IMG-LOGO

2024 මාර්තු මස 04 වන සඳුදා


මල්වතු මහ නාහිමිගේ ප්‍රකාශය කාලෝචිත එකක්

මෙරට දේශපාලනය සහ දේශපාලනඥයන් සම්බන්ධයෙන් තිබ්බටුවාවේ ශ්‍රී සිද්ධාර්ථ සුමංගල මල්වතු පාර්ශ්වයේ මහ නායක හිමියෝ පසුගියදා ඉතා වටිනා ප්‍රකාශයක් සිදු කළහ. එම ප්‍රකාශය මෙරට පිළිගත් සියලු දේශපාලන පක්ෂ නායකයන්ගේ ඇස් අරවනු ඇතැයි අපි සිතමු. එම ප්‍රකාශයේ ඍජුවම සඳහන් වී තිබුණේ රටට ජනතාවට අවංකවම හිතැති දේශපාලනඥයන් මෙරටින් සොයා ගැනීම ඉතා අසීරු කටයුත්තක් වී ඇති බවය. බහුතරයක් දේශපාලනඥයන් බලයට පැමිණීමට පෙර පැවැසූ දේ බලයට පැමිණි පසු අමතක කරන බවය.

මහ නාහිමියන් බැහැදැකීමට පැමිණ සිටි සිවිල් සංවිධාන ක්‍රියාකාරීන් පිරිසක් හමුවේ උන්වහන්සේ එම ප්‍රකාශය සිදුකළහ. රටේ වෙනසක් පතා සිවිල් සංවිධාන ක්‍රියාකාරීන් වංචා, දූෂණවලට එරෙහිව කටයුතු කරන ආකාරය සම්බන්ධයෙන් තමන් වහන්සේගේ ආශිර්වාදය හිමි වන බව ද මහ නාහිමියෝ එහිදී ප්‍රකාශ කළහ.

මල්වතු මහ නාහිමියන් මෙවැනි ප්‍රකාශයක් සිදු කර ඇත්තේ රටේ වත්මන් දේශපාලන තත්වය පිළිබඳව තමන් වහන්සේ තුළ පවතින අවබෝධය සහ ජනතාවගේ අවශ්‍යතා පිළිබඳ දැනුවත්වීම් සැලකිල්ලට ගැනීමෙන් බව පැහැදිලිය. උන්වහන්සේ ප්‍රකාශ කර ඇත්තේ මේ රටේ නීතිගරුක, සාමකාමී අති බහුතරයක් ජනතාවගේ අදහස බව අපගේ ද පිළිගැනීමය. බලය ලබාගන්නා බොහෝ ආණ්ඩුවල බලවත් පුද්ගලයන් විසින් සිදු කරනු ලබන මහා පරිමාණ සියලු වංචා සහ දූෂණ යටගසන බවත් සාමාන්‍ය පුද්ගලයකු සිදු කරන වැරැදි සම්බන්ධයෙන් තදින්ම ක්‍රියාත්මක වෙන නීතිය බලවත් බවත් දේශපාලනඥයන් සහ ආණ්ඩුවේ ගජ මිතුරු හවුල්කරුවන්ගේ බරපතළ වංචනික සහ දූෂිත ක්‍රියා හමුවේ මඩේ සිට වූ ඉන්නක් මෙන් හැම පැත්තකටම නැවෙන බවත් මහජනතාව අතර පවතින පොදු මන්ත්‍රයකි. මහ නාහිමියන්ගේ ප්‍රකාශයේ ගැබ් බී ඇත්තේ එම මන්ත්‍රයේ හරයයි. අවාසනාවකට මෙන් අපේ රටේ බොහොමයක් දේශපාලනඥයන්ට මේ බව වැටහෙන්නේ නැත. නැතහොත් ඒ බව දැන දැනම කිසිවක් නොදන්නා සේ හැසිරෙති. එහෙම රටක් ආර්ථික අර්බුදයකට මුහුණදීම සම්බන්ධයෙන් පුදුම විය යුතු නැත.

