IMG-LOGO

2024 මැයි මස 18 වන සෙනසුරාදා


ඓතිහාසික මිහින්තලය රැකගැනීම ජාතියේ වගකීමක්

අනුබුදු මිහිඳු මහරහතන් වහන්සේ වැඩම කළ ඓතිහාසික මිහින්තලාව මෑතක සිට ආන්දෝලනාත්මක පුවත් මවන ස්ථානයක් බවට පත්ව තිබේ. එක් වරක් විදුලිය බිල නොගෙවීම නිසා මිහින්තලා රජමහා විහාරයේ විදුලිය විසන්ධි කෙරුණි. ඒ සම්බන්ධයෙන් මිහින්තලා රජ මහා විහාරාධිපති වලවාහැංගුණ වැවේ ධම්මරතන නාහිමියන් සහ විදුලිබල සහ බලශක්ති අමාත්‍ය කාංචන විජේසේකර අතර උණුසුම් මත ප්‍රකාශවීමක්ද සිදුවිය. රටට අලුත් දේශපාලන කඳවුරක් නිර්මාණය කළ යුතු බව පවසමින් මිහින්තලා රජමහා විහාරාධිපති හිමියෝ ඒ සඳහා විශේෂ වෙහෙසකින් කටයුතු කරති. ඒ අතරවාරයේදී මිහින්තලා රජමහා විහාරයේ කටයුතු සඳහා යොදවනු ලැබ සිටි සිටි ආරක්ෂක අංශ සාමාජිකයෝ ඉවත් කරනු ලැබූහ. දැන් මිහින්තලා රජමහා විහාරයට සම්බන්ධ අලුත් පුවතක් වාර්තා වී තිබේ.

අප පුවත්පත ඊයේ වාර්තා කළ ප්‍රවෘත්තියකින් කියැවුණේ ඓතිහාසික මිහින්තලේ රජමහා විහාරයට අයත් අනුලා චෛත්‍ය ප්‍රතිසංස්කරණය කිරීම සම්බන්ධයෙන් බුද්ධ ශාසන හා සංස්කෘතික කටයුතු අමාත්‍යවරයා සහ හිමිනමක අතර ඇතිකරගෙන ඇතැයි කියන වසරක ගිවිසුම අවලංගු කරන ලෙස තිබ්බටුවාවේ ශ්‍රී සිද්ධාර්ථ සුමංගල මල්වතු මහ නාහිමියන් ජනාධිපති රනිල් වික්‍රමසිංහ මහතාට ලිපියක් යොමු කරමින් ඉල්ලීමක් කර ඇති බවය.

ලක්දිව භික්ෂුණි ශාසනයේ ආරම්භක ස්ථානය ලෙස සැලකෙන ඓතිහාසික වටිනාකමකින් යුත් මිහින්තලේ අනුලා සෑය මිහින්තලේ රජමහා විහාරස්ථානය යටතේ පාලනය වන විහාරස්ථානයක් බවත් එහි භාරකාරත්වය මිහින්තලා රජමහා විහාරාධිපති වලවාහැංගුණවැවේ හිමියන් යටතේ පවතින බවත් මල්වතු මහ නාහිමියෝ එම ලිපියෙන් පෙන්වාදී ඇත්තාහ. එහෙත් මහනායක ස්වාමීන්ද්‍රයන් වහන්සේලාගේත් හා මිහින්තලා රජමහා විහාරාධිපති මාහිමියන්ගේ අනුදැනුමකින් තොරව අනුලා සෑය සංවර්ධනය කිරීම සඳහා බුද්ධශාසන හා සංස්කෘතික කටයුතු ඇමතිවරයා සහ වෙනත් හිමිනමක සමග දස වසරක ගිවිසුමකට ගොස් ඇති බවත් මහ නාහිමියෝ පෙන්වා දෙති.

මල්වතු මහ නාහිමියන් ජනාධිපතිවරයාට යැවූ ලිපියේ වැඩිදුරටත් සඳහන් වන්නේ ඉහත කරුණු සොයා බලා එම ගිවිසුම අවලංගු කරන ලෙසය. එපමණක් නොව එහි සංවර්ධන කටයුතු මහ නායක හිමිවරුන්ගේ සහ මිහින්තලා රජමහා විහාරාධිපති හිමියන්ගේ අනුදැනුම මත විනිවිද භාවයකින් ඓතිහාසික උරුමය ආරක්ෂා වන පරිදි කිරීමටත් අවශ්‍ය පියවර ගන්නා ලෙස ජනාධිපතිවරයාගෙන් ඉල්ලා සිටින බවය.

‘වෙච්ච දේට වඩා කරගත්ත දේ බරපතළ’ බවට කියමනක් වහරේ එයි. බුද්ධ සාසන හා සංස්කෘතික අමාත්‍යවරයාගේ ක්‍රියා කලාපයෙන් වහරේ එන කියමන නිතැතින්ම සිහියට නැගීම වැළැක්විය නොහැකිය.

