තාත්තා ගොවි උද්ඝෝෂණයකට නගරයට යාම නිසා පුතා තාත්තා වෙනුවෙන් කඬේ යාමේ පුවතක් පසුගියදා අසන්නට ලැබුනේ දකුණු පළාතේ උප නරගයක් ආශ‍්‍රිත ගමකිනි.

ප‍්‍රදේශයේ මධ්‍ය මහා විද්‍යාලයකි.

පෙර දින පාසල් නොපැමිණි සිසුන් ඊට හේතු ලිපි ඉදිරිපත් කිරීමේ දී එක් සිසුවකු ගුරුවරයාට දුන් ලිපියෙහි සඳහන් වූයේ තම පියා පුවත් වෙළඳාමේ යෙදෙන බවත් එදින පියා ගොවි උද්ඝෝෂණයකට නගරයට ගිය නිසා තමා පියා වෙනුවට කඬේ ගිය බවකි. ලිපිය කියවූ ගුරුවරයාට දැඩි සංවේගයක් මෙන්ම සිනහවක් ද ඇතිවිය. පෞද්ගලිකව සිසුවා තමා ළඟට කැඳවූ ඔහු ‘‘ඔයා තාත්තා වෙනුවෙන් කඬේ ගියේ. තාත්තා කා වෙනුවෙන්ද කඬේ ගියේ?’’

යනුවෙන් ප‍්‍රශ්න කළත් එය වටහාගත නොහැකි වූ ඔහු ලැජ්ජාවෙන් අන්ද මන්ද වී බලා සිටියාලූ.