මහ නාහිමියන්ගේ ඉහත සඳහන් ප්‍රකාශයට වඩාත් වටිනාකමක් එකතු වන්නේ මේ මැතිවරණ වසරක ආරම්භයද බැවිනි. තව මාස කිහිපයකින් ජනාධිපතිවරණය ව්‍යවස්ථානුකූලව පැවැත්වීමට නියමිතව තිබේ. මහ මැතිවරණය නියම වී තිබෙන්නේ 2025 වසරට වුවද ජනාධිපතිවරණයෙන් පසුව බොහෝ දුරට පවතින පාර්ලිමේන්තුව විසුරුවා හැර මහ මැතිවරණයකට යාමට හොඳටම ඉඩකඩ තිබේ.

ඒ අර්ථයෙන් ගත් කල මෙවන් ප්‍රකාශයක් සිදු කිරීමට මීටත් වඩා සුදුසු අවස්ථාවක් නැත. මහ නාහිමියන් එම ප්‍රකාශය හරහා ලබාදෙන ප්‍රබල පණිවුඩය ග්‍රහණය කර ගැනීමට දේශපාලන පක්ෂ නායකයන් සමත් වුවහොත් ඉදිරි කාලයේදී හෝ වඩාත් විශ්වාසදායී මැති ඇමැතින් පිරිසක් බිහිකර ගැනීමට අවශ්‍ය වාතාවරණය සැකසෙනු ඇත. එහෙත් අපේ රටේ පවතින වත්මන් දේශපාලන සංස්කෘතිය අනුව එවැනි වාතාවරණයක් සම්බන්ධයෙන් තබාගත හැක්කේ ඉතා සුළු බලාපොරොත්තුවක් පමණි.

දේශපාලනය තුළදීත් රටේ පාලනය ගෙන යාමේදීත් සුදුසු සහ ගැලපෙන සැලසුම් සකස් කරගත හැකි වුවහොත් එය ඉලක්ක ජය ගැනීමේ සටනේ අඩක් සම්පූර්ණ කිරීමකි. එහෙත් ශ්‍රී ලංකාවට අද පත්ව තිබෙන දැඩි අසීරු තත්වයට මුහුණ දීමට සිදුව ඇත්තේ එවැනි උපායමාර්ගික සැලසුම් සකස් කර ගැනීමකින් තොරව තමන්ගේ දේශපාලන පැවැත්ම සඳහාත් බලය රැක ගැනීම සඳහාත් තීන්දු තීරණ ගන්නා දේශපාලනඥයන්ගේ කෙරුවාව හේතුවෙනි. එවැනි දේශපාලනඥයන් තීන්දු ගන්නේ රටට ජනතාවට හිතැති ආකාරයට නොවේ. තමන්ගේ බඩගෝස්තරය අංක එකට තබා ගනිමිනි. බලයට පැමිණීමට පෙර සිදු කරන ප්‍රකාශත් බලය ලබා ගැනීමෙන් පසුව ඒවා අමතක කරමින් කටයුතු කිරීමත් සිදු වන්නේ ඒ හේතුවෙනි.

මහ නාහිමියන් ප්‍රකාශ කරන්නේ එවැනි බඩගෝස්තරවාදී දේශපාලනඥයන් වෙනුවට රටට ජනතාවට ආදරය කරන කෙනකු රටේ පාලනයට ගෙන ඒමට අවශ්‍ය යැයි ජනතාවගේ මූලික ඉල්ලීමක් තිබෙන බවය. එහිදී වඩාත් ඒ පිළිබඳ වගකීම ඇත්තේ මහජනතාව අතේම බව ද පෙන්වා දිය යුතුය. තමන්ට ලැබෙන විවිධ වරදාන සහ වරප්‍රසාද අපේක්ෂාවෙන් නායකයන් සහ මන්ත්‍රීවරුන් තෝරා ගැනීමේ ක්‍රමවේදයෙන් බැහැරව වඩාත් පුළුල් ලෙස රටේ යහපත් අනාගතය වෙනුවෙන් සිතා තීරණය ගැනීමේ අයිතිය තිබෙන්නේ ජනතාව සතුවය. එම අයිතිය නිසි අයුරින් කල්පනාකාරීව ඉටු කිරීමෙන් යහපත් නායකයන් සහ මන්ත්‍රීවරුන් බිහිකර ගත හැකිවනු ඇත. රටකට ලැබෙන්නේ ඒ රටේ ජනතාවට යෝග්‍ය නායකයන් බව කියන්නේ කට කහනවාට නොවේ.

