පෝද්දල - සරත් ආනන්ද ගමගේ
අනුන්ගෙන් ලැබෙනවා නම් යහමින් සප්පායම් වීමේ පුරුද්දක් ඇති වැදගත් මහත්මයකු මිතුරන්ගේ ලණුවක් කා, අතේ තිබුණු තුට්ටු දෙකටත් තට්ටු කරගෙන, රැකියාවටත් යාමට නොහැකි වී හිස් අතින්ම ගෙදර යාමට සිදු වූ පුවතක් ගැන ගාල්ල පුරවරයෙන් අසන්නට ලැබුණි.
හේ රාත්රී කාලයේ ද අතිකාල සේවයේ යෙදෙමින් මහජන සේවා සපයන රාජ්ය ආයතනයක නිලධාරියකු ලෙස කටයුතු කරන පුද්ගලයෙකි. මෙම තැනැත්තා මිතුරන් අතර ප්රසිද්ධව සිටියේ, ලාබෙට ලැබෙනවා නම් කන පැලෙන්න සප්පායම් වන පොරක් ලෙසිනි.
පසුගිය දිනක ඔහු අතිකාල සේවයට වාර්තා කිරීමට යන බව දැනගත් මිතුරන් තිදෙනෙක් “අද ඕකට හොඳ ලණුවක් දෙමු” යැයි කියා කතිකා කරගෙන ඒ සඳහා උපක්රමයක් යෙදූහ.
යහළුවා රැකියාවට යන මාර්ගයේ මිතුරකුගේ නිවෙසට රැස්වූ මිතුරන් තිදෙනාගෙන් දෙදෙනෙක් නිවෙසේ තාප්පය මත වාඩි වී සිටියහ. මේ යහළුවා ද එම ස්ථානය පසු කරන විට තාප්පය මත සිටින මිතුරන් දෙදෙනා දැක යතුරුපැදිය නතර කරන්නේය. එවිටම තාප්පයෙන් පිට නිවෙස පැත්තේ සිටි අනෙක් යහළුවා හිස් බෝතල් සහිත බෑගයක් සෙලෙව්වේය.
එවිටම යතුරුපැදියේ පැමිණි මිතුරා, “මොකද අද උඹලා සෙට් වෙන්න ද හදන්නේ” යැයි විමසමින්, යතුරුපැදියෙන් බැස ඔවුන් වෙත පැමිණියේය. “උඹලා සෙට් වෙනවා නම් මාත් සම්මාදම් වෙන්නම්. ඒත් ලොකු මුදලක් නම් මං ළඟ නැහැ” යි කියමින් පසුම්බියේ තිබුණු සියලු මුදල් මිතුරන්ට ලබා දුන්නේය. “අපිත් එක්ක සෙට් වුණොත් අද උඹට ඕටී කරන්න වෙන්නෙ නැහැ” යි මිතුරන් කියද්දී, “උඹලා එක්ක සෙට් වෙන්න තියෙනවා නම් මොන ඕටී ද? වෙනදා ගෙදර යන වෙලාවට ගෙදර ගියාම ඇති” යැයි සැහැල්ලුවෙන් පැවැසීය.
මිතුරන් දෙදෙනකු හිස් බෝතල් සහිත බෑගයත් රැගෙන යතුරුපැදියකින් පිට වී ගිය අතර, නිවෙස හිමි මිතුරාත් සමග ඔහු නතර විය. ආයතනයට ද ඇමතුමක් ලබා දෙමින් හදිසි කරදරයක් නිසා අද දින පැමිණීමට නොහැකි බව ද දැනුම් දුන්නේය.
බොහෝ වේලාවක් ඉක්ම ගිය ද මිතුරන් දෙදෙනා නොපැමිණි හෙයින්, ඔහු මහත් නොසන්සුන්තාවට පත්වී මිතුරන්ට කතා කළ ද, එයට ද ප්රතිචාර නොවීය. නිවෙස හිමි මිතුරා ද ප්රමාදය පිළිබඳව කනස්සල්ලෙන් සිටින බව පෙන්නුම් කළේය. කාලය ඉක්ම යමින් තිබියදී නිවෙසේ මිතුරාට ඇමතුමක් දෙමින් මිතුරන් දෙදෙනා කියා සිටියේ, තමන්ගේ බ්රෑන්ඩ් එක එම ස්ථානයේ නොමැති නිසා ප්රධාන නගරයට යමින් සිටින බවයි.
ප්රධාන නගරයේ සිට පැමිණිය හැකි වේලාව ද ඉක්ම ගිය පසු, නැවත ඇමතුමක් ගෙන විමසීමේදී ඔවුන් පැවැසුවේ, බයිට් එකක් ගැනීමට අහවල් ස්ථානයට ගිය බවත්, එයත් රැගෙන කඩිනමින් පැමිණෙන බවත්ය.
දැන් වේලාව රාත්රී නවයත් පසු වී ඇත. මිතුරන් දෙදෙනා තවමත් නැත. දැන් ඔහුගේ ඉවසීමේ සීමාව ද ඉක්ම වීමට ආසන්නය. ඒ අවස්ථාවේ නැවතත් මිතුරන්ගෙන් ඇමතුමක් ලැබුණි. එයින් කියැවුණේ තෙල් නැතුව යතුරුපැදිය මග නතර වූ බැවින්, තෙල් පිරවුම්හලක් සොයා යතුරුපැදිය තල්ලු කරගෙන එමින් සිටින බවත්, තෙල් පුරවාගෙන කඩිනමින් පැමිණෙන බවත්ය.
තවත් බොහෝ වේලාවක් ගිය ද ඔවුන් නොපැමිණි නිසා, සාදය පැත්තකට දමා ගෙදර යන්න ඕනෑයි සිතමින්, ඔහු මිතුරකුට ඇමතුවේය. ඉන් කියැවුණේ දුරකතනය ක්රියා විරහිත කර ඇති බවයි. ඉන් පසු අනෙක් මිතුරා ඇමතූ අතර, එය ද බොහෝ වේලා නාද වීමෙන් පසු ප්රතිචාර ලැබුණු අතර, පිළිතුරු ලැබුණේ ගැහැනු කටහඬකිනි. ඉන් කියැවුණේ “මහත්තයා බාත්රූම් එකේ” කියාය. තමා මිතුරන්ගේ උගුලකට හසු වී ඇති බව දැනගත් ඔහු තිදෙනාටම දෙස් දෙවොල් තබමින් මිතුරාගේ නිවෙසින් නික්ම නිවෙස බලා පිටත් විය.
සිද්ධිය එතැනින් අවසන් වුවත්, මගතොටේදී හමුවන මිතුරන් ද “මචං සෙට් වෙමුද” යි අසන නිසා රැකියාවට යනවා විනා ඔහු දැන් මළගෙදරකටවත් නොයන බව ද ආරංචියි.
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සෙට් වෙන්න ගිහින් තුට්ටු දෙකටත් තට්ටු කරගෙන
Sarath kumara pitigala Tuesday, 05 March 2024 10:09 PM
මේ වගේ මිනිස්සු හැම ගමකම, ඔෆිස් එකකම ඉන්නවා.