රුපියලක් බේරාගන්න අතපයත් කඩාගෙන

මුදල් ගනුදෙනුවකදී රුපියලක් බේරාගැනීමට ගිය පාරිභෝගිකයකු අතපය කඩාගෙන තම ජීවිතය අනූ නවයෙන් බේරාගත් පුවතක් පසුගියදා අසන්නට ලැබුණේ දකුණු පළාතේ උපනගරයකිනි.

වෙළෙඳසලෙන් සිල්ලර බඩු මිලදී ගැනීමෙන් පසු අසල පදික වේදිකාවේ වූ පොල් ගොඩෙන් ගෙඩියක් තෝරාගෙන මුදල් ගෙවීමට යාමේදී ඔහුගේ අතින් ගිලිහුණු රුපියලේ කාසියක් මහ මග දිගේ පෙරළී යාමත් සමඟ ඔහු මහ මග මැදට පැන්නේ එය ආපසු ගැනීමටය.

ඒ සමඟම වේගයෙන් ආ යතුරුපැදියක් ඔහුගේ ඇගේ හැපී ලොකු අනතුරක් වූ අතර ඔහුගේ අතට මෙන්ම පයට ද විශාල හානියක් සිදුවිය.

අවට සිටියවුන් වහ වහා ඉදිරිපත්ව ඔහු රෝහල්ගත කළ අතර ඒ වනවිටත් ඔහුගේ අතේ ගුලිකර ගත් රුපියලේ කාසිය දැකීමෙන් සමහරුන්ට මහත් සංවේගයක් ඇති වුණාලූ.

(තිහගොඩ උපසේන ලියනගම)

අදහස් (6)

රුපියලක් බේරාගන්න අතපයත් කඩාගෙන

indika Thursday, 14 December 2017 06:47 AM

සමහර ජන ජීවිත මෙහෙම තමා. අපි සමහරු සුරංගනා ලෝක වල ජීවත් වෙන්නේ.

: 12 130

Polee Thursday, 14 December 2017 08:52 AM

පොල් ගෙඩියේ මිලට ,රුපියලක් අඩු උනත් ,පොල් වෙළෙන්දා පොල් ගෙඩිය දෙන්නේ නැහැනේ.පව් දුප්පතා! කව්ද දන්නේ ,පොල් ගෙඩියෙන් වේලක් පිරිමහ ගන්න අසරණයෙක් වෙන්න ඇති.එකනේ පන එපා කියල පාර මැද්දට පැනල තියෙන්නේ.

: 0 278

Pradeep Liyanage Thursday, 14 December 2017 11:42 AM

රටේ ඇතැමුන්ට කෝටි ගණනක මුදලක් ළූණු බිකක් තරම් වෙන කොට සාමාන්‍ය ජනතාවගේ තත්වය තමයි මේ..

: 1 133

himal Thursday, 14 December 2017 12:21 PM

ඒ මනුස්සයා පැන්නේ තමන්ගේ මුදලක් ‍රැක ගන්න. ඒක රුපියලද ලක්ෂයද නෙවෙයි. හදිසි අනතුරක් හින්දා විපතට පත් වෙලා. සමහර විට යතුරු පැදි රියදුරාගේ වෙන්නත් පුළුවන් වැ‍රැද්ද. මොකද සමහර යතුරුපැදි පාරේ යන්නේ උඩින්. පොළව දෙදරවාගෙන, අහස ගුගුරුවාගෙන...

: 0 32

Tharuka Sunday, 17 December 2017 08:12 AM

ඒ පාරට පැන්න පුද්ගලයා අවංක අව්‍යාජ කෙනෙක්... එයාට තව තවත් රුපියල් ලැබී දියුණු වේවා !

: 0 64

Mahinda R kithulgoda Thursday, 04 January 2018 01:56 AM

එදා අම්මා කෙනෙක් රුපියලක් නිසා බස් රථයකදී අපහසුතාවයට ලක් වුනා අද රුපියලක් නිසා මනුස්සයෙක් කරදරයකට පත්වෙලා. අඳුරු වීදුරු වලින් වැසුන රථ වලින් ඉගිලෙනා පාලකයිනේ දෙනෙත් හැර බලන්න මිනිසුන්ගේ දහදිය කඳුළු වලින් උපයන රුපියල කෙතරම් වටිනවාද කියා.....

: 0 12

ඔබේ අදහස් එවන්න

දෙයියෝ සාක්කි

ඡන්දෙන් පැරදී බලු‍ දානයක් දීලා

2025 මැයි මස 08 620 0

මැතිවරණ ජය ලැබූ පසු දෙන්න සූදානම් කළ පාටිය බලු‍ දානයක් බවට පරිවර්තනය වූ අපූරු කතාවක් දකුණේ ගමකින් පෙරේදා (6)අසන්නට ලැබුණි.

ඡන්දපොළට හයර් කරන්න ගිහින් නාසයෙන් කෑල්ලක් දන් දීලා

2025 මැයි මස 07 638 1

ඡන්දය දාන්න වයසක උන්දෑ කෙනකු රැගෙන යාමට පැමිණි ත්‍රිරෝද රථ රියැදුරෙකුට නාසයෙන් කෑල්ලක් දන් දෙන්න සිදුවූ ඇබැද්දියක් ඊයේ (6) ගාලු‍ දිසාවේ ගමකින් අසන්නට

බයික් එක මාරුවී ඉහමොළ රත්වෙලා

2025 මැයි මස 06 707 1

යතුරු පැදියේ ගැට ගසා තිබූ පඬුරෙන් තමන්ගේ යතුරු පැදියත් වැටෙන්න ගිය අලි අමාරුවෙනුත් බේරුණු අයෙකු පිළිබඳව අපූරු කතාවක් බලපිටියෙන් අසන්නට ලැබේ.

හිතේ සහනයට අපූරු විසඳුමක්

2025 මැයි මස 05 939 2

තනිකඩ වියේ පසුවන ගුරු මාතාවක මිලදී ගත් මෝටර් රථයක් මානසික සුවය පතා ගත් සැණින් විකුණා දැමු පුවතකි. සිද්ධිය ඇසෙන්නේ මහවැලි ජනපද ගම්මානයට අයත් ප්‍රදේශයක

නෝනා අන්දන්න ගිහින් අමාරුවේ වැටිලා

2025 මැයි මස 03 534 0

ඉතා හදිසි රාජකාරියක් නිසා නෝනා යතුරු පැදියෙන් ගෙන යා නොහැකි යයි කියූ සැමියා තම හිතවතිය යතුරු පැදියේ දමාගෙන ගොස් අලි අමාරුවක වැටුණු කතාවක් ගාලු‍ දිසාව

උදවු කරන්න ගිහින්න නට්ටම් වෙලා

2025 මැයි මස 02 891 1

නිවසට සිඟමනේ පැමිණි කතකට පුතා උදව් උපකාර කළ අයුරු දැක මවුපිය දෙදෙනා නට්ටම් වූ පුවතක් කලාවැව අසල ගම්මානයකින් අසන්නට ලැබෙයි.