(***)



අදහස් (1)

මල්වතු මහ නාහිමිගේ ප්‍රකාශය කාලෝචිත එකක්

Lelwala Saturday, 03 February 2024 07:16 AM

රටට, දැයට ආදරය කරන නායකත්වයක් පේනතෙක් මානයකවත් නැත. මොනවත් නැති කෙනෙක් ගියොත් පරම්පරාව ගොඩ දාගන්න, හැමදාම බලයේ ඉන්න වටපිටාව සකස් කර ගනියි.

:       4       9

ඔබේ අදහස් එවන්න

කතුවැකිය

කුඩා තේ වතු හිමියන්ට සහනයක් දිය නොහැකිද?
2024 මාර්තු මස 02 101 0

රටේ ආර්ථිකය තවමත් තිබෙන්නේ මරණ මංචකයේය. කොවිඩ් මාරක වසංගතයත් මෙරට පාලකයන් ගත් අනුවණ උද්ධච්ච තීන්දු තීරණත් හේතුවෙන් බිඳ වැටුණු ආර්ථිකය එසේ එකවර වේගයෙ


බොටුව මිරිකීම නතර කර ජනතාවට සහනයක් දෙන්න
2024 මාර්තු මස 01 254 0

යුද සමයේ දී ‘‘මුදා නොගත් ප්‍රදේශ’’ යනුවෙන් විශේෂයෙන් නාමකරණය කරන ලද ප්‍රදේශ තිබිණි. එම ප්‍රදේශ පාලනය කරනු ලැබුවේ ත්‍රස්තවාදීන් විසින්ය. ත්‍රස්තවාදීන


සමාජය බියගන්වන කුරිරු අපරාධකරුවන් දඬුකඳේ ගහමු
2024 පෙබරවාරි මස 29 245 0

මේ වසරේ අද (29) ගෙවී ගියේ දෙවැනි මාසයයි. දින වශයෙන් ගණන් තැබුවොත් 60කි. මේ දින 60ට රටේ විවිධ ප්‍රදේශවල වෙඩි තැබීම්වලින් සිදුව ඇති ඝාතන සංඛ්‍යාව 14ක් වන අතර තවත්


සම්මාන මේනියාවෙන් රෝගී අපේ ප්‍රභූවරු
2024 පෙබරවාරි මස 28 604 0

‘සම්මාන මේනියාව’ අප රටේ බොහෝ දෙනකුට වැළඳෙන රෝගයකි. එය බොහෝ දේශපාලනඥයන්ට වැළඳෙන ‘රථගාය’ බඳු ය. ධනය ලැබූ පසු බොහෝ දෙනෙක් බලය පසුපස හඹායති. ඒ ගමනට සම්මාන ල


මල්වතු මහ නාහිමි ප්‍රකාශය අගයමු
2024 පෙබරවාරි මස 27 836 1

වර්තමාන පාලකයන් ඡන්දය කල් දැමීමට කටයුතු කළහොත් ඊට ඉඩ නොතබන ලෙස තිබ්බටුවාවේ ශ්‍රී සිද්ධාර්ථ සුමංගල මල්වතු පාර්ශ්වයේ මහ නා හිමියන් පසුගියදා සඳහන් කර ත


හොර දොස්තරලාගෙන් රෝගීන් බේරාගන්න බැරිද?
2024 පෙබරවාරි මස 26 423 3

අප රටේ ජනයා කවර කලෙක කළ පාපකර්මයක් ගෙවා දමමින් සිටින්නේදැයි සිතා ගත නොහැකි තරම්ය. නයන පිනවන මේ රන් දිවයිනේ ඉපදීම සම්බන්ධයෙන් ප්‍රීති ප්‍රමෝදයට පත් විය


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 519 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 421 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 374 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site