පෝද්දල සරත් ආනන්ද ගමගේ
පිය උරුමයෙන් දරුවන් සිවු දෙනකුට හිමිවිය යුතු ඉඩමක් අනෙක් සහෝදරයන් තිදෙනා රවටා ලබාගෙන, එය විකුණා ජයටම දියණියගේ මඟුල කෑවැයි කියන පුවතක් දකුණු පළාතේ බත් දුන් පුරවරයකින් වාර්තා වෙයි.
වාර්තාවන ආකාරයට සිද්ධිය සැකෙවින් මෙසේ ය.
පවුලේ මව මීට වසර 14 කට පෙර ද පියා මීට වසර 5කට පෙර ද දිවියෙන් සමුගෙන ඇත. ඔවුන්ට පුත්තු හතර දෙනෙක් සිටිති. සිය මවගේ පාර්ශවයෙන් මේ දරුවන්ට හිමිවිය යුතු ඉඩම් ද මවගේ සහෝදරයකු විසින් වංචා සහගතව හිමිකර ගැනීමෙන් පිය පාර්ශවයේ ඉඩකඩම් සාධාරණව බෙදාගැනීමට ඔවුන් අතර එකඟතාවක් ද තිබී ඇත.
මෙම පියාට පිය පාර්ශ්වයෙන් උරුම මහගෙදර ඉඩමේ කොටස් කීපයක්ම ඔහු විසින් මිලට ගැනීම නිසා එම ඉඩමේ වැඩි කොටස් හිමි දෙවැනියා ද ඔහු විය. දැනට වසර 22 ක පමණ කාලයක සිට එම ඉඩම බෙදා වෙන්කර ගැනීමට පවරා ඇති නඩුවක් සඳහා ද මෙම පියා මැදිහත් වෙමින් සිට ඇත.
පියා මියායාමට ආසන්න කාලය වනවිට එම නඩුවේ තීන්දුව ප්රකාශයට පත්වීමට ද නියමිතව තිබිණි.
බාල පුත්රයාගේ නිවෙසේ වාසය කළ මහලු පියා එක්තැන් වීමෙන් පසු ඔහුට සාත්තුකර ඇත්තේ තනිකඩව වෙසෙන සොහොයුරෙකි.
දිනක් හදිසියේම තාත්තාගේ තත්ත්වය ගැන සාකච්ඡා කිරීමට අනෙක් සහෝදරයන් තිදෙනා කැඳවූ බාල මල්ලී හා ඔහුගේ බිරිය ඔවුන්ට පවසා ඇත්තේ ඉඩම් නඩුවේ ඉදිරි කටයුතු සඳහා මැදිහත්වීමට මෙම ඉඩම තාත්තා මියයාමට පෙර කාගේ හෝ නමට ලියාගත යුතු බවයි. ඒ නිසා තාත්තට අත්සන් කරන්න පුලුවන්කම තියෙන මේ වෙලාවෙ ඒක කළයුතු බවත්, මගේ නමට ලියනවට අයියලාගෙ විරුද්ධත්වයක් තිබේ දැයි විමසා ඇත.
එම යෝජනාවට කිසිදු විරෝධයක් නොදක්වූ නිසා එම මොහොතේම පියාවත් රැගෙන නොතාරිස්වරයෙකු හමුවූ ඔවුන් හිස් කොළවලට අත්සන් තබා ඉඩම බාල සොහොයුරාට පවරා ඇත. පසුව ඉඩම මැන වෙන්කරන අවස්ථාවේදීත්, ඉඩම වටා වැටවල් ඉදිකරන අවස්ථාවේත්, ඉඩමේ ප්ලෑන අඳින අවස්ථාවේත් කටයුතු සිදුකෙරී ඇත්තේ සියලු සහෝදරයන්ගේ මැදිහත්වීමෙනි.
මේ අතර බාල සොයුරාගේ එකම දියණියට මංගල්යයක් ද තීන්දුවී තිබුණු අතර, ඇය විසින් මෙම ඉඩම විකුණන බව සඳහන් කරමින් මුහුණු පොතට පෝස්ටුවක් එක්කර තිබෙනු තවත් සහෝදරයෙක් දැක ඇත. ඒ පිළිබඳව බාල සොහොයුරාගෙන් විමසීමේදී ”නිකන් තියෙන ඉඩම ගාණකට ආවොත් දීල දානවා” යැයි පවසා ඇත.
ඔහු ඊට පසු දිනෙක එම සොයුරා බාල සොයුරාගේ නිවෙසට ගොඩවැදී ඇති අතර එදින දහවල් ඉඩම මිලදී ගැනීමට ගැනුම්කරුවකු පැමිණෙන බවත් ඒ සඳහා ඔහුට ද පැමිණෙන්න යැයි ආරාධනා කර ඇත. ඉඩම විකුණා මුදල් රැගෙන ආවට පසු මේ මුදල් සමසේ හතර දෙනා බෙදාගතයුතු යැයි සහෝදරයා කළ යෝජනාව ප්රතික්ෂේප කරමින් “ තාත්ත මට ලියාදුන්න ඉඩම. මේ සල්ලි අයිති මට” යැයි පවසා ඇත. තම දියණියට ලැප්ටොප් පරිගණකයක් ගන්නවත් මුදලක් දෙන ලෙස ඉල්ලා ඇත.
මේ මුදල් ප්රමාණයත් දියණියගේ මංගල උත්සවයට ප්රමාණවත් නැතැයි පවසමින් එයද ප්රතික්ෂේප කර ඇත.
පසුදිනෙක සංචාරක පුරවරයේ සුපිරි හෝටල් පරිශ්රයක දියණියගේ විවාහ මංගල උත්සවය පවත්වා ඇති අතර මේ සිද්ධිය දන්නා නෑදෑයන් ”මාම කරපු දේම බෑනත් කරා” යැයි පැවසුවා ලු.
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බේගල් ඇදබා ඉඩම ලියාගෙන මඟුලුත් කාලා