුවූ අනතුරකින් තරගය නරඹමින් සිටි පුද්ගලයන් හත් දෙනකු මරුමුවට පත්වී තවත්
ඉදිරි මාස 6ක කාලය ඇතුළතදී මේ රටේ ජාතික මැතිවරණයක් පැවැත්වීමට නියමිතය. ව්යවස්ථානුකූලව මීළඟ ජනාධිපතිවරණය ලබන සැප්තැම්බර් මැද සහ ඔක්තෝබර් මැද කාලය ඇතු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මැතිවරණ නියමිත වෙලාවට පැවැත්වීම පක්ෂවල වගකීමක්