(තිහගොඩ උපසේන ලියනගම්)
දකුණු පළාතේඋප නගරයක සිටප්‍රධාන නගරයදක්වා දිවෙන බස් රථයකි. අතරමග දීඑහි නැඟ ගත්තේ දරුවකු වඩාගත් තරුණ වියේ මවකි. ඇගේ අතේ
විශාල ගමන් මල්ලක් ද විය.


ඇය බසයට නගිත්ම ඉදිරිපස ආසනයේ වාඩිවී සිටි අයකු නැගිට ආසනය දුන් නිසා ඇය කඩිමුඩියේ බෑගය ඉදිරිපස දොර අසලම තබා වාඩි වූවාය.
මොහොතකට පසු වාහනය වංගුවක් ගැනීමට යාමේ දී ඇගේ බෑගය දොරටුව අසලට විසිවී ගියෙන් ඇයට ආසනය දුන් තැනැත්තා එය අල්ලාගැනීමට ගිය ද ඔහුත් සමග බෑගය දොර අසලටම පෙරළිණි.


රියැදුරුට තරු පෙනිණි. ඔහු වේගවත් ලෙස තිරිංග තද කළේ වමතින් හිසට ද තට්ටුවක් දමා විමතිය පළ කරමිනි. මේ නිසාම වැටෙන්නට ගිය මගියා බේරුණු අතර ඉදිරිපස වූ පිරිස මහා විමතියකින් එදෙස බලා සිටිය ද දරුවා උකුලේ තබාගෙන සිටි කාන්තාව නම් සිනාසෙමින් සිටියා ලු.