සොබා දහමට අවනත නොවී ගිය ගමනක තාර්කික වන්දිය මුළු මහත් මානව සමාජයම අත්විඳිමින් සිටිති. කලට වැසි වසින ස්වාභාවික විපත් අවම රටක් ලෙස අබිසෙස් ලැබූ අප රටට ද ඉන් ගැලවුමක් නැත. වැස්ස එක දිගට මාස ගණනක් පවතී. ගංවතුර නිසා පවුල් ලක්ෂ ගණනක් ඉකුත් සමයේ පීඩාවට පත් වූහ. මේ දිනවල අධික නියඟය ළිං පතුල් මෙන්ම වැව් පතුල් ද ඉරි තලමින් තිබේ. ගංවතුර මෙන්ම නියඟය භවභෝගවලට කළ හානිය හා කරමින් සිටින හානිය ගණනය කළ නොහැකිය.
පරිසර හිතකාමී ජීවන රටාවක අගය සැමතින්ම අවධාරණය කෙරුණ ද සංහාරයෙන් මෙපිට පාඩම් ඉගෙන නොගන්නා සමාජයකට ඒවා බීරි අලින්ට ගැසූ වීණා වාදනයක්ම විය. පාසල්වල නිවාසාන්තර මලල ක්රීඩා තරග අත්හිටුවීමේ නිවේදන එකක් පසුපස එකක් වශයෙන් නිකුත් කිරීමට අධ්යාපන අමාත්යාංශයට සිදු වී තිබෙන්නේ මෙම පරිසරය තුළය.
තත්වය කෙතරම් සැහැසි වුව ද භයංකර වුව ද පරිසර සංරක්ෂණය සම්බන්ධ විෂයයේදී අප තවමත් සිටින්නේ බිංදුවේය. ඒ බව පසක් කරවන ප්රවෘත්තියක් අප පුවත්පත ඉකුත්දා වාර්තා කළේය.
අප පුවත්පත වාර්තා කළ පුවතින් කියැවුණේ, පොලිතින් මලු නොගන්නා පාරිභෝගිකයන්ට දීමනාවක් දීමට ප්රධාන සුපිරි වෙළෙඳසල්, පරිසරය ස්වාභාවික සම්පත් සහ තිරසර සංවර්ධනය පිළිබඳ ආර්ථික අධීක්ෂණ කමිටුවේදී එකඟ වී ඇති බවයි.
වැසිකිළි පාවිච්චි කරන්නන්ට මුදල් දෙන ඉන්දියාවට ආසන්න රටක් වන අප රටට සිදු වී තිබෙන්නේ ‘ෂොපින් බෑග්’ නොගන්නා අයට දීමනාවක් ලබා දීමටය. පරිසරය, ස්වාභාවික සම්පත් සහ තිරසර සංවර්ධනය පිළිබඳ ආංශික අධීක්ෂණ පාර්ලිමේන්තු කාරක සභාවේ සභාපති, ඉංජිනේරු අජිත් මාන්නප්පෙරුම මහතා අප පුවත්පතට ප්රකාශ කර තිබුණේ, ‘ෂොපින් බෑග්’ නොගන්නා පාරිභෝගිකයන්ට දෙන දීමනාවේ ප්රධානියා සම්බන්ධයෙන් අවසාන තීරණයට පැමිණීම සඳහා සුපිරි වෙළෙඳසල් හිමියන් ලබන 21 වැනිදා අදාළ කාරක සභාව හමුවට කැඳවන බවය.
සාමූහික විචාර බුද්ධියෙන් කටයුතු නොකරන්නේ නම් කෙවිට අතට ගත යුතුය. මේ සිදු වෙමින් පවතින්නේ එයය. ඉතා යහපත් ප්රවණතාවකි. පරිසර සංරක්ෂණය සම්බන්ධයෙන් ප්රමාණවත් අවධානය යොමු නොකිරීම යනු, අනාගත පරපුරේ ශාපයට ඉලක්කයක් වීමකි.
අජිත් මාන්නප්පෙරුම මන්ත්රීවරයා අප පුවත්පතට ප්රකාශ කර තිබුණේ, පොලිතින් සහ ප්ලාස්ටික් පාවිච්චිය අධෛර්යවත් කිරීමෙන් පරිසරය ආරක්ෂා කරගැනීම මෙම වැඩපිළිවෙළ ක්රියාත්මක කිරීමේ අරමුණ බවය. ෂොපින් බෑග් නොගන්නා පාරිභෝගිකයන්ට දෙන දීමනාව එහි මුදල් කවුළුවල ප්රදර්ශනය කරන ලෙස ප්රධානි සුපිරි වෙළෙඳසල් හිමියන්ට නිර්දේශ කර ඇති බව ද අප ප්රවෘත්තියේ වැඩිදුරටත් සඳහන්ය.
