සොරාගත් තම පාපැදිය රැගෙන ගිය සොරාට දඬුවම් පමුණුවන ලෙස ඉල්ලා දේවාලයක වස්කවි කියවීමට ගිය පුද්ගලයෙකුට වස්කවි කියවන අතරතුරේදී තම බිරිඳගේ ජංගම දුරකතනය හා මුදල් පසුම්බියද අහිමිවීමේ පුවතක් දකුණු පළාතේ ගම්මානයකින් පසුගියදා අසන්නට ලැබුණි.
රජයේ රැකියාවක නියුතුව සිට ඉන් විශ්රාම ලබා සිටින මෙම පුද්ගලයාගේ විනෝදාංශය වී තිබුණේ ලොතරැයි පත් මිලදී ගැනීමයි. ත්රිරෝද රථයකටද හිමිකම් කියන මොහු සෑම දිනකම උදෑසන පාපැදියෙන් නගරයට යන්නේ එසේ කිරීම ශරීර සෞඛ්යයටද යහපතක් යැයි විශ්වාසයෙනි.
මෙසේ නගරයට පැමිණෙන මොහු ලොතරැයි කූඩු කීපයකටම යමින් ලොතරැයි පත් තෝරන්නේ වාසනාව මේ එකතැනක හෝ ඇතැයි යන විශ්වාසයෙනි.
එසේ නගරයට පැමිණි ඔහු පාපැදිය මාර්ගයේ වම්පස නවතා දකුණුපස ඇති ලොතරැයි කූඩුවකට ගියේ පෙරේදා ගත් ටිකට්වලට දිනුම් ඇදී තිබේදැයි බලා අද දිනටද ලොතරැයි කීපයක් මිලදී ගැනීමටය. ඒත් එදින ටිකට් එක ඇදී තිබුණේ ඔහුගේ පාපැදියටය. ඔහු පාර මාරුවී පාපැදිය ළඟට එනවිට කවුරුන් හෝ පාපැදිය රැගෙන ගොස් තිබුණි.
පාපැදිය නැතිවීම සම්බන්ධයෙන් පොලීසියේ පැමිණිල්ලක්ද දමා නිවසට පැමිණි ඔහු දහ අතේ කල්පනා කරමින් පාපැදිය රැගෙන ගිය හොරා අල්ලාගන්නා උපක්රමයක් කල්පනා කළේය. එහිදී මිතුරෙකු උපදෙස් දුන්නේ අසල ගමක සිටින දක්ෂ වස්කවි ලියන්නා ලවා වස්කවියක් ලියවාගෙන කියවීම යෝග්ය බවය.
ඒ අදහසට එකපයින් කැමති වූ මොහු එවෙලේම අසල ගමට ගොස් වස්කවියක් ලියවාගෙන ආවේය. එය කියවීමට ප්රදේශයේ ජනප්රිය දේවාලයකට ගියේ එහි වෙසෙන ප්රසිද්ධ කපු මහතාද ඔහුගේ මිතුරෙකු වූ බැවිනි. දිනතුනක් වස්කවි කිවයුතු බවත් සතියක් ඇතුළත පාපැදියත් සමගම හොරා පෙන්නුම් කිරීමට තරම් වස්කවිය ප්රබල බවත් කියමින් මිතුරු කපුවා ඔහු දිරිමත් කළේය.
දින දෙකක් වස්කවි කියවූ ඔහු තුන්වැනි දින දේවාලයට ගියේ සිය බිරිඳද සමගිනි. විහාරස්ථානයක පිහිටි මෙම දේවාලයේ එදින තරමක පිරිසක්ද රැස්වී සිටියහ. සැකයක් නොමැති බැවින් ඔහුගේ බිරිඳ සිය ගමන් මල්ලද ත්රිරෝද රථයේම තබා දේවාලට ගියාය. සිය කටයුත්ත නිමාකර නිවසට එන්න සිය බිරිඳ සමග ත්රිරෝද රථයට නැග බලද්දී ඇය පැවසුවේ තම ජංගම දුරකතනය හා මුදල් පසුම්බිය බෑගයේ නැතැයි කියාය. කලබලයට පත් ඔවුන් දෙදෙනා විහාරස්ථානයේ හා දේවාලයේ සිටි පිරිසගෙන් ඒගැන විමසීම් කළද හෝඩුවාවක් දැනගන්නට නොලැබුණි.
පසුව දෙදෙනා පොලීසියට පැමිණ නැතිවූ බඩු සම්බන්ධයෙන් පොලිස් පොතේ පැමිණිල්ලක්ද සටහන් කළෝය. පොලීසිය පැවසුවේ එම ස්ථානයේ සැක කටයුතු කෙනෙකු සිටීනම් ඔහු ගෙනැවිත් ප්රශ්න කළ හැකි බවයි. එසේ නොමැති නම් බඩුත් සමග සැකකරුවෙකු හමුවුව හොත් ඒ ගැන දැනුම් දෙන බවය.
දැන් මේ සිද්ධිය පිළිබඳ තොරතුරු ගමපුරා පැතිරී ගොස් ඇති අතර ඒ සම්බන්ධ සැකකරුවෙකුද මෙතෙක් අත්අඩංගුවට ගෙන නැත.
ඔවුන් දැන් පාපැදිය හා නැතිවූ බඩු සිතින් අමතකකර හිත හදාගෙන ඇත. ඒත් ගමේ සමහර නොසන්ඩාල කොල්ලෝ ‘‘මාමෙ වස්කවිය කෝමද” අසන විටදී නම් ඔහුද වස්කවි කියන බවද ආරංචි වේ.
පෝද්දල සරත් ආනන්ද ගමගේ
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වස්කවිය ආපස්සට කැරකිලා නෝනාගේ ෆෝනයත් අතුරුදන්