බුද්ධ ශාසන හා සංස්කෘතික කටයුතු අමාත්‍යවරයා යනු රජයේ නියෝජිතයෙකි. බුදු දහමට ප්‍රමුඛත්වය දී ආරක්ෂා කිරීම රජයේ වගකීම බව ආණ්ඩුක්‍රම ව්‍යවස්ථාවේද සඳහන්ය. එමගින් කියැවෙන්නේ බුදු දහමේ ආරක්ෂාව රජය තම වගකීමක් ලෙස සලකන බවය. එසේනම් බුද්ධ ශාසන හා සංස්කෘතික අමාත්‍යවරයාගේ වගකීම වන්නේ ඒ වෙනුවෙන් කළමනා කටයුතු සංවිධානය කිරීමය. ඒ හැරුණු විට බුද්ධ ශාසන ඇමතිවරයා යනු බුද්ධ ශාසනයේ අයිතිකරුවා නොවේ. මල්වතු මහානායක ස්වාමීන්ද්‍රයන් වහන්සේ පෙන්වා දෙන පරිදි එම කටයුතු සිදුවිය යුත්තේ මහානායක හිමිවරුන්ගේ සහ අදාළ විහාරාධිපති හිමියන්ගේ අනුශාසනා මතය.

ගිහියකු සඟ සතු දේපොළ පරිහරණය කළ විට ඊළඟ ආත්ම භවයේදී පෙරේතයන් පිසාචයන් සහ කුම්භාණ්ඩයන් ලෙස ඉපදෙන බවට මතයක් පැරැණි සමාජයේ පැවැතිණි. ඇත්තම කතාව නම් පැරැණි සමාජයේ කියමන් අලුත් සමාජයටද මනාව ගැළපෙන බවය.

(***)



අදහස් (2)

ඓතිහාසික මිහින්තලය රැකගැනීම ජාතියේ වගකීමක්

Deepal Nirosh Friday, 19 April 2024 07:51 PM

අනේ මන්දා? ඌරන් කැකුණ තලන විට හබන් කුකුළන්ට නම් රජ මඟුල් කිව්වාලු.

:       0       8

Nimal Saturday, 20 April 2024 07:59 PM

මිහින්තලය වැනි අපේ බෞද්ධ සංස්කෘතියේ මුදුන් මල්කඩකට, දේශපාලන හේතූන් නිසා, කුඩම්මාගේ සැලකිලි දක්වන රජයක් තමයි අපට ඇත්තේ...

:       1       11

ඔබේ අදහස් එවන්න

කතුවැකිය

පාසල් දරුවන්ගේ උදේ ආහාරය සුළුවට නොතකමු
2024 මැයි මස 18 36 0

සකල සිරින් පිරි ශ්‍රී ලංකාවේ පාසල් සිසුන්ගෙන් ලක්ෂ 6ක පිරිසක් උදෑසන ආහාර වේල නොගෙන පාසල් පැමිණෙන බව අප පුවත්පත ඉකුත්දා වාර්තා කළේය. පාඨලී චම්පික රණවක ම


ගුවන්තොටේ අසංවර වූ දේශපාලකට දඬුවම් නැද්ද?
2024 මැයි මස 17 344 3

ආණ්ඩුවේ මැති ඇමැති ධුරයක් හෙබවීම රටේ පොදු නීතියට ඉහළින් සිටීමට ලබා දෙන වරප්‍රසාදයක් වශයෙන් සලකන දේශපාලකයන් අපේ රටට අඩුවක් නැත. දේශපාලන බලයෙන් හිස උදු


අනුරපුර සිද්ධියෙන් කියැවුණේ සමාජයේ සදාචාර පිරිහීමක්
2024 මැයි මස 16 266 0

“විනයෝ නාම ශාසනස්ස ආයු” යනුවෙන් බුදුපියාණෝ වදාළහ. එහි අර්ථය නම්, “ශාසනය පවතින්නේ විනය පවතින තුරු” යන්නය. මෙම අර්ථය සමාජයේ සෑම ක්ෂේත්‍රයකටම අදාළව මැනවි


මන්ත්‍රීන් වගකීම පැහැර හැරීම තනතුර බාල්දු කිරීමක්
2024 මැයි මස 15 130 0

පාර්ලිමේන්තුව වරින් වර රටේ ප්‍රධාන මාතෘකාවක් බවට පත්වෙයි. හොඳ සහ නරක මාතෘකා දෙවර්ගයම සම්බන්ධයෙන් පාර්ලිමේන්තුව ජනතාවගේ විමසුමට ලක්වුණත් බොහොමයක් අ


වරප්‍රසාද ආශාවට කෙරෙන ගැසට් සංස්කෘතියට තිත තබමු
2024 මැයි මස 14 115 0

ශ්‍රී ලංකාවේ අමාත්‍ය මණ්‍ඩලය විවිධ මට්ටමේ වාර්තා තැබීම් අතින් කැපීපෙනෙයි. එහෙත් මේ ඇතැම් වාර්තා හොඳ මට්ටමේ නොව නරක මට්ටමේ ඒවා වීම ඛේදවාචකයකි. එයින් එ


ඩයනා ගමගේ පුරවැසි සිද්ධිය දේශපාලනයට කැළලක්
2024 මැයි මස 13 3806 7

මෙරට හිටපු සංචාරක රාජ්‍ය ඇමැතිනි ඩයනා ගමගේ මහත්මියට පාර්ලිමේන්තු මන්ත්‍රී ධුරය අහෝසි වීමෙන් පසුව මුද්‍රිත මාධ්‍ය, විද්‍යුත් මාධ්‍ය සහ සමාජ මාධ්‍ය ඔස


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 773 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2319 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1984 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site