ඇඳුම් සාප්පුවලින් පාරිභෝගිකයන්ට දෙන පොලිතින් බෑග් වෙනුවට කඩදාසි බෑග් හඳුන්වා දීම සම්බන්ධයෙන් එම වෙළෙඳසල් හිමියන් පිරිසක් ද ලබන 21 වැනිදා ආංශික අධීක්ෂණ පාර්ලිමේන්තු කාරක සභාව හමුවට කැඳවන බව ද මන්ත්රීවරයා ප්රකාශ කර තිබිණි.
මෛත්රීපාල සිරිසේන මහතා ජනාධිපති ධුරය හෙබවූ සමයේ පොලිතින් තහනම සම්බන්ධයෙන් විශේෂ අවධානයකින් කටයුතු කළේය. එහෙත්, අවශ්ය පසුවිපරම සිදු නොවූ හෙයින්, එම වැඩපිළිවෙළ අපේක්ෂිත ඉලක්කය කරා නොගියේය. එහෙයින්, එම අතීතයෙන් පාඩම් ඉගෙන පරිසර සංරක්ෂණ වැඩපිළිවෙළ අප්රමාදීව මෙන්ම කාර්යක්ෂමව ක්රියාත්මක කළ යුතුය.
(***)
පාස්කු ඉරුදින ප්රහාරය පිළිබඳ තවත් පාර්ලිමේන්තු විවාදයක් පසුගිය දින තුනක් තිස්සේ පැවැත්විණි. සමගි ජනබලවේගය මගින් ඉදිරිපත් කරනු ලැබූ යෝජනාවක් අනුව ප
“වළක වැටීම මොළයට ලාභයක්” යැයි කියවුණ ද අපේ බොහෝ දේශපාලනඥයන්ට එය වලංගු නොවන සෙයකි. හැට නව ලක්ෂයක ජනතාවකගේ වරමින් අනුහස් සහිත විධායක ජනාධිපති පුටුවේ වා
අප රටේ ඇතැම් සිදුවීම් දෙස බලන විට මේ රට තව වසර කීයක් පවතී දැයි සැක සිතෙන තරම්ය. ඇතැම් ව්යාපෘති ක්රියාත්මක වන්නේ එම ව්යාපෘතියෙහි ඇත්ත අරමුණ හා මුඛ්ය
අපේ රටේ ආදායම සහ වියදම ගළපාගැනීම හැමදාමත් බරපතළ ගැටලුවකි. රට ආර්ථික වශයෙන් දරුණු අර්බුදයකට මුහුණදීමේ ප්රධානම හේතුවක් වූයේද එකී අය-වැය පරතරය පියවා ගැ
දියතලාව නරියාකන්ද (ෆොක්ස්හීල්) මෝටර් රථ හා යතුරු පැදි ධාවන තරගයක් අතරමැද දී සිදුවූ අනතුරකින් තරගය නරඹමින් සිටි පුද්ගලයන් හත් දෙනකු මරුමුවට පත්වී තවත්
ඉදිරි මාස 6ක කාලය ඇතුළතදී මේ රටේ ජාතික මැතිවරණයක් පැවැත්වීමට නියමිතය. ව්යවස්ථානුකූලව මීළඟ ජනාධිපතිවරණය ලබන සැප්තැම්බර් මැද සහ ඔක්තෝබර් මැද කාලය ඇතු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පරිසරය රැකීමට ජාතියම එක්වෙමු
sunil Friday, 22 March 2024 05:46 AM
මේ සඳහා ස්වයං විනය ඇති විය යුතුයි. බොහෝ අය හිතන්නේ ප්රතිචක්රීකරණය ගැනයි. එහෙත් ප්රති භාවිතය ඊට මෙහා පහසුවෙන් කළ හැකි දෙයක්. මස් හෝ මාළු හෝ නොදැමූ සෑම පොලිතින් බෑගයක්ම ඉරි නොමැති නම් නැවත යම් දෙයකට භාවිතා කළ හැකිය. ප්රතිචක්රීකරණය සඳහා තවත් ඉන්ධන හෝ රසායනික යෙදිය යුතුයි. එයද පාරිසරික ගැටලුවකි. එබැවින් ප්රති භාවිතය කෙරෙහි වඩාත් උනන්දු කළ යුතුයි. දැනට වෙළඳ පලේ භාවිතා වන බෑග් බොහෝමයක් ප්රතිචක්රීකරණයෙන් නිෂ්පාදනය කළ ඒවායි. ඒවා ඉතා ඉක්මනින් ඉරී යයි. එබැවින්, ඒවා කසල වලට දැමීමට සිදුවේ. අවාසනාව නම්, අප වෙනත් රටවලින් කසළ පොලිතින් ගෙනැවිත් ප්රතිචක්රීකරණය කොට වෙළඳපොලට නිදහස් කිරීමයි. මේ ක්රියාව තුළින්, තව තවත් පොලිතින් අපේ භූමියට විශාල වශයෙන් එකතු වේ. පරිසරය ආරක්ෂා කිරීමට නම්, අප සැවොම සම්පත් (මිනිස් ශ්රමයද ඇතුලත්ව ) නාස්තිය වළක්වා, එලියට දමන දේවල් අවම කිරීමට වගබලා ගතයුතුයි...