(වැල්ලම්පිටිය - ශාන්ති සෙනෙවිරත්න)
”ශාස්ත‍්‍ර කියනවා, අත පොඞ්ඩක් බලමු නෝනා” කියමින් වෙළෙඳ සලකට ඇතුළු වූ කාන්තාවන් පිරිසක් එහි සේවිකාවන් දෙදෙනා බියට පත්කර භාණ්ඩ සොරාගැනීමට තැත්කිරීම නිසා ඔවුන්ට පොලීසියට යෑමට සිදුවූ පුවතක් කොළඹට ආසන්න ප‍්‍රදේශයකින් අසන්නට ලැබුණි.


දහදෙනකුගෙන් පමණ සමන්විත මෙම කණ්ඩායම ප‍්‍රදේශයේ සැරිසරමින් ශාස්ත‍්‍ර කියමින් දවස ගෙවන අතරතුරේ මෙම වෙළඳ සැලටද ඇතුළු වී ඇත. එහි ඒ වන විට සිට ඇත්තේ තරුණ සේවිකාවන් දෙදෙනකු පමණක් වන බවද පැවසේ.


වෙළෙඳසැලට ඇතුළු වී ශාස්ත‍්‍ර අහනවාදැයි එක් කාන්තාවක් විමසන අතර තුර සෙසු අය බලෙන් වෙළෙඳ සැලට රිංගාගෙන භාණ්ඩ අතපත ගාමින් ඒවා නොපෙනෙන ලෙස මලූවලට දමාගෙන ඇත.  


මේ බව දුටු සේවිකාවක් කෑගසා තිබෙන අතර පසුව ඒ අසලින් ගමන් කළ පිරිමි කිහිප දෙනෙක් සිද්ධිය දැක කාන්තා පිරිස වෙළෙඳ සැල තුුළ සිටියදී දොර වසා වහා පොලීසියට කතාකර ගෙන්වාගෙන ඔවුන් පොලීසියට බාරදීමට පියවර ගෙන තිබේ.


පසුව පොලීසියට ගෙන ගිය මෙම පිරිසට අවවාද කර නැතිබැරි කම් තිබුණ පලියට සොරකමේ නොයෙදෙනෙ ලෙසත් එසේ නැවත කර අසුවුවහොත් දෙන දඬුවම වෙනස් යැයි පවසා මුදාහැර ඇතැයි පැවසේ.