කොළඹ සුපිරි වෙළෙඳසලකට ඇතුළු වූ තරුණ කාන්තාවක නවතම විලාසිතාවලින් සැරසී සිටියාය. ඇය පැමිණියේ අවුරුදු හතරක් පමණ වයසැති සිය පුතු සමඟය. වෙළෙඳසලේ පසෙක අසුරා තිබූ කූඩයක් ගත් ඇය තමාට අවශ්‍ය භාණ්ඩ එයට දමද්දී වෙළෙඳසලේ රාජකාරියේ නියුතුව සිටි කාන්තා ආරක්‍ෂක නිලධාරිනියක් පැමිණෙන සෑම පාරිභෝගිකයෙකු ගැනම විමසිල්ලෙන් සිටියාය. අධි ශීතකරණය අසලට ගමන් කළද දරුවා එහි ඇතුළත පෙන්වා සිය මවට මෙනවාදෝ කියනු දක්නට ලැබුණි. පසුව කාන්තාව අධි ශීතරණයෙන් හිම කිරමක් ගෙන දරුවාට දුන්නාය. දරුවාද එය රැගෙන කොළය ඉවත් කර රසවිඳින්නට විය. අවශ්‍ය භාණ්ඩ කූඩයට දැමීමෙන් අනතුරුව කාන්තාව සිය දරුවා සමඟ කවුන්ටරයට පැමිණ මුදල් ගෙව්වාය. ආරක්‍ෂක නිලධාරිනිය මුදල් කවුන්ට්රයේ සිටි තරුණිය අසලට ගොස්, ”අර බබා අයිස් ක‍්‍රීම් එකක් කෑවා. ඒකට බිල දැම්මාදැයි කනට කර ඇසුවාය. ඒ ගැන කිව්වේ නැහැයි” පැවසූ තරුණිය ”මැඩම් පොඩි එක්කෙනා මුකුත් කෑවාදැයි” කාන්තාවගෙන් විමසුවාය. ”නැහැ මුකුත් කෑවේ නම් නැහැ” පැවසූ කාන්තාව ”පුතා මොනවා හරි කෑවාදැයි” දරුවාගෙන් ප‍්‍රශ්න කළාය. එවිට දරුවා, ”ඇයි අම්මී කීවේ අයිස් කී‍්‍රම් කාලා ”ඩස්ට් බින්” එකට කොළේ දාන්න කියලා” යැයි මවට කීවේය.