(කමල් ශ්‍රී ලියනගේ කොස්ගොඩ)
රාත‍්‍රී කාලයක තමන්ගේ බල්ලා රැගෙන ආ යාබද නිවෙස් හිමියාගේ වටිනා සපත්තුවක් තුන් මාසයක් පමණ සඟවා තබා යළි පාරට ගෙනවිත් දැමූ කාන්තාවක් ගැන පසුගිය සතියේ දකුණු පළාතේ ගම්මානයකින් වාර්තා විය.

සිද්ධිය සැකවින් මෙසේය.
අසල්වාසි ගෙහිමියා රජයේ උසස් රැකියාවක් කරයි. ඔහු සපත්තු ගලවා ඉස්තෝප්පුවේ තබා ගෙතුළට යන අතර ඇතැම් දිනවලදී සපත්තු දෙක ගේ ඇතුළත අමතක වෙයි. මෙවන් දිනවලදී යාබද නිවසේ බල්ලා එය රැගෙන ගොස් පාරේ තබාගෙන සෙල්ලම් කරන අතර එය හොඳින් දන්නා ගෙහිමියා ආපසු සපත්තුව අහුලාගෙන පැළඳ ගනියි. මෙවැනි අවස්ථාවලදී බල්ලා සපත්තුව හපා තිබෙනු ද ගෙහිමියා දැක තිබේ.

මේ අන්දමට සපත්තුව අතුරුදන් විය. එහෙත් එය සුපුරුදු තැන දක්නට නොවීමෙන් බල්ලාගේ ස්වාමි දුව කුමක් හෝ උප්පරවැට්ටියක් කරන්න ඇතැයි සිතූ සපත්තුව හිමි ගෙහිමියා හොඳ ඉතිරි සපත්තුව පරෙස්සම් කොට තබා ගත්තේය.

නැතිවූ සපත්තුව මාස තුනකට පසුව යළිත් පාරේ තිබෙනු දැක පුදුමයට පත් ගෙහිමියා එය අහුලාගෙන පැළඳ රැකියාවට ගියේය.

සපත්තු දෙක දාගෙන යනවා යි එය දුටු බල්ලා අයිති කාන්තාව මෝඩකම ප‍්‍රදර්ශනය කරමින් ගෙහිමියාට ඇසෙන්නට පවසා තිබේ. නැතිවූ සපත්තුවේ සුලමුල එයින් හෙළිවිය.