(උපේන්ද්‍ර ප‍්‍රියංකර ජාතුංගම)

වැරදීමකින් ගැහැනියකැයි සිතා පිරිමියකු වැළඳගෙන ලජ්ජාවට පත්වූ මුදලාලි කෙනකු පිළිබඳව කෑගල්ල දිස්ත‍්‍රික්කයේ ගමකින් වාර්තා විය.

සිද්ධිය මෙසේය.

මෙම ගමෙහි මුදලාලි කෙනකුට අයත් වී මෝලකි. දිනපතා වී වේලා ගබඩා කිරීම සඳහා කුලියට වැඩ කිරීමට කාන්තාවෝ මෙම මෝල වෙත පැමිණෙති. උදේට පැමිණෙන කාන්තාවන් වී වේලා මෝල වෙත ගෙන යා යුතු අතර, සෑම දිනකම එක් කාන්තාවක් සවස් කාලයේ නැවතී ගබඩාව පිරිසුදු කිරීම කළ යුතු වේ.

මෙසේ එක් කාන්තාවක් යොදා ගන්නේ මුදලාලිගේ තිබෙන සැඟවුණු ආශාවන් නිසා මිස ගබඩාව පිරිසුදු කිරීමට නොවන බව ගැහැනුන් දන්නා අතර, එහෙත් කිසිම දිනක ඔවුනොවුන් මේ පිළිබඳව සාකච්ඡා කරන්නේ නැත.

එදා සුපුරුදු ලෙස පැමිණි මුදලාලි තම සුපුරුදු රාජකාරිය ආරම්භ කිරීමට සූදානම් විය. එක් කාන්තාවක් අසනීප නිසා මෙදින පැමිණියේ ඇගේ ස්වාමිපුරුෂයාය.

සුපුරුදු ලෙස වටපිට බලමින් ගබඩා කාමරය වෙත ගිය මුදලාලි සෙමෙන් දොර හැර ගත්තේ තම සුපුරුදු රාජකාරියටය. ගබඩා කාමරය අඳුරේ තිබියදී ඔහු එම කාර්යයට සූදානම් විය.

එහිදී ”කවුද යකෝ” යැයි හඬ දුන් පිරිමි හඬකින් අන්දමන්ද වූ මුදලාලි ”උඹ මොකද මෙතන කරන්නේ” යැයි අසා ඇත්තේ අන්දමන්ද වෙමිනි. ”අද අපේ පවුලට සනීප නැහැ. ඒකයි මං වැඩට ආවේ” ඔහු පැවැසීය.

වචන ගලපාගත නොහැකි වූ මුදලාලි හිමින් සීරුවේ එම ස්ථානයෙන් මාරු වී ගියේය.