දකුණු පළාතේ සංචාරක නිකේතනයක පසුගියදා විවාහ මංගල්‍යයක් සිදුවූයේ එම ව්‍යාපාරිකයාගේ මිතුරක වූ මනාලයාගේ ඉල්ලීමක් නිසාය. විවාහ යෝජනවකට අනුව එක් වූ මේ නව යුවළ මඳ ඇසුරකට පසු විවාහ වූවත් මනාලිය විවාහ දිනයේ සිටියේ නොසතුටු සිතිනි.

මනාලයාට මෙය කුතුහලයක් විය. මනාලිය කෙටි විවේකයකට කාමරයට ගිය අවස්ථාවේ ඔහු ඒ ගැන විමසීය.

‘‘ඔයා ඇයි මූණ පුරා වවාගෙන තිබුණු රැුවුල බූගෑවේ. එහෙම තිබුණානම් කොච්චර ලස්සනද?’’ ඇය කීවෙන් ඔහුට තරු පෙනිණ.

පෙර දිනවල මූණ පුරා වවාගෙන තිබුණු රැවුල උදේ මුළුමනින්ම කපා දැම්මේ මවගේ උපදෙස් පරිදිය. ‘‘මේ මගුල් දවසේවත් ඔය රැුවුල කපා දාලා ලස්සනට ඉන්නැ’’යි මව කියාතිබුණි.

‘‘ඔයා  ඕකට අප්සෙට් වෙන්න එපා. මම සතිදෙකෙන් රැුවුල හදලා දෙන්නම්කෝ’’ ඔහු කීවිට ඇය මඳ සිනාවක් පෑවත් ඇය පසුව යෙහෙළියන්ට කියා තිබුණේ එයා කළ මෝඩ වැඩෙන් මංගල ඡායාරූප සියල්ලේම ඔහුගේ ලස්සන මූණ මැටි කෝප්පයක් වගේ තිබුණ බවක්ලූ.