IMG-LOGO

2025 ජුලි මස 19 වන සෙනසුරාදා


හොරෙන් පොල් කඩා අහුවුණාම කුලියත් ඉල්ලලා

(මීරිගම විශේෂ පුෂ්පකුමාර මල්ලවආරච්චි)
හොරෙන් පොල් කඩා අයිතිකරුට අසුවීමෙන් පසු සමාව ඉල්ලා සමාව ලැබුණු පසු ගස් දෙකක පොල් කැඩීම සඳහා කුලිය දෙන්නැයි ඉල්ලූ සොරෙකු පිළිබඳව සියනෑවේ ගම්මානයකින් පසුගියදා වාර්තාවිය.

ප්‍රදේශයේ පොල් වත්තකි. නිතර සොරකමට පුරුදු අයකු හිමිදිරියේම හොරාට පොල් කඩන්නට ගියේ අයිතිකරු එන්නට පෙරය. මේ දිනවල පවතින පොල් හිඟයත් මිල ඉහළ යාමත් නිසා ඔහු හොර පොල් කැඩීමේ නිරත වූයේය. ගස් දෙකක පොල් කැඩූ ඔහු තවත් ගසකට නගින්නට සූදානම් වෙද්දී එහි ආ අයිතිකරුට අසුවිය. ගස් දෙකෙන් කඩාගත් පොල් ගෙඩි කිහිපය පැත්තක තිබිණි.

කර කියාගත හැකි දෙයක් නොවූ සොරා බේරෙන මගක් සොයා ගනු පිණිස අයිතිකරු හමුවේ වැඳ වැටුණේ ය. ජීවත්වෙන්නට මඟක් නැති කමත් ලෙඩදුක් කරදර නිසාත් වැරැදි වැඬේ කළ බව ඔහු කීය. හොර පොල් කැඩූ අය සමාව ඉල්ලද්දී හිත උණූවූ ඉඩමේ අයිතිකරු කෑමට පොල් ගෙඩි දෙකක්ද දී යාමට ඉඩ දුන්නේ නැවත මෙවැනි වැරැදි නොකරන ලෙසට අවවාදයක්ද කරමිනි.

පොල් ගෙඩි දෙක අතට ගත් ඔහු ‘මහත්තයා පොල් කැඩූ ගස්වලට කුලිය දෙන්න’ බැරිදැයි විමසීය. අයිතිකරු හොඳ කුලියක් දෙන්නම් කියා වටපිට බලද්දී අතට ගත් පොල් ගෙඩි දෙකත් බිම දමා හොරා පලාගියේ ගුටි නොකා බේරෙන්නටය.



අදහස් (2)

හොරෙන් පොල් කඩා අහුවුණාම කුලියත් ඉල්ලලා

Thusha Monday, 12 March 2018 08:34 AM

බොහෝ අවස්ථාවල, සංවේදී, අනුකම්පා කරන්න ගියාම, එය දුර්වලකමක් කියලා හිතාගෙන, එයින් අයුතු ප්‍රයෝජන ගන්න හිතන පිරිසකුත් අප අතර ඉන්නවා. අත්දැකීමෙන් මම මෙය කියන්නේ...

:       0       122

තිලක් Tuesday, 13 March 2018 10:47 PM

ඇත්තනේ, කුලිය දෙන එක සාධාරණයි..

:       1       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 393 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 552 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 230 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site